என்ன ராசா வேண்டும் உனக்கு?

 -------------------------------------------------------------------------------------------------------------
 என்ன வேண்டும்?

மனிதனுக்கு என்ன வேண்டும்? ஒவ்வொரு பிறவிக்கும் என்ன வேண்டும்?

அற்புதக் கீர்த்தி வேண்டும். கீர்த்தி என்னும் சொல்லிற்கு ஒன்றைப் பற்றி அல்லது ஒருவரைப் பற்றி எங்கும் பரவியுள்ள புகழ் (fame) என்று பொருள். என்றும் மறையாத புகழ்.

ஆனந்த வாழ்க்கை வேண்டும். ஆனந்த வாழ்க்கை என்பது, நல்ல இல்லாள், சொற்கேட்டு நடக்கும் குழந்தைகள், குறைவில்லாத செல்வம் நிறைந்த வாழ்க்கை.

நற்பொருள் என்பது நல்ல வழியில் சேரும் பொருட்கள். உங்கள் மொழியில் பணம்.

இவையெல்லாம் கிடைக்க என்ன செய்ய வேண்டும்?

பிள்ளையார்பட்டியில் உறைந்திருக்கும் விநாயகப் பெருமானைத் தாள் பணிந்து வணங்குங்கள் என்கிறார் கவியரசர் கண்ணதாசன். அப்படியே செய்வோம்.

இன்றையப் பொருளாதார சூழ்நிலையில், பணம் ஈட்டும் வேலையில், டவுன் பஸ்போல ஓடிக்கொண்டிருக்கும் பல மனிதர்களின் வாழ்க்கையில் அதற்கெல்லாம் நேரம் ஏது?

இன்று விநாயகர் சதுர்த்தி. உகந்த நாள். இன்று ஒரு நாளாவது அவரை இருகரம் கூப்பி வணங்குவோம். அனுதினமும் வணங்கிய பலனை அவர் தருவார்
------------------------------------------------------------------------------------
   "அற்புதக் கீர்த்தி வேண்டின்
      ஆனந்த வாழ்க்கை வேண்டின்
    நற்பொருள் குவிதல் வேண்டின்
       நலமெலாம் பெருக வேண்டின்
    கற்பக மூர்த்தி தெய்வக்
       களஞ்சியத் திருக்கை சென்று
    பொற்பதம் பணிந்து பாரீர்
        பொய்யில்லை கண்ட உண்மை’
    - கவியரசர் கண்ணதாசன்

அன்புடன்
வாத்தியார்
வாழ்க வளமுடன்!