நான் பேச நினைப்பதையெல்லாம் நீங்கள் பேச வேண்டும்!

நான் பேச நினைப்பதையெல்லாம் நீங்கள் பேச வேண்டும்!

அன்புள்ள மாணவக் கண்மணிகளுக்கு,
வாத்தியாரின் அன்பு கலந்த வணக்கம்!

உங்களுக்கு வாக்குக் கொடுத்தபடி stars 2015 வகுப்பு இன்று முதல் செயல்படுகிறது.

இதுவரை, சென்ற பத்து நாட்களில் சேர்ந்த சுமார் 50 உறுப்பினர்களுக்கும்   பயனர் பெயர் (User name)மற்றும் கடவுச் சொல் (password) அனுப்பி
வைக்கப்பெற்றுள்ளது.

அதற்குள் அடியெடுத்து வைத்தவர்கள் தங்கள் கருத்தை எழுதலாம். எழுத வேண்டிய முகவரி  spvrsubbiah@gmail.com

Stars2015 வகுப்பறை உங்கள் அனைவரையும் மகிழ்ச்சியுடன் வரவேற்கிறது!

வானவெளியில் எத்தனையோ நட்சத்திரங்கள் இருக்கலாம். எனக்கு நீங்கள்தான் நட்சத்திரங்கள். இந்த வகுப்பறையின் பெயர்க்காரணமும் அதுதான்.

உங்கள் அனைவரின் வரவும் நல் வரவாகட்டும்.

உங்கள் அனைவரின் எதிர்பார்ப்பை நிறைவேற்றும் வகையில் இந்த
வகுப்பின் செயல்பாடுகள் இருக்கும்

பாடங்கள் அனைத்தும் எளிமையாகவும், அனைவருக்கும் புரியும்
விதமாகவும் இருக்கும். அத்துடன் நீங்கள் விரும்புகின்ற எனது எழுத்து நடையிலும் இருக்கும்.

நீங்கள் இங்கே நிறையக் கற்றுக்கொள்ளலாம். அதே நேரத்தில் சந்தோஷமாகவும் இருக்கலாம். வழக்கமான வகுப்பறைகளில்
இருந்து சற்று வேறுபட்ட  வகுப்பறையாக இது இருக்கும். உங்களுடன்
சேர்ந்து நானும் மாணவன்தான். உங்களுக்கு நடத்தும் அதே நேரத்தில்
நானும் நிறையக்  கற்றுக்கொள்கிறேன்.நான் முப்பது ஆண்டுகளாகப் படித்தவற்றை எல்லாம் மீண்டும் ஒருமுறை என் நினைவிற்குக் கொண்டு வரும் வாய்ப்பு எனக்குக் கிடைக்கிறது.

என் ஜோதிட அறிவு, என் வாழ்க்கை அனுபவங்கள் எல்லாம் கலந்து வருவதால் பாடங்கள் சுவாரசியமாகவும், உபயோகமுள்ளதாகவும்
இருக்கும்!

In short, you can learn and also enjoy the class!

உறுப்பினராகச் சேர்ந்தவர்கள் அனைவருக்கும் எனது நன்றிகள் உரித்தாகுக!

முருகனருள் முன்னிற்கும்

அன்புடன்
வாத்தியார்
===============================================================
வாழ்க வளமுடன்! வளர்க நலமுடன்!