பூமியெங்கும் வாசம் வரும்!

மலையப்ப ஸ்வாமி ஸ்ரீதேவி, பூதேவியருடன்
நன்றி தினமலர்

------------------------------------------------------------------------------------------------------------------------

பூமி எங்கும் வாசம் வரும்.

கவிஞர்கள் எதையும் சுருக்கமாக அழகுறச் சொல்வார்கள்.

கவியரசர் கண்ணதாசனின் மனைவி பொன்னம்மாள் ஆச்சி அவர்கள் அருமையாகச் சமையல் செய்வார்கள். அருகிருந்து பறிமாறுவார்கள். அதை 

கண்ணதாசன் அவர்கள் சிலாகித்து இப்படிச் சொல்வார்:

”பொன்னம்மா சமையல் செய்தால் 

பூமி எங்கும் வாசம் வரும்”

அதாவது சென்னை அம்பத்தூரில் அம்மையார் சமையல் செய்தால், சமையல் வாசம் நங்கநல்லூரிலும் அடிக்குமாம், வேளாச்சேரி, திருவான்மியூர் 

வரைக்கும் வருமாம். கொஞ்சம் அதிகப்படியான வார்த்தைதான். ஆனால் மகிழ்ச்சியை வெளிப்படுத்தும்போது அப்படித்தான் அதீதமாக இருக்கும்.

மேலும் அவர் சொல்லுவார்:

“சர்க்கரைப் பொங்கல் வைத்தால்

சாமிக்கே ஆசை வரும்!”

எங்கள் பகுதியில் விநாயகர் கோவில் வாசலில் பெண்கள் பொங்கல் வைத்து சாமிக்குப் படைப்பார்கள். அதுபோல தன் மனைவி பொன்னம்மா 

பொங்கல் வைத்தால், அதன் வாசத்தில் விநாயகரே சந்நிதியை விட்டு வெளியே வந்து” பொன்னம்மா, ஒரு கரண்டி பொங்கல் கொடு” என்பாராம்!

எப்படி இருக்கிறது?

====================================

அப்படித்தான் எனக்கு சொல்லத்தோன்றுகிறது. ஆனால் நான் சொல்லாமல் உங்களிடமே அந்த வேலையை விட்டு விடுகிறேன்.

வகுப்பறை ஜோதிடம் நூலை சமீபத்தில், சிங்கப்பூர், மஸ்கட், அமெரிக்கா, கனடா போன்ற நாடுகளில் வசிக்கும் மாணவக் கண்மணிகளுக்கு 

அஞ்சலில் (By registered post) அனுப்பிவைத்தேன். அவர்களிடமிருந்து வந்த பாராட்டுக்கடிதங்களில் சிலவற்றை உங்கள் பார்வைக்காக இன்று 

சமர்ப்பிக்கிறேன்.

பாராட்டு என்பது எழுதுபவர்களுக்கு ஊக்க மருந்து ஆகும்! It is like tonic

அன்புடன்

வாத்தியார்

-----------------------------------------------------

1

----------------------------------------------------------------
2
ஆசிரியர் அவர்களுக்கு வணக்கம்...

பழனி அப்பன் அருளால் வகுப்பறை ஜோதிடம் தொகுதி -1 மிகவும் சிறப்பான முறையில் அச்சிடப்பட்டுள்ளது .

தாய் குழந்தையை பிரசவிக்க 10 மாதங்கள் ஆகும் . ஆனால் அய்யா அவர்கள் முதல் தொகுதியை உருவாக்க 2 ஆண்டு காலங்கள் எடுத்துக்கொண்டு மிக அழகான முறையில் ஜோதிட பொக்கிஷ த்தை தொகுத்து தந்தமைக்கு மனமார பாராட்டுகிறேன் .

கடந்து வந்த பாதையை மறக்காமல் கூகுள் ஆண்டவருக்கு நன்றி சொல்லியிருப்பது தங்களின் தன்னடக்கத்தை காட்டுகிறது .

உங்களுக்கே உரிய தனித்தன்மையுடன் நகைச்சுவை கலந்து ஜோதிடத்தை மிக எளிமையாக  அனைவரும் புரிந்து கொள்ளும் முறையில் ஆக்கம் செய்திருப்பது மகிழ்ச்சியை தருகிறது .

அடுத்துவரவுள்ள ஜோதிட தொகுதிகளும் இன்னும் சிறப்பாக அமைய பழனி அப்பன் துணையிருப்பான் !!!

அன்புடன்
சோமசுந்தரம் பழனியப்பன்
மஸ்கட்
Mob : +968 93675381
--------------------------------------------------------------------
3
வணக்கம் அய்யா,

புத்தகம் பதிவு தபாலில் கிடைத்தது, நன்றி.

அனைத்து பக்கங்களும் அருமையான தகவல்களும், அரிய செய்திகளும் நிறைந்ததாக உள்ளது. மலிவான விலையில் புத்தகத்தின் தரமும், பதிவேற்றமும் உயர்வாக உள்ளது. எழுத்துகளும், ஜாதக கட்டங்களும் தெளிவாக அச்சிடப்பட்டுள்ளன. வழக்கமான தங்களது நகைச்சுவை பாணியில், எளிய நடையில் எல்லா ஜோதிட செய்திகளும் புத்தகத்தில் உள்ளது.

நிறைய விஷயங்கள் அன்றாட வாழ்க்கையில் பயன்படுத்தக் கூடிய வகையில் அவசியமான செய்திகளை வெளியிட்டுள்ளீர்கள். அமிர்தயோகம், சித்தயோகம் பார்ப்பது பற்றி தெளிவாக எழுதி இருக்கின்றீர்கள். மூலத்திரிகோணம், நவாம்சம் போன்ற புதிய செய்திகளையும் தெரிந்துக்கொண்டோம், குறிப்பாக நவாம்சம் ஜாதகத்தில் எவ்வளவு முக்கியமானது என்று அறிந்தோம். எல்லா தகவல்களும் அனைவரும் புரிந்து கொள்ளும் விதமாக உதாரண ஜாதகம் மற்றும் பிரபலமானவர்களின் ஜாதகமும் இனணத்துள்ளீர்கள். தங்களின் நகைச்சுவை ததும்பும் ஒவ்வொரு வரியையும் ரசித்து படிக்கின்றோம்.

இந்த புத்தகத்தில் ஒரு சில யோகங்கள் மட்டுமே வெளியிட்டுள்ளீர்கள். அடுத்த புத்தகத்தில் நாங்கள் அனைத்து யோகங்களைப் பற்றிய செய்திகளையும் எதிர்ப்பார்க்கின்றோம். உங்களின் அனைத்து புத்தகங்களையும் வாங்குவதற்கு ஆவலாக உள்ளோம். புத்தகம் பற்றி எழுதிக்கொண்டே போவதற்கு நிறைய இருந்தாலும், நான் சுருக்கமாக எழுதியுள்ளேன்.

அன்புடன்,
சரளா, சிங்கப்பூர்.

===================================================

வாழ்க வளமுடன்!
வளர்க நலமுடன்!