பெயர்ச்சியா? தளர்ச்சியா?

குரு பகவான் மூட்டை முடிச்சுக்களைத் தூக்கிக் கொண்டு வீடு மாறுகிறார்.
அதனால் யாராருக்கு என்ன நேரும்? என்று எல்லா இதழ்களும் போட்டி
போட்டுக்கொண்டு எழுதுகின்றன.

அவருக்கு ஏது மூட்டை முடிச்சுக்கள்? மனிதனுக்குதான் மூட்டை முடிச்சுக்கள்
ஐடென்ட்டி கார்டு, வோட்டுரிமை கார்டு, பான் கார்டு, ரேசன் கார்டு என்று
பைநிறையப் பல கார்டுகள். ஒரு லாரி கொள்ளும் அளவிற்கு தேவைப்படும்
வீட்டு, மற்றும் சொந்த உபயோக சாதனங்கள். ஒவ்வொருமுறையும் வீடு
மாறும்போதும் தூக்கிக் கொண்டு அலைய வேண்டும். அத்துடன் குடும்ப உறவுகள்.

ஆகவே குரு பகவான் இடம் பெயருகிறார். உங்கள் வீட்டிற்கு அருகில்
எங்கே வருகிறார் பாருங்கள்? என்று ஒருவனைப் பயமுறுத்துவது போல
வருகின்ற செய்திகளைக் கண்டு மயங்காதீர்கள்.

தற்போது வான வட்டத்தில் 270 டிகியில் பயணித்துக் கொண்டிருக்கும்
அல்லது சுழன்று கொண்டிருக்கும் குரு பகவான், டிஸம்பர் 6ஆம் தேதியன்று
271 டிகிரிக்கு அடியெடுத்து வருகிறார். அது தனுசுராசி முடிந்து மகரராசியின்
எல்லை. அதைத்தான் பத்திரிக்கைகள் குருப் பெயர்ச்சி என்று எழுதுகின்றன
அதோடு ஒவ்வொரு ராசிக்கும் நன்மை தீமைகளையும் எழுதியிருக்கின்றன

இந்திய மக்கள், ஏன் உலக மக்கள் அனைவருக்கும் அவைகள் பொதுப்
பலன்கள் ஆகும். பலன்கள் நன்றாக இருக்கும் என்று எழுதியிருப்பதைப்
படிப்பவர்கள் மகிழ்ந்தும் அல்லாதாவர்கள் தளர்ந்தும் போய் விடுவார்கள்

அதெல்லாம் தளராதீர்கள்?

நான் முன்பே எழுதியிருக்கிறேன். ஜாதகம் என்பது வாகனம் (car). தசாபுத்தி
என்பது பயணிக்கும் பாதை (Road). கோச்சாரம் என்பது ஓட்டுனர் (Driver)

கார் நன்றாக இருந்தாலும் பயணிக்கும் பாதையும், ஓட்டுனரும் முக்கியமானவை.
பாதை நன்றாக இருந்தால் பயணம் சுகமாக இருக்கும். ஓட்டுனர் நன்றாக
இருந்தால் பயணம் பாதுகாப்பாக இருக்கும்.

ஆகவே வெறும் குருப்பெயர்ச்சி பலன்களை மட்டும் படிக்காமல் அதை
உங்கள் ஜாதகத்துடன் ஒத்துப் பாருங்கள்.

நல்ல தசாபுத்திகள் நடந்தால் பாதகம் ஒன்றும் வராது. பாதை நன்றாக
இல்லாவிட்டால் ஓட்டுனரும் பார்த்துத்தான் ஓட்டுவார்.

எப்படி என்று கேட்காதீர்கள். அதுதான் உங்களையும் என்னையும்
படைத்த இறைவனின் கருணை!தான் படைத்த உயிர்களுக்கு அவன்
அளிக்கும் சலுகை!
+++++++++++++++++++++++++++++++++++++++++++++++++++++++++++++
குருப் பெயர்ச்சிப் பலன்களை வழவழவென்று அடுக்கிக்கொண்டு போகாமல்
ஒரு வார்த்தையில் செய்தி வெளியிட்டிருந்தார்கள் ஒரு பத்திரிக்கையில். அதை
நீங்கள் அறியத்தருவதில் மகிழ்ச்சி கொள்கிறேன்
+++++++++++++++++++++++++++++++++++++++++++++++++++++++++++++
ராசிகளுக்கான பொதுப் பலன்கள்

1. மேஷம் - சிரமம்
2. ரிஷபம் - நன்மை
3. மிதுனம் - கஷ்டம்
4. கடகம் - லாபம்
5. சிம்மம் - பாதிப்பு
6. கன்னி - இன்பம்
7. துலாம் - சுமார்
8. விருச்சிகம் - கவனம்
9. தனுசு - மகிழ்ச்சி
10. மகரம் - பரவாயில்லை
11. கும்பம் - கவலை
12. மீனம் - மேன்மை

தகவல் - தினமலர்
தினமலருக்கு நம் நன்றிகள் உரித்தாகுக!
+++++++++++++++++++++++++++++++++++++++++++++++++++++++++++++
குழப்பம் தீர்ந்ததா? ஒரு வார்த்தை சொல்லுங்கள்!
வாழ்க வளமுடன்!