ஊறுகாய் எப்படி முழு உணவு ஆகும்?

++++++++++++++++++++++++++++++++++++++++++++++++++++++
ஊறுகாய் எப்படி முழு உணவு ஆகும்?

கேள்வி - பதில்கள் (இரண்டாவது சீஸன்) பகுதி 7
உங்களின் கேள்விகள் - வாத்தியாரின் பதில்கள்
-----------------------------------------------------------------------
மின்னஞ்சல் எண்.18
சேகர் வெங்கடேசன்

அய்யா,

1.திருமணத்திற்கு குரு பலன் - கொஞ்சம் விளக்குங்களேன். சந்திர ராசிப் பிரகாரம் குரு பலன் பார்க்கிறார்கள். இதில் லக்னம் கணக்கில் வராதா?

கோள்சாரம் என்பது இன்றையத் தேதியில் வானில் கிரகங்கள் இருக்கும் நிலைமையைக் காட்டுவது!. சந்திரன் எண்ணிக்கையில் ஒருவர். லக்கினங்கள் பன்னிரெண்டு. எதைவைத்துக் கணக்கிடுவது சுலபமாக இருக்கும் நீங்களே சொல்லுங்கள். கோள்சாரத்தில் Man of the match award எப்போதும் சந்திரனுக்குத் தான். மற்றவர்கள் எல்லாம் (லக்கினங்கள் எல்லாம்) டீம் மேட்ஸ். பரிசுத்தொகையை அல்லது கிடைக்கும் Champagnes பாட்டிலைப் பங்கு வைத்துக்கொள்வார்கள். அவ்வளவுதான்!

கோள்சாரத்தில் சுற்றிவரும் குரு பகவான்சந்திர ராசிக்கு  5, 7, 9, 11ஆகிய இடங்களுக்கு வரும்போது பல நன்மைகளைச் செய்வார். திருமண மாகாதவர்களுக்குத் திருமணத்தை நடத்திவைப்பார். வீடு கட்டுவதற்கு அல்லது வாங்குவதற்கு உள்ள யோகத்தை நல்குவார். சுப காரியங்களை நடத்திவைப்பார்.

லக்கினத்தை வைத்துப்பார்க்கும் பலன்கள் அனைத்தும் தனி, கோள்சாரத்தை வைத்துப்பார்க்கும் பலன்கள் தனி. இரண்டையும் ஒன்றாக்கிக் குழம்பிக்கொள்ளாதீர்கள்

2 . திரிகோண பரிவர்த்தனையை பற்றி சொல்லி இருக்கிறீர்கள். ஆறாம் அதிபதி எட்டிலும் எட்டாம் அதிபதி ஏழிலும் ஏழாம் அதிபதி ஆறிலும் இருப்பதை திரிகோண பரிவர்த்தனை என்று சொல்லலாமா? இதுவும் நன்மை தரும் அமைப்பா?

சொல்லலாம். பரிவர்த்தனைகள் நன்மை செய்யும் அமைப்புக்கள்தான். உன் வீட்டில் நான். என் வீட்டில் நீ என்று போட்டி போட்டுக்கொண்டு நன்மைகளைச் செய்வார்கள். நன்மைகள் அவரவரின் தசா.புத்திகளில் கிடைக்கும்..

--------------------------------------------------------------------------
மின்னஞ்சல் எண்.19
சுந்தர விக்னேஷ்
பிறந்த ஊர்: பொள்ளாச்சி
வசிக்கும் ஊர்: பஹ்ரெய்ன்
வயது 28+

Hello sir,
                      
1.How astrology should be taken in life.?

ஜோதிடம் ஊறுகாயைப் போல எடுத்துக்கொள்ளப்பட வேண்டும். ஊறுகாய் முழு உணவாகாது. அதை மனதில் வையுங்கள். இறையுணர்வுதான் முழுச் சாப்பாடு. அதை மட்டும் சாப்பிடுங்கள். ஊறுகாயைத் தேவைப்படும்போது பயன் படுத்திக்கொள்ளூங்கள்
                      
2.Does parigaram (Specifically wearing gold, Rasi stones etc) helps R it is just to console the situation?

நீங்கள் சொல்லும் பரிகாரங்கள் பிணியைப் போக்காது. பிணியினால் ஏற்படும் வலியை மறக்கச் செய்யும்!
                      
3.How it can be identified that the person is not having next jenma?

12ஆம் வீட்டில் ஞானகாரகன் கேது இருந்தால், அடுத்த பிறவி இல்லை என்பார்கள்.
                      
4. How to find a person can become saint in future?

இதற்கு ஜாதகத்தைப் பார்க்க வேண்டாம். சாக்ரடீஸ் சொல்லிவைத்து விட்டுப் போயிருக்கிறார். எப்படியும் திருமணம் செய்து கொள்ளுங்கள். உங்களுக்கு ஒரு நல்ல பெண் மனைவியாகக் கிடைப்பாள். அல்லது நாட்டிற்கு ஒரு நல்ல தத்துவஞானி கிடைப்பார். ஆசிரமத்தில் உட்கார்ந்தால்தான் சந்நியாசியா? நல்ல மனைவி அமையாதவர்கள் அத்தனை பேர்களுமே சந்நியாசிகள்தான்

ஜாதகத்தில் ஒரு வீட்டில் 3ற்கும் மேற்பட்ட கிரகங்கள் இருக்கும் அமைப்பு ஜாதகனை சந்நியாசியாகும் மன நிலைமைக்குக் கொண்டுவந்துவிடும். 11ஆம் வீட்டில், 10ஆம் அதிபதியுடன் சேர்த்து 4 கிரகங்கள் ஒன்றாக, அதுவும் அஸ்தமனம் பெறாத நிலையில் இருக்கும் அமைப்பு ஆன்மிக வாழ்வில் ஜாதகனைப் பெருந்தலையாக்கிவிடும். ஆசிரமம், ஏகப்பட்ட சீடர்கள், பக்தர்கள் என்று ஜாதகன் அமோகமாக (சந்நியாசியாகத்தான்) இருப்பான்.

5. By seeing ones jadakam how to find out it is male or a female?

ஜாதகத்தின் முதல் பக்கத்தில் பெயர் எழுதியிருப்பார்களே சாமி - அதைவைத்துத் தெரிந்து கொள்ளலாம்!:-))))

நாடி முறையில் 150 நாடிகள் உள்ளன. அவற்றையும் இரண்டாகப் பிரிக்கலாம். பூர்வ நாடி. உத்திர நாடி. ஆக மொத்தம் 300 பிரிவுகள். அவற்றின் அளவுகள் ஒரே மாதிரியானவை அல்ல! அவற்றை மேலும் பிரித்தால் 8 விநாடிகளுக்கு ஒரு நாடி வரும் (விநாடி என்று குறிப்பிட்டிருப்பதைக் கவனிக்கவும்). சுருக்கமாகச் சொன்னால், எட்டு விநாடிகள் வித்தியாசத்தில் பிறக்கும் இரண்டு குழந்தைகளின் ஜாதகம்/வாழ்க்கை வெவ்வேறாக இருக்கும்.
Like Nadiamsha theory as to with division of a Nadiamsha in purva and uttara, here also the sub-sub arc of Ascendant is divided into two parts - former part and later part. Former part in male sign indicates Male native while later part in male sign indicates Female native.
++++++++++++++++++++++++++++++++++++++++++++++++
மின்னஞ்சல் எண்.20
நந்தகுமார்
கோயமுத்தூர்
வயது 38
   
Dear sir,
Please explain about Athi sooktchmam (அதி சூட்சுமம்) and its nullification.
Thanks and regards,
NNK.

அனைவரும் நினைப்பது சனிபகவான் தீமை மட்டுமே செய்வார் என்று, அது தவறு.  நாம் கொண்டு வந்து இருக்கும் பாவங்களை இப்பிறவியில் குறைக்க அவர் உதவி செய்கிறார். அதே போல் பிறவிப் பிணி நீங்க அவர் அருள் இல்லாமல் முடியாது.

விஞ்ஞான பூர்வமாகப் பார்த்தால் சனி கிரகத்தில் இருந்து வீசும் காந்த அலைகள் அவரவரின் வாழ்வில் பல மாற்றங்களைச் செய்கிறது. அந்த மாற்றங்கள் தீமை அல்லது கெட்டது என நாம் நினைக்கும்படி நடப்பதால் சனி கிரகம் தீமை மட்டுமே செய்யும் என்று வழக்கில் இருக்கிறது. சனி காயத்திரி சொல்லும் போது நம் உடலில் உள்ள அணுக்களின் அதிர்வலைகள் சனி கிரகத்தில் இருந்து வீசும் காநத அலைகளுடன் ஒத்து போவதால், சனியின் தாக்கம் குறையும். இவை அனைத்தும் அதி நுட்ப விஞ்ஞானமும், கணிதமும் சேர்ந்த சூட்சமம்.Blended together. கலப்பது (blending) அல்லது கலந்தது என்னவென்று தெரியுமல்லவா. அந்த ப்ளெண்டிங்தான் அதி சூட்சுமம்.

தீமைகளுக்குப் பரிகாரம், சனீஷ்வரனை வணங்குவதுதான்! அவர் பெட்டி எல்லாம் வாங்க மாட்டார். வாங்குவார் என்றால் எப்படி இருக்கும்?:-)))))
-----------------------------------------------------------------------------------------
மின்னஞ்சல் எண்.21
திருமதி சந்தானகுழலி நாகராஜன்
வசிக்கும் ஊர் பெங்களூர்
குடும்பத் தலைவி
வயது 53
   
Ayya,
kelvi padhil  paguthikku nandri,

After started learning the computer horoscope'
I am following the Nadappu Disai & Bukthis
ACCORDING TO Thirukkanitham,
BUT MY FATHER IN LAW's Jathaga ghanippu are
Pambhu panchangam,
both are having different dasa bukthi,
how can i find the prdictions for the marriage dasa & bukthi
in general to see for  the bride or bride groom
who has a jadhagam according to Pambhu panchangam
thanking u
for the opportunity
Santhanakuzhali Nagarajan

மதுரை, சிவகங்கைப் பகுதிகளில் இந்தப் பாம்புப் (பாம்புப் படம் போட்ட) பஞ்சாங்கம் வெகு பிரசித்தம். அதை வைத்திருக்கிறீர்களா? பழைய பிரதியாக இருந்தாலும் பரவாயில்லை. இல்லை என்றால் புதிய அல்லது பழைய புத்தகக் கடைகளில் கிடைக்கும். ஒன்றை வாங்கி வைத்துக் கொள்ளுங்கள். அதில் தசா/புத்தை அட்டவனைகள் இருக்கும். அதை வைத்து ஜாதகனின் கெர்ப்பச்செல் இருப்பில் இருந்து, இன்றையத் தேதிவரை உள்ள நடப்பு தசா/புத்தியைக் கணக்கிட்டு வைத்துக் கொள்ளுங்கள். அதைப் பயன் படுத்துங்கள். அந்தக் கணக்கின்படியே பலன்களைப் பார்த்துத் தெரிந்து கொள்ளுங்கள்.

உங்கள் மாமனார் கணித்து வைத்துவிட்டுபோய் அல்லது கணித்துக் கொடுத்து விட்டுப்போனாது சரியாக இருக்கும். அதில் சந்தேகத்திற்கு இடமில்லை.
+++++++++++++++++++++++++++++++++++++++++++++
(தொடரும்)

அன்புடன்
வாத்தியார்


வாழ்க வளமுடன்!