வாத்தியாரின் ஜோதிட நூலிற்கு மாணவரின் மதிப்புரை!

வாத்தியாரின் ஜோதிட நூலிற்கு மாணவரின் மதிப்புரை!

நம் வகுப்பறையின் மூத்த மாணவர்களில் ஒருவரான திரு.கே.முத்துராமகிருஷ்ணன் அவர்கள், வாத்தியாரின்
"வ‌குப்பறை ஜோதிடம்‍ தொகுதி‍‍=1" ஐப் பார்த்துப் படித்துவிட்டு
தனது மேலான மதிப்புரையை  நல்கியுள்ளார். உங்களின்
பார்வைக்காக அதைக் கீழே கொடுத்துள்ளேன்.

அத்துடன் நம் வகுப்பறையின் சார்பில் நமது நன்றியையும்
அவருக்குத் தெரிவித்துக் கொள்கிறேன்.

அன்புடன்
வாத்தியார்
-----------------------------------------

KMRK அவர்களின் கடிதம்:

நம் மதிப்பிற்குரிய வாத்தியார் அவர்களின் "வ‌குப்பறை ஜோதிடம்‍ தொகுதி‍‍=1" வெளியாகிவிட்டது.

முதல் காப்பியை அடியேனுக்கு அனுப்பி வைத்து, என்றும் அவருடைய மாணவனாகிய எனக்கு  சிறப்பினை அளித்துள்ளார்கள். அதற்காக
அவ‌ருக்கு என் அன்பையும் நன்றியையும் தெரிவித்துக் கொள்கிறேன்.

இங்குள்ள நூலகத்திலிருந்து வாரம் இரண்டு அல்லது மூன்று முறை புத்தகங்கள் எடுத்து வருகிறேன்.அதனால் தமிழகத்தில் உள்ள
அனைத்து பதிப்பக்கங்களின் தரம் என்ன என்பது எனக்கு
ஆராயாமலேயே விளங்கியது. அட்டையை மட்டும் நல்ல
'வழு வழு' காகிதத்தில் போட்டுவிட்டு உள்ளே சாணித்தாளில் படிக்க
மிகவும் சிரம‌மாக இருக்கும் ழுத்துருக்களில்,மங்கலான மையில்
அச்சடித்து ஒப்பேற்றும் பதிப்பகங்களே அதிகம்.

ஆனால் நமது வாத்தியாரின் இப்புத்தகம் மட்டுமல்லாமல், முன்னர்
அவரது கதைத் தொகுதிகள் அனைத்துமே நல்ல விலையுயர்ந்த தாளில், கண்ணுக்கு இதமான எழுத்துருக்களில், ஒரே சீரான மையில் உருவாக்கப்பட்டுள்ளன‌. இலாபம் என்பதை மனதில் கொள்ளாமல்,
தரத்திற்கே முன்னுரிமை அளித்து புத்தகம் வெளியிடுவதற்காக
உமையாள் பதிப்பகத்திற்கு ஒரு சிறப்பான பாராட்டுக்கள்.

320 பக்கங்களையுடைய இப்புத்தகம்,அடிப்படை சோதிடப்பாடங்களை
கற்றுக் கொடுக்கிறது.வகுப்பறைக்கு தொடர்ந்து வருபவர்களுக்கு இப்பாடங்கள் பரிச்சயமான ஒன்றுதான் என்றாலும், சந்தேகம் வரும்
போது புத்த‌கத்தை எடுத்து பார்த்துக்கொள்ள மிகவும் உதவும்.
புதியவர்களுக்கு 'லக்கினத்தை எப்படி ஆய்வு செய்வது?' 'நீச பங்க
ராஜயோகம் என்றால் என்ன?''கர்பச்செல் இருப்பு என்றால் என்ன?'
போன்ற அடிப்படைப் பாடங்கள் மிகவும் பயனுள்ளவை.

மேலும் 'பிரபலங்களின் ஜாதகங்கள்'  என்ற அத்தியாயத்தில்
33 பிரபலங்களின் பிறந்த தேதி, நேரம், அட்ச,தீர்க ரேகை விவரங்கள் கொடுத்துள்ளது மிக மிக‌ பயனுள்ளதாகும்.வாத்தியாரின் இந்த
உதவியால் பயிற்சி எடுப்போருக்கு மிகவும் செளகர்யம்.

இன்னும் புத்தகத்தைப்பற்றி சொல்லிக்கொண்டே போகலாம்.
அப்புறம் புத்தகத்தின் சிறப்பினைப் பற்றி  இன்னொரு புத்தகம்
போட வேண்டியதுதான்.

புத்தகம் வெளியிடுவதில் ஏற்படும் பொருள் இழப்பு அதில்
ஈடுபட்டோருக்குத் தெரியும்.நமது வாத்தியாருக்குக் கைப்பிடிப்பு
ஏற்படாமல் நாம் அனைவரும் அச்சிட்ட புத்தகம் அனைத்தையும்
வாங்கிப் பயன் படுத்துவதே நாம் அவருக்குச் செய்யும் மரியாதை.

அடுத்த தொகுதிகளை ஆவலுடன் எதிர்பார்க்கிறேன்.

KMRK, லால்குடி
மின்னஞ்சல் முகவரி,kmrk1949@gmail.com

===============================================

வாழ்க வளமுடன்!
வளர்க நலமுடன்!