கயல்விழிகளில் வயல் அமைப்பவன் யார்?

"கட்டி தங்கம் வெட்டி எடுத்து
காதல் என்னும் சாறு பிழிந்து
தட்டி தட்டி சிற்பிகள் செய்த உருவமடா
அவள் தள தளவென்று ததும்பி நிற்கும் பருவமடா!"

என்று நாயகன் தன் காதலியைக் கண்டு மனம் உருகிப் பாடுகின்றான்

உடனே நாயகியும் கண்கள் பனிக்க காதலனுக்குப் பதில் சொல்லிப்
பாடுகிறாள்

"கட்டான கட்டழகுக் கண்ணா -
உன்னைக்காணாத பெண்ணும் ஒரு பெண்ணா"

"அடிப்பாவி, தன் காதலனின் அழகைப் பார்த்து வியக்காத பெண்ணும்
பெண்ணல்ல என்றல்லவா சொல்கிறாள். என்ன அநியாயம்? " என்று
அவளை வையாதீர்கள். அவளுடைய நாயகன் அவ்வளவு அழகானவன்.
அவனுடைய அழகை உயர்த்திச் சொல்கின்றாள்.அவ்வளவுதான்.

உடனே நாயகன் சும்மா இருப்பானா? அவனும் பொருத்தமாகப் பதில்
சொல்கிறான்

"பட்டாடை கட்டி வந்த மைனா -
உன்னைப்பார்க்காத கண்ணும் ஒரு கண்ணா?"

இதுக்கு அவளே பரவாயில்லை. இவனே அப்படிச் சொல்லும் போது
அவள் சொல்வதில் என்ன தவறு?

தொடர்ந்து நாயகன் தன் காதலியை வர்ணிக்கின்றான். வர்ணனை
பிடிக்காதவர்கள் பத்து வரிகள் தாண்டிப் போய்விடலாம்.

"மானல்லவோ கண்கள் தந்தது
மயில் அல்லவோ சாயல் தந்தது
தேனல்லவோ இதழைத் தந்தது
சிலையல்லவோ அழகைத் தந்தது"

என்று நாயகன் சிலாகித்துப் பாட, நாயகி விடுவாளா, உடனே அவள்
கிறங்கிப் பாடுகின்றாள்

"தேக்குமரம் உடலைத் தந்தது
சின்ன யானை நடையைத் தந்தது
பூக்களெல்லாம் நிறத்தைத் தந்தது
பொன்னல்லவோ சிரிப்பைத் தந்தது"

உடனே நம்ம ஆள் மயங்கி விட்டான். தொடர்ந்து பாடுகிறான்

"சிரித்தாள் தங்கப் பதுமை
அடடா அடடா என்ன புதுமை
கொடுத்தேன் எந்தன் மனதை
வளர்த்தேன் வளர்த்தேன் இந்த உறவை"

அவன் வளர்த்த உறவைப் பற்றி சிந்தித்து நேரத்தை வீணாக்காமல்
பாடலத் தொடர்ந்து பாருங்கள்.

"மார்கழிப் பனி போல் உடையணிந்து -
செம்மாதுளங்கனி போல இதழ் கனிந்து
கார்குழலாலே இடையளந்து - நீ
காத்திருந்தாயோ எனை நினைந்து"

அவள் காத்திருந்ததை எப்படி வர்ணிக்கிறான் பாருங்கள். மார்கழிப் பனி
போன்ற உடையாம்.

உடனே செம்மாதுளங்கனி இதழ்க்காரி என்ன பிதற்றுகிறாள் பாருங்கள்

"அழகெனும் வடிவில் நிலையிழந்தேன் -
இந்தஆண்மகன் பிடியில் எனை மறந்தேன்
பழகியும் ஏனோ தலை குனிந்தேன் -
இன்றுபருவத்தின் முன்னே முகம் சிவந்தேன்"

தன் முகம் சிவந்ததன் காரணத்தை அவள் அடுக்கிச் சொல்கிறாள்

உடனே நம்ம ஆள் அச்சாரம் போட்டுப் பாடுகிறான். என்னதொரு
கற்பனை பாருங்கள்

"கயல்விழி இரண்டில் வயல் அமைத்து -
அதில்காதல் என்றொரு விதை விதைத்து
காலமறிந்து கதிர் அறுப்போமா
காவிய உலகில் குடியிருப்போமா"

கயல் விழிகளில் வயல் அமைக்கிறானாம். ஆமாம் அந்த வயலுக்குப்
பத்திரப்பதிவு செலவெல்லாம் கிடையாது. அமைக்கட்டும் என்ன
கெட்டுவிடப் போகிறது?

உடனே நாயகி தன் நிலை இழந்து சொல்கின்றாள்

"பஞ்சணைக் களத்தில் பூவிரித்து -
அதில் பவள நிலாவை அலங்கரித்து
கொஞ்சிடும் இரவை வளர்ப்போமா -
சுகம்கோடிக் கோடியாய்க் குவிப்போமா!

கட்' கட்.... வாத்தியாரின் கத்திரிக்கோல் விழுந்து விட்டது.
வாருங்கள் பாடத்தைப் பார்ப்போம்.
-------------------------------------------------------------------------------------------------
"வாத்தியார் என்ன இது? குஷி moodஆ? காதல் பாடல்களாய் இருக்கிறது.
வகுப்பை நடத்தும் லட்சணம் இதுதானா?"

"குஷி மூடும் இல்லை, ஒரு மண்ணாங்கட்டியும் இல்லை. இந்தப் பாடல்
வரிகளுக்குள் ஒரு ஒற்றுமை இருக்கிறது. அது என்ன?"

"..........................................."

"எனக்குத் தெரியும் கேள்வி கேட்டால் எல்லோரும் வழக்கம்போல வாய்
மூடி மெளனமாகி விடுவீர்கள். தெரிந்தவர்கள் சொல்லுங்கள். இல்லை என்றால்
கடைசியில் நான் சொல்கிறேன்"
---------------------------------------------------------------------------------------------------
"வாத்தியார் ஒரு க்ளூ மட்டும் கொடுங்கள்"

"இன்றையப் பாடத்திற்கும், அந்தப் பாடல்வரிகளுக்கும் ஒரு தொடர்பு
இருக்கிறது"
---------------------------------------------------------------------------------------------------
ஜோதிடத்தில் சூரியனின் பங்கு!

கிரகங்களின் அரசன் சூரியன். அதில் சந்தேகமில்லை. சூரியன்தான்
ஆட்சியாளர்களை உருவாக்குபவன். சூரியனின் அருளின்றி எவரும்
அரசியலிலோ அல்லது ஆட்சிக்கோ வரமுடியாது.

சூரியனை இயற்கையிலேயே ஒரு தீயகிரகம் (natural malefic) என்று
வேதங்கள் வர்ணிக்கின்றன. அதனால்தானோ என்னவோ அரசியல்
வாதிகளிலும் பலர் தீயவர்களாகி விடுகிறார்கள்

ஜாதகனுக்கு வலிமையையும், எதிர்ப்பு சக்தியையும் கொடுப்பவன் சூரியனே.
நம் உடல் அமைப்புக்கு அவன்தான் காரகன்

(The Sun gives us vitality and the power of resistance and immunity.
It is responsible for our physical makeup - the body's constitution.
The Sun gives life force, the power of will, intellect, brilliance,
prosperity, success in worldly affairs, wealth, personal conduct, activity,
cheerfulness, good fortune, wisdom, ambition, fame, the understanding
of the phenomenal world, and the knowledge of medicine.)

சூரியனை வைத்துத்தான், சூரியனின் ஆதிக்கம் அதிகமாக இருக்கும்
நாளைத்தான் நாம் ஞாயிற்றுக் கிழமை என்கிறோம். அதைத்தான்
மொழிபெயர்ப்பில் Sunday என்கிறார்கள்.

சூரியனை வணங்கி மகிழத்தான் ஞாயிற்றுக் கிழமையை விடுமுறையாக
விட்டார்கள். அதாவது அது அந்தக்காலத்தில். சூரியனை வணங்கி விட்டு
வேலைகளைத் துவங்குவோம் மற்ற ஆறு நாட்களில் வேலைகளைச்
செய்வோம்.

இப்போது நிலைமை தலைகீழாக மாறிவிட்டது. கலியுகம். மனிதன் திங்கள்
முதல் சனி வரை வேலை செய்துவிட்டு ஞாயிறன்று ஓய்வு என்று சொல்லிப்
படுத்து உறங்குகிறான். அல்லது சன் டி.வி, கே. டி.வி, ராஜ் டி.வி என்று
ஒரே நாளில் மூன்று திரைப்படங்களை ஓசியில் பார்த்து மகிழ்கிறான்.
ஓசியில் கிடைப்பதெல்லாம் பெரும்பாலும் மகிழ்ச்சியையே தரும்:-))))

Aditya என்பதற்கு தமிழில் முதல் பிறவி ("first born") என்று பெயர்
பூமியின் சுழற்சியினால் இரவு பகல் நமக்குக் கிடைப்பதற்குக் காரணம்
சூரியனே. இல்லையென்றால் வெறும் இரவு மட்டும்தான் இருக்கும்
--------------------------------------------------------------------------------------------------------
1. ஜாதகனுக்கு வாளிப்பான அல்லது வலிமையான அல்லது ஆரோக்கியமான
உடம்பு அமைவதற்குக் காரணம் சூரியனே. சூரியன்தான் உடல்காரகன்

2. சூரியன் கேந்திர திரிகோணங்களில் அமர்ந்திருந்தால், சுயவர்க்கத்தில்
5ம் அல்லது அத்ற்கும் மேற்பட்ட பரல்களையும் கொண்டிருந்தால் ஜாதகனுக்கு
நல்ல உடல் அமைப்பு இருக்கும்.

நமக்கு எதையும் சினிமாவை வைத்துச் சொன்னால் எளிதில் புரியும். ஆகவே
அதன் பலனை இப்படிச்சொல்லலாம். சூரியன் நன்றாக இருந்தால், ஜாதகனுக்கு
அரவிந்தசாமி, அல்லது அஜீத் குமார் அல்லது சூர்யா அல்லது அப்பாஸ்
அல்லது மமுமுட்டி போன்றவர்களின் வசீகரமான உடல் அமைப்பு இருக்கும்
இல்லையென்றால் ஜாதகன் ஓமக்குச்சி நரசிம்மன்தான்

3. ஜாதகத்தில் சூரியன் தீயவர்களின் வீட்டில் அல்லது சேர்க்கையில் அல்லது
பார்வையில் இருந்தால் ஜாதகனுக்கு நோய்கள் இருக்கும் அல்லது உண்டாகும்
சூரியன் ஆறு, எட்டு, அல்லது பன்னிரெண்டு ஆகிய வீடுகளில் அமர்ந்து
இருந்தாலும் அதே பலன்தான்.

இந்த அமைப்பில் சுபக்கிரகங்களின் பார்வையைப் பெற்றிருந்தால் அது
விதிவிலக்கைக் கொடுக்கும்!

4. ஜாதகத்தில் சனியும் சூரியனும் சேர்ந்திருந்தாலும் அல்லது ஒருவரை ஒருவர்
நேராகப் பார்த்தாலும், ஜாதகனுக்கு ஊனம் அல்லது உடற் குறைபாடுகள்
உண்டாகும் அல்லது ஏற்படும்.

5. சூரியன்தான் தந்தைக்கும் அதிபதி. சூரியன் நன்றாக இருந்தால் நல்ல
தந்தை கிடைப்பார். இல்லையென்றால் இல்லை

6. ஜாதகத்தில் சூரியன் கெட்டிருந்தால், ஒரு சப்பையான தந்தை அல்லது
ஒரு உதவாக்கரைத் தந்தை கிடைப்பார்.(He will be useless or hopeless)

7. சூரியன் கெட்டிருந்தால் அல்லது மறைந்திருந்தால், சிலர் தங்களுடைய
சின்ன வயதிலேயே தந்தையை இழக்க நேரிடும்.

இது இளம் வயதுக் குழந்தைகளுக்கு ஒரு சோகமான சூழ்நிலையைக்
கொடுக்கும்

"அன்னையோடு அறுசுவைபோம். தந்தையோடு கல்விபோம்" என்பது
முதுமொழி. அன்னை கையால் உண்ணும் உணவுதான் அறுசுவையாக
இருக்கும் என்பார்கள். அன்னை போய்விட்டால் மகனுக்கு நல்ல சுவையான
உணவு கிடைக்காது என்று இதற்குப் பொருள். இது பெண் குழந்தை
களுக்கும் பொருந்தும்

(தங்கமணிகள் வந்து சமையலைக் கற்றுக் கொண்டு, நமக்கு சுவையான
உணவைக் கொடுப்பதற்குள் ஒன்று நமக்கு வயசாகிவிடும் அல்லது மேலே
சிறகில்லாமல் சென்றிருப்போம்)

8. சூரியனுடன் பத்துப் பாகைக்குள் வரும் மற்ற கிரகங்கள் அஸ்தமனமாகி
விடும் ஆதலால் சூரியன் தனித்து இருப்பது நல்லது

இதை வைத்துத்தான் அமாவாசையில் பிறப்பவன் அவதிப்படுவான்
என்பார்கள். அமாவாசையன்று சூரியனும், சந்திரனும் நெருங்கி ஒருவரை
ஒருவர் கட்டிக் கொண்டிருப்பார்கள். அந்தக் கட்டில் ஜாதகனுடைய
சந்திரன் அவுட்டாகி விடுவார். அதாவது அஸ்தமனம் ஆகி விடுவார்.

அதானால் ஜாதகனுக்கு வாழ்க்கையில் பெரிய பெரிய அவஸ்தைகள் வந்து
கொண்டே இருக்கும். அதிலும் ஒரு நன்மை உண்டு. ஜாதகன் ஐம்பது
வயதிற்குமேல் ஞாநியாகிவிடுவான்.

9. சூரியன் நீசமாகி, சுபக்கிரகங்களின் பார்வை அல்லது சேர்க்கை பெறாமல்
சுய வர்கத்தில் 2 அல்லது அதற்குக் குறைவான பரல்களை பெற்றிருக்கும்
ஜாதகனின் உடம்பு பலமின்றி (weak) இருக்கும். நோஞ்சானாக இருப்பான்
அல்லது நித்திய சீக்காளியாக இருப்பான்.

10. உச்சமான சூரியன், சுபக்கிரகத்தின் பார்வை பெற்ற சூரியன்,சுய வர்க்கத்தில்
5 அல்லது அதற்கு மேல் பெற்ற சூரியன் ஆகிய அமைப்புக்கள் உடைய
ஜாதகன் டக்கராக் இருப்பான். வெற்றி மீது வெற்றி வந்து அவனைச் சேரும்.
===========================================================
1. The Europeans called the Sun "Apollo," whom the Greeks adored as the Sun-God.

2. In Iran, Mithra, the God of Light, is the Sun-God.

3. The Chinese regarded the Sun as the prime dispeller of evil spirits.

4. In Japan, Dhyani Buddha, the great Sun, is the ultimate Buddha-reality.

5. Mexicans, the Sun is "Impalnesohumani", which means "He by whom men live."

6. The Egyptians view the Sun as the governing deity because he causes
upward and downward currents of ether and the annual waters of rains.

7. The Chaldeans also worshipped the Sun.

8. The Hindu prays to the Sun thrice a day. Surya Namaskar, Whenever
the Sun enters into certain significant zodiacs, the Hindus perform religious
functions. They celebrate Sankranti when Sun enters Capricorn zodiac, when
Sun commences its northern course. Tamil New Year's Day is celebrated

9. when the Sun crosses the fixed Nirayana Vernal Equinox and enters
Aries. Christians celebrate Christmas on that very day when the Sun changes
its course in the sky and starts gaining power.

Sundays were probably initially designated holidays to worship this God of the sky.
==============================================================
சூரியனுக்கும் பன்னிரெண்டு ராசிகளுக்கும் உள்ள தொடர்பு

சூரியனுக்குச் சொந்த வீடு: ஒன்று மட்டுமே: அது சிம்மம்
சூரியனுக்குச் நட்பு வீடுகள்: மூன்று = விருச்சிகம், தனுசு, மீனம்
சூரியனுக்குச் சம வீடுகள்: மூன்று = கன்னி, மிதுனம், கடகம்
சூரியனுக்குச் பகை வீடுகள்: மகரம், கும்பம், ரிஷபம்
சூரியனுக்குச் உச்ச வீடு: மேஷம்
சூரியனுக்குச் நீச வீடு: துலாம்

சொந்த வீட்டில் ஆட்சி பலத்துடன் இருக்கும் சூரியனுக்கு 100%
வலிமை இருக்கும்.

சூரியனுடன் பதன் சேர்ந்திருந்தால் ஆதித்ய யோகம்
அந்த யோகத்திற்குப் பலன்கள்:
ஜாதகன் புத்திசாலியாக இருப்பான். எல்லா வேலைகளிலும்
கெட்டிகாரனாக இருப்பான். மதிப்பும் மரியாதையும் உடையவனாக
இருப்பான் அல்லது அவைகள் அவனுக்குக் கிடைக்கும் அல்லது
தேடிவரும். வசதிகளும் மகிழ்ச்சியும் கொண்டவனாக இருப்பான்

சூரியனுடன் சனி சேரக்கூடாது. அல்லது ஒருவர் பார்வையில்
ஒருவர் இருக்கக்கூடாது. உடல் நோய்கள், உடல் உபாதைகள்
உடல் ஊனங்கள் ஏற்படும் அபாயம் உண்டு

சம வீட்டில் இருக்கும் சூரியனுக்கு 75% பலன் உண்டு! (என்ன
இருந்தாலும் சொந்த வீடு போல ஆகுமா?)

நட்பு வீட்டில் இருக்கும் சூரியனுக்கு 90% பலன் உண்டு.

பகை வீட்டில் இருக்கும் சூரியனுக்கு 50% பலன் மட்டுமே உண்டு

நீசமடைந்த சூரியனுக்கு பலன் எதுவும் இல்லை

உச்சமடைந்த சூரியனுக்கு இரண்டு மடங்கு (200%) பலன் உண்டு!

இந்த அளவுகளையெல்லாம் நான் எடை போட்டுச் சொல்லவில்லை;
அனுபவத்தில் சொல்கிறேன். அதை மனதில் கொள்க!
=============================================
சூரியன் கொண்டிருக்கும் சுயவர்க்கப்பரல்களுக்கான் பலன்கள்:

சுயவர்க்கத்தில் சூரியன் கொண்டிருக்கும் பரல்களை வைத்துப் பலன்கள்:
எல்லாம் பொதுப்பலன்கள். உங்களுடைய ஜாதகத்தின் மற்ற அம்சங்களை
வைத்து இவைகள் மாறுபடலாம், அல்லது வேறுபடலாம். அதையும் மனதில்
கொள்க!

1 பரல்: உடல் உபாதைகள், துக்கம், அலைச்சல்

2 பரல்கள்: மகிழ்வின்மை, தனநஷ்டம், அரசுபகை, புரிதலின்மை (misunderstanding)

3 பரல்கள்: அவதிகொடுக்கும் உடல் நிலை, அலைச்சல் மிகுந்த பயணங்கள்
உடல் காரணமாக மனதிற்கும் வேதனைகள்

4 பரல்கள்: சம அளவில் லாபம், நஷ்டம், மகிழ்ச்சி, துக்கம் கலந்த வாழ்வு.

5 பரல்கள் செல்வாக்கு உள்ளவர்களின் நட்பு, கல்வியால் மேன்மையடைதல்

6 பரல்கள்: ஆரோக்கியமான உடல் நிலை. வசீகரமான தோற்றம், சாதிக்கும்
மனப்பான்மை. வண்டி வாகன சேர்க்கைகள். முறையான வழியில் அதிர்ஷ்டம்
மற்றும் புகழ்.

7 பரல்கள்: வாழ்க்கையின் உச்சங்களைக் காணும் பாக்கியம். உரிய விருதுகள்
கிடைக்கும் வாழ்க்கை

8 பரல்கள்: அரசியல் செல்வாக்கு, அதிகாரம், மரியாதை எல்லாம் கிடைக்கும்
அல்லது அப்படிப் பட்டவர்களின் தொடர்பு கிடைக்கும். சிலருக்கு உலக
அளவில் அறியப்படும் வாய்ப்பும் உண்டாகும் (universal respect)
==========================================================
சூரியன் இருக்கும் 12 ராசிகளுக்குகான பலன்கள்

1
லக்கினத்தில் சூரியன் இருந்தால்: ஜாதகன் கோபக்காரன். சிலருக்கு
சோம்பலும் சேர்ந்து இருக்கும். அதீத துணிச்சல் உடையவனாக இருப்பான்
சிலருக்கு இளம் வயதிலெயே தலை வழுக்கையகிவிடும். தங்களைப்
பற்றிய உயர்வு மனப்பானமை இருக்கும். இரக்கசிந்தனை இருக்காது.
பொறுமையுணர்வும் இருக்காது.

மேஷ லக்கினத்தில் சூரியன் இருக்கப் பிறந்தவர்கள் உயர்கல்வி
பெற்றவர்களாக இருப்பார்கள். செல்வந்தவர்களாவும், தனித்தன்மை
உடையவர்களாகவும், புகழ் பெற்றும் விளங்குவார்கள்.

கடகத்தை லக்கினமாகக் கொண்டு அதில் சூரியன் இருக்கப் பிறந்தவர்கள்
கண்பார்வைக் கோளாறுகள் ஏற்பட்டு அவதிப்படுவார்கள்.

துலாம் வீடு லக்கினமாக இருந்து அங்கே சூரியன் நிலை கொண்டிருந்தால்,
ஜாதகன் வறுமை மற்றும் துன்பத்தால் அவதியுறுவான். அதே லக்கினத்தில்
பிறந்த பெண்ணிற்குக் கருத்தரிப்பதில் பிரச்சினை உண்டாகும்

மேற்கூறிய இடங்களைச் சுபக் கிரகங்கள் பார்த்தால், தீய பலன்கள்
வெகுவாகக் குறைந்துவிடும். நல்ல பலன்கள் அதிகமாகும்
....................................................................................................................
2
லக்கினத்திற்கு இரண்டாம் வீட்டில் சூரியன் இருந்தால்:

சொத்துக்கள் இருக்காது அல்லது கிடைக்காது. அதே போலக் கல்வியும்
கிடைக்காமல் போய்விடும்.. பெருந்தன்மை உடையவனாக ஜாதகன்
இருப்பான். எதிரிகளையும் நேசிப்பான். சிலருக்கு அரசு பகை
உண்டாகலாம்.

இரண்டாம் வீட்டில் எந்த தீய கிரகம் இருந்தாலும், அது ஜாதகனின்
சொத்து சுகங்களுக்கு எதிராகத்தான் இருக்கும். எதிராகத்தான் வேலை
செய்யும்.
.....................................................................................................................
3.
லக்கினத்திற்கு மூன்றாம் வீட்டில் சூரியன் இருந்தால்:

ஜாதகன் வசீகரமானவனாக இருப்பான்.(the quality of being good
looking and attractive) தியாக மனப்பான்மை உடையவனாக இருப்பான்.
யுத்தத்தில் எதிரிகளை வதம் செய்பவனாக இருப்பான். அதீத
துணிச்சல் இருக்கும். உடல் உறுதியுடையவனாக இருப்பான்.

இந்த அமைப்பு (அதாவது லக்கினத்திற்கு மூன்றாம் வீட்டில் சூரியன்)
இளைய சகோதர உறவுகளுக்கு எதிரானது. உறவுகள் ஜாதகனை விட்டு
விலகும்
.......................................................................................................................
கட்டுரை பெரியது. எழுதுவதற்கும் தட்டச்சுவதற்கும் இதுவரை அதிகமான
நேரத்தைப் பிடித்துக்கொண்டு விட்டது. ஆகவே இனிவரும் வீடுகளுக்கு
மொழி மாற்றத்தைக் கைவிட்டு விட்டு என் சேகரிப்பில் இருப்பதை
அப்படியே தருகிறேன். எளிய ஆங்கிலத்தில்தான் உள்ளது. அனைவருக்கும்
புரியும்
4.
Sun in the Fourth House

Heart may be afflicted. Will be devoid of happiness, landed
properties, relatives and conveyances. Will be interested in
the opposited sex. Will have many houses. Will harm paternal
wealth. Will never have mental peace & contentment.
.....................................................................................................................
5.
Sun in the Fifth House

Will be highly intelligent, and will be loved by the Government.
Will be devoid of sons, comforts & wealth. Will love forests &
try to live in such surroundings. This position is adverse for
relationship with sons.
.....................................................................................................................
6
Sun in the Sixth House

Will have prosperity and along with prosperity, enemies.
Will be virtuous, Will be famous, Will have good digestive power.
Will be victorious but will have to face enemy trouble. Will be
a commander and will be skilled in combat. Will be a lord with a
lot of subordinates. Digestive tract disorders indicated.
...................................................................................................................
7.
Sun in the Seventh House

Will be tormented by the Government. Will have to face defeat.
Will be devoid of marital happiness. Will have to face humiliation.
May be insulted by women. Body may be tormented by ill health.
Will be traveling a lot.
................................................................................................................
8
Sun in the Eighth House

Will be devoid of relatives and wealth. Will be melancholic &
sorrowful. Will be quarrelsome and will be fastidious. Will have
to face defeat in many situations.
...................................................................................................................
9
Sun in the Ninth House

Will have wealth, relatives and sons. Will have reverence for the
preceptors and devotion to spiritual people. May harm the father.
Will be devoid of Dharma. Will be a misogynist.
....................................................................................................................
10
Sun in the Tenth House

Will be highly educated & will have paternal wealth. Will be
highly intelligent with a lot of conveyances. Will be hedonistic
and strong. This dominance of Sun on the Meridian is capable
of conferring regal status, knowledge and valor.
................................................................................................................
11
Sun in the Eleventh House

Will be wealthy with high education. Will have good longevity and
a lot of good subordinates.Will have high professional skill. Will be
strong and will be prosperous
.................................................................................................................
12
Sun in the Twelfth House

Will have eye troubles and will be devoid of sons & wealth. Will be
inimical to the father. Will be weak and may fall from profession.
This adverse position of the Sun is not good from the perspective
of profession as a fall is indicated.

எல்லாம் பொதுப்பலன்கள். உங்களுடைய ஜாதகத்தின் மற்ற அம்சங்களை
வைத்து இவைகள் மாறுபடலாம், அல்லது வேறுபடலாம். அதையும் மனதில்
கொள்க!
--------------------------------------------------------------------------------------------------
சூரியனின் கோச்சார பலன்கள்:

சூரியன் ஒரு வருடத்திற்குள் ஒரு சுற்று சுற்றி முடிக்கக்கூடியவர்.
ஒவ்வொரு ராசியிலும் ஒவ்வொரு மாதம் மட்டுமே இருக்கக் கூடியவர்

3, 6, 11 ஆகிய வீடுகளில் சஞ்சாரம் செய்யும் அந்த 3 மாதகாலம்
மட்டுமே ஜாதகனுக்குக் கோச்சார சூரியனால் நன்மைகள் ஏற்படும்
மற்ற 9 மாத காலத்தில் கோச்சார சூரியனால் நன்மைகள் ஏற்பட
வழியில்லை

கோச்சார சூரியன் தான் சுற்றிவரும் பாதையில் ஜாதகனின் சுயவர்க்கத்தில்
தன்னுடைய கட்டத்தில் எந்த இடத்தில் ஜீரோ பரல்களுடன் இருக்கிறாரோ
அந்த இடத்திற்கு வரும் மாதத்தில் ஜாதகனுக்கு நோய் நொடிகளை
அல்லது தன் நஷ்டங்களைக் கொடுப்பார்,
=========================================================
சூரியனைப் பற்றிய பாடம் நிறைவுறுகிறது.

அடுத்த வாரத்தில் வேறு ஒரு கிரகத்தைக் கையில் எடுத்துத் துவைப்போம்

"அது என்ன கிரகம் சார்?"

"அப்பாவிற்குப் பிறகு யார் வருவார்கள்? அதுதான் அடுத்த கிரகம்!"

அதுவரை பொறுத்திருங்கள்

இந்தப் பதிவில் உங்களுக்கான பகுதிகளை மட்டும் அல்லது வரிகளை
மட்டும் படித்து விட்டு வந்து, "சார், அடுத்தபாடம் எப்போது?" என்று
யாரும் கேட்க வேண்டாம். 'செய்வன திருந்தச் செய்' என்பது முதுமொழி.
முன்பே பலமுறை சொல்லியிருக்கிறேன். ஆகவே அனைவரும் பாடத்தை
முழுமையாகப் படியுங்கள்.
======================================================

நான் தொழில்முறை ஜோதிடன் அல்ல! தொழில்முறை வாத்தியாரும் அல்ல!
தொழில்முறை ஆன்மிகவாதியும் அல்ல! உலகைத் திருத்தப் பிறந்த
இறைதூதனும் அல்ல!

என் போதாத நேரம், பொழுதை நல்ல வழியில் கழிப்பதற்காகவும், என்
அனுபவங்களை அடுத்த தலைமுறையினருடன் பகிர்ந்து கொள்ளும்
நோக்கத்துடனும் பதிவுகளில் எழுதிக்கொண்டிருக்கிறேன்

பைசா பிரயோஜனம் இல்லை என்று தெரிந்தும், எனது அரிய நேரத்தைச்
செலவழித்து எழுதிக் கொண்டிருக்கிறேன், இதை பதிவிற்குப் புதிதாக
வருபவர்கள் கவனத்தில் கொள்வது அவர்களுக்கு நல்லது.

எனக்கு நல்லது, கெட்டது எல்லாம் ஒன்றுதான். நான் புகழுக்கு
மயங்குபவனும் இல்லை. தூற்றலுக்கு அஞ்சுபவனும் இல்லை!
கவியரசரின் மாணவன். அவருடைய பாடங்களைப் படித்துத் தேறியவன்.
அதையும் மனதில் கொள்க!

அன்புடன்
வகுப்பறை வாத்தியார்

வாழ்க வளமுடன்!