மாணவர் பதிவேடு (Enrolment Register)

Google+ Followers

என்னைப் பற்றி

My photo

எல்லாம் விதித்தபடிதான் நடக்கும் என்னும்போது,  நாம் கவலைப் படுவதற்கு ஒன்றும் இல்லை.

My email ID

எனது மின்னஞ்சல் முகவரி:
classroom2007@gmail.com

வந்தவர்களின் எண்ணிக்கை

Galaxy2007 Classroom

Galaxy2007 Classroom

அறிவிப்பு!!!

2014ம் ஆண்டு நடைபெற்ற கேலக்ஸி2007 வகுப்பறையில் உள்ள பாடங்களைப் படிக்க வேண்டுமா? அந்த மேல்நிலை பாட வகுப்பு அறை
28-10-2016 தீபாவளி நாள் முதல் மீண்டும்
திறந்து விடப்படுகிறது.
168 பாடங்கள் அப்படியே உள்ளன. முன்பு படிக்க வாய்ப்பில்லாமல் போனவர்கள் படிக்கலாம், அதில் சேர விருப்பமுள்ளவர்கள் விதிமுறைகளுக்கு classroom2007@gmail.com என்ற முகவரிக்கு
மின்னஞ்சல் அனுப்புங்கள்
அன்புடன்
வாத்தியார்

14.12.15

கவிதை: வெய்யிலடித்து கடல் காய்ந்து போகுமா என்ன?


கவிதை: வெய்யிலடித்து கடல் காய்ந்து போகுமா என்ன?

இசைக் குயில் எம்.எஸ்  மறைந்த தினம் சென்ற வெள்ளிக்கிழமை:( 11/12/2015)
எம்.எஸ் .சுப்புலட்சுமி காலமான போது , வாலி எழுதிய  கவிதை ..
--------------------------------------------------------------
நடுத்தமிழ் நிற்கிறது
நடுத்தெருவில் ....
தன் விலாசத்தை
தவறவிட்டு ; அதன் -
திருவிழி உகுக்கிறது
தீர்த்தச் சொட்டு !

எம்.எஸ்
ஏறிவிட்டார் வாகனம் ;
எல்லோர்க்கும் இருந்தென்ன ?
எமனுக்கு இல்லையே ஏழிசை ஞானம்!
இழந்து நிற்கிறது
இசைக்கலை -
தான்
தங்கியிருந்த -
எம்.எஸ்
என்னும் இன்ஷியலை!

ஓதம்சூல் உலகின்காண்-
ஓர்
ஒப்புலட்சுமி-இல்லாதவர்
சுப்புலட்சுமி ;

தூய வாய்மலரால்-
இசைத் தேனைத்
துப்புலட்சுமி
என்னணம்
எண்டிசை-இனி
பயணிக்கக் கூடும் -நம்
பண்டிசை?

எம்.எஸ்
என்பது
சங்கீத
சாஸ்திரத்தின்
பெண்முக வடிவு ;இப்-
பெண்முக வடிவைப் பெற்றது -வீணை
சண்முகவடிவு !
வீணை சண்முகவடிவு-இவ்
வையத்தை..
விரல்வழி
வென்றார் ;அவரது
குலக்கொடி சுப்புலட்சுமி
குரல்வழி வென்றார் !

அம்புவி மேல்
அவர்போல் -
ஆர்க்கும்
அமைந்ததில்லை தொண்டை;
அக்தேபோல்
அவர் போல்
ஆரும்
ஆற்றியதில்லை ..
தொண்டை வழியாகப்-பொதுநலத்
தொண்டை !

கிருதி;
சுருதி;
இவை
இரண்டும் -
அவரை
அண்டியிருந்தன
தமது
தாயெனக் கருதி
ஒருவரும் கண்டதில்லை -அவை
ஒன்றோடு ஒன்று பொருதி ;
இலயத்தை-
இராகத்தை-
சிவப்பனுவாய் வெள்ளையனுவாய்
சுவீகரித்துக் கொண்டிருந்தது ..
எம்.எஸ் ஆக்கையுள்
எங்கனும் சஞ்சரித்த குருதி !

என்ன சொல்லி
என்ன ?
எரிக்கும்  மயானத்தில்
இருக்கும் ..
வேகுந்தலம் புகுந்தது -காளிதாசன்
சாகுந்தலம் !

என்
எமபுரத்தில் கூவித்திரி என்று -
கூற்றுவன் அழைக்க-அந்தோ
அவன்
கூடப்போனாள் சாவித்திரி ;

தென்மதுரையில் கண்மலர்ந்து 
வட மதுரைக் கண்ணனிடம் 
மீண்டும் போய்ச் சேர்ந்தாள்-
மீரா!

பாட்டூர்புரம்-எனும் 
பதிமதுரை தோன்றிக் -கடைசியில் 
கோட்டூர்புரம் போந்த 
கோகிலத்திற்கு ..

மாங்குயிலும் பூங்குயிலும் 
மண்மிசை ஆகுமோ நேரா ?

தீ 
தின்றது ..
சங்கீத வாணியின் 
சரீரத்தை தான்;அது 
சாப்பிடப் போமோ -அவரது 
சாரீரத்தை ?

குறுந்தகடுகளில்;நாடாக்களில்-
குடியிருப்பார்..
எம்.எஸ்
என்றும் சாகாது;
கடல்-வெயிலடித்துக்
காய்ந்து போகாது !
-------------------------------------------------
அன்புடன்
வாத்தியார்
வாழ்க வளமுடன்!
வளர்க நலமுடன்!

4 comments:

வரதராஜன் said...

குருவே வணக்கம்.
எம்.எஸ் பற்றிய கவிஞர் வாலி அவர்களின் கவிதை வரிகள் படிப்போர் மனதில் ஒரு வலியை உண்டாக்குகிறது. உதாரணத்திற்கு:
"*எம்.எஸ்
ஏறிவிட்டார் வாகனம் ;
எல்லோர்க்கும் இருந்தென்ன ?
எமனுக்கு இல்லையே ஏழிசை ஞானம்!
இழந்து நிற்கிறது
இசைக்கலை -
தான்
தங்கியிருந்த -
எம்.எஸ்
என்னும் இன்ஷியலை!"*
எம்.எஸ் அம்மா அவர்கள் தன் வாழ்நாளில் பெரும்பகுதியை இசைக்கே அர்ப்பணித்தார். கிடைத்த வருமானங்களையும் அறப்பணிக்கே ஈந்தார். சதா-சிவனுடன் சதா நலப்பணிகளிலேயே ஈடுபட்டார். கல்கி கார்டனில் வாழ்ந்தபோதும், அதையிழந்து கோட்டூர்புரத்தில் வாடகைக்கு இருந்தபோதும் நிலை கலங்காதவர் எம்எஸ்.
அன்னாரின் நினைவு நம் நெஞ்சை விட்டு எந்நாளும் நீங்காது!!

Mrs Anpalagan N said...

She was very pretty even in her old days,
but, having a chance of seeing her young face is priceless.
Thank you
Mrs N Anpalagan

Subbiah Veerappan said...

////Blogger வரதராஜன் said...
குருவே வணக்கம்.
எம்.எஸ் பற்றிய கவிஞர் வாலி அவர்களின் கவிதை வரிகள் படிப்போர் மனதில் ஒரு வலியை உண்டாக்குகிறது. உதாரணத்திற்கு:
"*எம்.எஸ்
ஏறிவிட்டார் வாகனம் ;
எல்லோர்க்கும் இருந்தென்ன ?
எமனுக்கு இல்லையே ஏழிசை ஞானம்!
இழந்து நிற்கிறது
இசைக்கலை -
தான்
தங்கியிருந்த -
எம்.எஸ்
என்னும் இன்ஷியலை!"*
எம்.எஸ் அம்மா அவர்கள் தன் வாழ்நாளில் பெரும்பகுதியை இசைக்கே அர்ப்பணித்தார். கிடைத்த வருமானங்களையும் அறப்பணிக்கே ஈந்தார். சதா-சிவனுடன் சதா நலப்பணிகளிலேயே ஈடுபட்டார். கல்கி கார்டனில் வாழ்ந்தபோதும், அதையிழந்து கோட்டூர்புரத்தில் வாடகைக்கு இருந்தபோதும் நிலை கலங்காதவர் எம்எஸ்.
அன்னாரின் நினைவு நம் நெஞ்சை விட்டு எந்நாளும் நீங்காது!!////

உண்மைதான் நன்றி வரதராஜன்!

Subbiah Veerappan said...

/////Blogger Mrs Anpalagan N said...
She was very pretty even in her old days,
but, having a chance of seeing her young face is priceless.
Thank you
Mrs N Anpalagan/////

உங்களுடைய பின்னூட்டத்திற்கு நன்றி சகோதரி!