நகைச்சுவை: "தியேட்டரில் இருந்து எதற்குடா ஓடி வந்தாய்?”

நகைச்சுவை: "தியேட்டரில் இருந்து எதற்குடா ஓடி வந்தாய்?”

------------------------------------------------------------------------------------
1
எதற்குத்தான் அவசரம் என்பது கணக்கில் இல்லையா?

கணவர் தில்லியில் இருந்து சண்டிகரில் இருக்கும் மனைவிக்கு போன் போடுகிறார். எதிர் முனையில் வேலைக்காரர்தான் போனில் தொடர்பு
கொள்கிறார். இருவருக்கும் நடந்த உரையாடல்:

கணவர்: போனை என் மனைவியிடம் கொடு!


வேலையாள்: அவர் தன் கணவருடன் உள் அறையில் இருக்கிறார்


கணவர்: நான்தானப்பா கணவன்


வேலையாள்: நான் இப்போது என்ன செய்யட்டும் அய்யா?


கணவர்: இரண்டு பேரையும் இரக்கமில்லாமல் கொன்று விடு. உனக்கு நான் ஐம்பது லட்ச ரூபாய் பணம் தருகிறேன். சொன்னதை உடனே செய்!


அதை உடனே செய்து முடித்துவிட்டு வந்த வேலையாள் தொடர்ந்து பேசுகிறார்: செத்துக் கிடக்கும் உடல்களை என்ன செய்ய வேண்டும்?


கணவர்: வீட்டில் உள்ள நீச்சல் குளத்தில் அவைகளை வீசிவிட்டு, நீ உன் சொந்த ஊருக்கு ஓடி விடு!


வேலையாள்: நம் வீட்டில் நீச்சல்குளம் எதுவும் இல்லையே அய்யா!


கணவர்: இது 45678922 என்ற எண்தானே?

வேலையாள்: இல்லை. 45688922

கணவர்: Oh Sorry, Wrong Number
😂😂😂😂

-------------------------------
2
”ஆஃபரேசன் தியேட்டரில் இருந்து எதற்குடா ஓடி வந்தாய்?”

”நர்ஸ் திரும்பத் திரும்ப சொல்லிக் கொண்டிருந்தாள். உணர்ச்சி வசப் படாதீர்கள். பயப்படாதீர்கள். தைரியமாக இருங்கள். இது சிறு அறுவை
சிகிச்சைதான்”

”ஆமாம், அவள் சொன்னதில் என்ன தவறு? உனக்கு ஏன் இத்தனை பயம்?”

”அவள் சொன்னது டாக்டரிடம்”
---------------------------------------------
3
கொஞ்ச நேரம் சிரிப்போம்

Sundar: வாழ்க்கையிலே ஒருவருக்கு சகிப்புத் தன்மையும் சாமர்த்தியமும் வேண்டும்.

Jayakumar: சகிப்புத் தன்மைக்கும் சாமர்த்தியத்துக்கும் என்ன சம்பந்தம்?

Sundar: நான் புரிய வைக்கிறேன்.ஒரு தம்ளரிலே கொஞ்சம் சாக்கடைத்
தண்ணீர் கொண்டு வாருங்களேன்.

Jayakumar: இதோ இருக்கு சார்,நீங்கள் கேட்ட சாக்கடைத்தண்ணீர்.

Sundar: இப்படி வைங்க.நான் என்ன செய்றேன்னு கவனிங்க.இந்த
சாக்கடைத் தண்ணீரை என் விரலால் தொட்டு கொஞ்சம் கூட முகம் சுளிக்காமல் இதோ என் நாக்கில வச்சுக்கிறேன்.இது தான் சகிப்புத் தன்மை.எங்கே,என்னை மாதிரி நீங்களும் செய்யுங்கள் பார்க்கலாம்!

Jayakumar: அது ஒண்ணும் கஷ்டமில்லை. இதோ பாருங்கோ,நானும்
அதைத் தொட்டு நாக்கிலே வைச்சுக்கிட்டேன்.

Sundar: சரி,இப்போ உங்களுக்கு சகிப்புத் தன்மை இருப்பது உறுதி ஆகி
விட்டது. இருந்தாலும் சாமர்த்தியம் போதாது.

Jayakumar: எப்படிச் சொல்றீங்க?

Sundar: ஒரு விஷயம் நீங்க கவனிக்கலை.நான் அந்த சாக்கடைத்
தண்ணீரை நடு விரலால் தொட்டேன்.ஆனால் வாயில வச்சது ஆள்
காட்டி விரலை.நீங்க தொட்ட விரலாலே நாக்கிலே வச்சுட்டீங்க.
இது தான் சாமர்த்தியம் போதாதுன்னு சொன்னது.

Jayakumar: நான் மறுக்கலே.இருந்தாலும் ஒண்ணுசொல்றேன்.தப்பா நினைக்காதீங்க.இந்த டம்ளரில இருக்கிறது சாக்கடைத் தண்ணீர்
இல்லை.என் மனைவி போட்ட காபி.

Sundar: பலே ஆள் சார் நீங்க!பார்க்கிறதுக்கு வித்தியாசமே தெரியலே!

Jayakumar: குடிச்சுப் பாருங்க .அப்பவும் வித்தியாசம் தெரியாது.!
---------------------------------
இந்த மூன்றில் எது மிகவும் நன்றாக உள்ளது?

அன்புடன்,
வாத்தியார்
=============================================================
வாழ்க வளமுடன்!
வளர்க நலமுடன்!