Astrology உங்களுக்குப் பொருத்தமானவரைத்தான் காதலிக்கிறீர்களா? பகுதி இரண்டு!

++++++++++++++++++++++++++++++++++++++++++++++++
Astrology உங்களுக்குப் பொருத்தமானவரைத்தான் காதலிக்கிறீர்களா? பகுதி இரண்டு!

இதன் முதல் பகுதி சென்ற வாரம் திங்களன்று வந்தது. அதைப் படித்தீர்களா? படித்திராதவர்களுக்காக அதன் சுட்டியைக் கீழே கொடுத்துள்ளேன்.

முதல் பகுதிக்கான சுட்டி (URL):

காதல் என்று இல்லை. மணமாகி வாழும் அத்தனை தம்பதியருக்கும் முக்கியமாக வேண்டியது மனப் பொருத்தம். ஒருவரின்மேல் மற்றவருக்கு இயற்கையாக உண்டாகக் கூடிய ஈர்ப்பு. ஒருவர் மற்றவருக்காக உருகக்கூடிய நேசம். மாறாத அன்பு. எந்த சூழ்நிலையிலும் விட்டுக்கொடுக்காத தன்மை. இப்படி சொல்லிக்கொண்டே போகலாம்.

அதெல்லாம் அனைவருக்கும் கிடைக்குமா?

எப்படிக் கிடைக்கும்?

கிடைக்கலாம். அல்லது கிடைக்காமலும் போகலாம்.

அதுதான் வாங்கிவந்த வரம்!

கவியரசர் தன் பாடல் வரிகளில் அசத்தலாகச் சொன்னதைப்போல “மனைவி அமைவதெல்லாம் இறைவன் கொடுத்த வரம்!” அதுபோல பெண்களுக்குக் கணவன் அமைவதும் இறைவன் கொடுத்த வரமே!

சரி, நாம் எதிர்பார்த்தபடி அப்படி அமையாவிட்டால் என்ன செய்வது?

சரிபண்ணிக்கொண்டு போக வேண்டும்!!

எல்லோரும் சரி பண்ணிக்கொண்டு போக முடியுமா?

சிலருக்குத்தான் அது சாத்தியப்படும்!

ஏன்?

அதுவும் வாங்கி வந்த வரம்தான்!

ஜாதகத்தை வைத்து அது தெரியுமா?

தெரியும்!

அதனால்தான் அனுபவம் உள்ள ‘பெரிசுகள்’ ஜாதகம் பார்த்துத் திருமணம் செய்ய வேண்டும் என்பார்கள்.

ஒருவருக்காக மற்றவர் (Made for each other) என்று ஜோடிகள் அமைவது பொதுவாக விளம்பரம், மற்றும் திரைப்படங்களில் மட்டும்தான்.

வாழ்க்கையில் 90% அப்படி அமையாது.

சிந்துபைரவி படம் பார்த்தீர்கள் அல்லவா? அப்படித்தான் இருக்கும். கணவன் பெரிய சங்கீத மேதையாக இருப்பான். சரளி வரிசைகூட தெரியாத பெண்ணாக மனைவி இருப்பாள். கணவன் பெரிய சாப்பாட்டு இரசிகனாக இருப்பான். மனைவி ரசம்கூட வைக்கத் தெரியாத அல்லது சோம்பேறித்தனம் மிகுந்த பெண்ணாக இருப்பாள்

கணவன் ரயில் என்றால் மனைவி தண்டவாளமாக இருப்பாள். மனைவி ரயில் என்றால் கணவன் தண்டவாளமாக இருப்பான். ஜோடிகள் அப்படித்தான் அமையும். இறைவன் அப்படித்தான் ஜோடி சேர்ப்பான். இரண்டு ரயில்களை ஒருபோதும் அவன் ஜோடியாகச் சேர்ப்பதில்லை.

தோற்றம், கல்வி, அறிவு, திறமை, சாமர்த்தியம், குணம், அதிர்ஷ்டம் என்று எத்தனையோ தேவைகள் மனிதனுக்கு இருந்தாலும், முக்கியமாக இருக்க வேண்டியது அல்லது கிடைக்க வேண்டியது நல்ல குணம். எதையும் தாங்கும் இதயம். எதையும் புன்முகத்தோடு ஏற்றுக்கொள்ளும் மனம். உங்கள் மொழியில் சொன்னால் Take it easy policy

பொருத்தமான நட்சத்திரம், பொருத்தமான ராசி பார்த்து திருமணம் செய்துகொள்ளும் தம்பதிகளுக்கு அது ஓரளவிற்குக் கிடைக்கும்.

ஏன் ஓரளவு என்று ஓரம் கட்டுகிறீர்கள்?

நட்சத்திரம், ராசி தவிர ஏழாம் வீடு, இரண்டாம் வீடு, மற்றும் லக்கினம் சிறப்பாக உள்ளவர்களுக்கு முழுதாகவே கிடைக்கும்.

நீங்கள் சொல்வது திருமணத்திற்கு சரிதான். காதலுக்கு என்ன செய்வது?

காதலிப்பது என்று முடிவு செய்துவிட்டால், பெளலரிடம் - அதுதாங்க உங்களுடைய காதலனிடம், அவனுடைய பிறந்த தேதியையும், நட்சத்திரத்தையும் தெரிந்து கொள்ளுங்கள்.

கேட்டால், அதைச் சொல்வான். சொல்லாவிட்டால் வீட்டில் பார்த்துவிட்டு வந்து அல்லது பெற்ற புண்ணியவதியிடம் கேட்டு வந்து சொல்லச் சொல்லுங்கள்.

அதற்குப் பிறகு என்ன செய்ய வேண்டும்?

அதைக் கீழே எழுதியுள்ளேன்
++++++++++++++++++++++++++++++++++++++
ஒன்றுக்கொன்று பொருந்தாத நட்சத்திரங்களை குழுமப்படுத்திக் கொடுத்துள்ளேன். ஒரு குழுவில் உள்ள நட்சத்திரங்கள் ஒன்றுக்கொன்று பொருந்தாது. அடுத்த குழுவில் உள்ள மற்ற நட்சத்திரங்கள் இவற்றிற்குப் பொருந்தும்

குழு ஒன்று:
அவிட்டம், மிருகசீர்சம், சித்திரை. (செவ்வாயின் நட்சத்திரங்கள்)

குழு இரண்டு:
ரோகிணி, ஹஸ்தம், திருவோணம் (சந்திரனின் நட்சத்திரங்கள்)
திருவாதிரை, சுவாதி, சதயம் (ராகுவின் நட்சத்திரங்கள்)

குழு மூன்று:
கார்த்திகை, உத்திரம், உத்திராடம் (சூரியனின் நட்சத்திரங்கள்)
புனர்பூசம், விசாகம், பூரட்டாதி (குருவின் நட்சத்திரங்கள்)

குழு நான்கு:
பரணி, பூரம், பூராடம் (சுக்கிரனின் நட்சத்திரங்கள்)
பூசம், அனுஷம், உத்திரட்டாதி (சனியின் நட்சத்திரங்கள்)

குழு ஐந்து:
அஸ்வினி, மகம், மூலம் (கேதுவின் நட்சத்திரங்கள்)
ஆயில்யம், கேட்டை, ரேவதி (புதனின் நட்சத்திரங்கள்)
-------------------------------------------------------------------------
அடுத்து என்ன?

நட்சத்திரத்தை வைத்து சந்திர ராசி தெரியுமல்லவா?

ஒவ்வொரு சந்திர ராசிக்கும் அதன் எட்டாவது ராசி பொருந்தாது!

உதரணத்திற்கு மகரத்திற்கு சிம்மம் எட்டாவது ராசி.

என்னசார் வறுக்கிறீர்களே? குறுக்கு வழி இல்லையா?

இருக்கிறது!

என்னவென்று சொல்லுங்கள்!

ஒரு வரி பதில் அது! பயன் உள்ளது அது!

இங்கே சொல்ல முடியாது. தேவைப்படுபவர்கள் மின்னஞ்சலில் கேளுங்கள். வெட்டு & ஒட்டு முறையில் உங்கள் அனைவருக்கும் உடனடியாக அது அனுப்பிவைக்கப்படும். வாத்தி (யாரின்) மின்னஞ்சல் முகவரி: classroom2007@gmail.com
---------------------------------------------------------------------------
அடுத்த பாடம் நாளை!

அன்புடன்
வாத்தியார்


வாழ்க வளமுடன்!

நான் சொல்லவில்லை என்றால், யார் சொல்வார்கள்?

+++++++++++++++++++++++++++++++++++++++++++++++++++++++++++
நான் சொல்லவில்லை என்றால், யார் சொல்வார்கள்?
---------------------------------------------------------------------------
இன்றைய வாரமலரை நம் வகுப்பறையின் மூத்த மாணவர்களில் ஒருவரும், தஞ்சைத் தரணிக்குப் பெருமை சேர்ப்பவருமான திருவாளர். கே முத்துராமகிருஷ்ணன் அவர்களின் கட்டுரை ஒன்று அலங்கரிக்கிறது. படித்து மகிழுங்கள்.

அன்புடன்
வகுப்பறை வாத்தியார்
++++++++++++++++++++++++++++++++++++++++++++
நான் சொல்லவில்லை என்றால், யார் சொல்வார்கள்?

"தந்தை மகற்கு ஆற்றும் நன்றி அவையத்து
முந்தி இருப்பச் செயல்"

இதன் பொருள்:(மு.வ உரை): "தந்தை தன் மகனுக்குச் செய்யத்தக்க நல்லுதவி, கற்றவர் கூட்டத்தில் தன் மகன் முந்தியிருக்கும் படியாக அவனைக் கல்வியில் மேம்படச் செய்வதாகும்"

அப்ப‌டிப்பட்ட ஒரு தந்தை தன் மகனுக்கு எழுதிய கடிதத்தின் தமிழ் ஆக்கம் இது. மின் அஞ்ச‌லில் வந்தது. தமிழுக்கு மட்டுமே நான் பொறுப்பு. கருத்துக் கூறிய புண்ணியவான் யார் என்று எனக்குத் தெரியவில்லை.

இக்கருத்துக்கள் அனைத்தும் ஒவ்வொருவரும் அறிந்து, வாழ்க்கையில் சிறிதேனும் க‌டைப்பிடித்தால் சண்டை‍‍‍ சச்சரவு, மன முறிவு,போட்டி பொறாமை, மதமாச்சரியங்கள் அற்ற ஒரு சமூகம் அமையும். சாந்தி நிலவும் என்று எனக்குத் தோன்றுகிறது.

படித்துபாருங்கள். விரும்பினால் வாழ்வில் கடைப்பிடியுங்கள். இல்லாவிட்டால்"கெடக்குது 'பெரிசு'; பெரிசா அறிவுரை சொல்ல வந்திருச்சி" என்று சொல்லி 'ஜூட்' விட்டு விடுங்கள்!

மேலே படியுங்கள்:

"அன்பு மகனே! இக்கடிதத்தை மூன்று காரணங்களுக்காக இப்போதே எழுதுகிறேன். முதல் காரணம்: உயிர்  வாழ்வு, செல்வம், விபத்து அல்லது எதிர்பாராத துன்பம் ஆகியவை நம்மால் கணிக்க முடியாத காரணிகள்.

ஒருவருடைய மரணம் எப்போது வரும் என்று யாருக்கும் தெரியாது. எனவே சில கருத்துக்கள் எவ்வளவு விரைவாகச் சொல்லப் படுகின்றனவோ அவ்வளவுக்கு  நல்லது.

இரண்டாவது காரணம்: நான் உன் தந்தை! நான் இதை உனக்குச் சொல்லவில்லை என்றால் வேறு யார்தான் உனக்கு இதைச் சொல்லப் போகிறார்கள்?

மூன்றாவது காரண‌ம்: இங்கே நான் சொல்வது அனைத்தும் எனக்கு ஏற்பட்ட கசப்பான அனுபவத்தால் ஏற்பட்டது. இதை அறிவதன் மூலம் நீ ப‌ல மன வலிகளில் இருந்து விடுபடக் கூடும்.

வாழ்க்கையை நடத்தும் போது கீழ்க் கண்டவைகளை நினைவில் கொள்!

1. உன்னிடம் நல்லமுறையில் நடந்து கொள்ளாதவர்களைப் பார்த்து மனதில் கருக்கட்டிக்கொள்ளாதே (காழ்ப்பு அடையாதே); எனக்கும் உன் அம்மாவுக்கும் தவிர, உலகில் வேறு யாருக்கும் உன்னை நல்ல முறயில் நடத்த வேண்டும் என்ற பொறுப்புக் கிடையாது. உன்னிடம் நல்ல முறையாக நடந்து கொள்பவர்களுக்கு நீ நன்றி உடையவனாக இருக்கத்தான் வேண்டும்; அதே சமயம், ஒவ்வொருவருடைய நடவடிக்கையும் ஒரு உள்ளர்த்தம்‍‍(மோடிவ்) உடையதுதான் என்பதை நீ எச்சரிக்கையுடன் உணர்ந்து இருக்க வேண்டும். ஒருவர் உன்னிடம் நன்றாக நடந்து கொள்கிறார் என்றால், அவர் உன்னை உண்மையாகவே விரும்புகிறார் என்ற எண்ணத்தினை வளர்த்துக் கொள்ளாதே! அவசர‌ப்பட்டு அவரை உற்ற நண்பர் என்று கருதி விட வேண்டாம்.

2. தவிர்க்க முடியாத நபர் (அவர் இல்லாவிடால் எதுவும் நடக்காது
என்பது போல)என்றோ, தவிர்க்க முடியாத ஒரு பொருளோ,
நிலைமையோ  உலகில் கிடையாது. இக்கருத்தை நீ உள் வாங்கிக்
கொண்டு விட்டால்,பிறர் உன்னை விரும்பாவிடினும்,உன்னுடைய
தொடர்பு தங்க‌ளுக்கு இனித் தேவையில்லை‌ என்ற நிலையினை
அவர்கள் எடுத்தாலும், அல்லது நீ விரும்பும் பொருளோ, நபரோ
உனக்குக் கிடைக்காமல் போனாலும்,அல்லது அதனை வைத்திருந்து இழந்தாலும் அவற்றைப் பற்றியெல்லாம் கவலைப்படாமல் சுலப‌மாக, எளிமையாகக் கடந்து போகலாம்.

3. வாழ்க்கை குறுகியது.காலத்தை இன்று நீ வீணாக்கினால், நாளை வாழ்க்கை பயனின்றிக் கழிந்து, உன்னை விட்டுவிட்டுச் சென்று கொண்டிருப்பதை உன் கண்முன்னால் பார்ப்பாய். எவ்வளவு விரைந்து வாழ்கையின் சாரத்தை சேமித்துக்கொண்டு பொன் போல் காலத்தை மதிக்கிறாயோ அவ்வளவுக்கு நீ வாழ்க்கையை மகிழ்ச்சியுடன் அனுபவிக்கலாம்.

4. காதல் என்பது மேகம் போல் கலைந்துவிடக் கூடிய உணர்வு; கால மாற்ற‌த்தால் மாற‌க்கூடியதுதான் காதல் என்ற உனர்வும். நிலையாக நிற்பது அல்ல. நீ காதலித்தவள் உன்னைத் தவிர்க்கிறாள் என்று கவலை கொள்ளாதே  பொறுமையாக இரு. உன் உள்வலியும் ஏமாற்றமும் கால வெள்ளத்தால் அடித்துச் செல்லப்படும்.காதலின் சிறப்பைப் பற்றி அதீதமாகக் கற்பனையாகப் பேசுதலும் வேண்டாம்.;காதல் தோல்வி பற்றியும் அதனால் ஏற்பட்ட காயங்க‌ளைப் பற்றியும் அதீதமாக விவரிக்கவும் வேண்டாம்.

5. வாழ்க்கையில் வெற்றி பெற்ற பலருக்கும் முறையான கல்வி கிடைக்கவில்லை. அதனால் படிப்பினால் வெற்றியை அளிக்க முடியாது என்ற முடிவுக்கு நீ வந்துவிட‌க்கூடாது.ஆகவே கடினமாக உழைத்துப் படிக்காமலேயே வாழ்வில் வெற்றி பெற்று விடலாம் என்றும் கருதிவிடாதே! நீ கற்றுக் கொள்ளும் ஒவ்வொரு அறிவும் உன் கையில் கிடைக்கும் ஆயுதம் போன்றது.வாழ்க்கைப் போராட்டத்திற்கு அது உதவும்.வறுமை என்ற கீழ் நிலையில் இருந்து செல்வச் செழிப்பு நோக்கிச் செல்ல முடியும். ஆனால் ஏதோ ஒரு கீழ்ப்படியில் இருந்துதான் மேல் நோக்கிய பயணம் துவங்குதல் வேண்டும். இதை அறிந்து கொள்.

6. எனக்கும் உன் தாய்க்கும்  பொருளாதாரப் பாதுகாப்பை நீ அளிக்க
வேண்டும் என்று உன்னை நான் கேட்கவில்லை. என்னாலும் உனக்கு
உன் வாழ்நாள் முழுவதற்கும் ஆன பொருளதாரப் பாதுகாப்பை  அளிக்க முடியாது. உனக்கு நான் அளிக்கும் பொருளாதாரப் பாதுகாப்பு என்பது,
நீ வளரும் வரைதான். அதன் பின்னர் நீதான் முடிவு செய்ய வேண்டும்,
உன் பயணம் பேருந்திலா அல்லது சொந்தக் காரிலா என்பதை!

7. வாக்கினை நீ காப்பாற்ற வேண்டும்; ஆனால் பிறரும் அது போல வாக்கினைக் காப்பாற்றுவார்கள் என்று எதிர் பார்த்து ஏமாறவேண்டாம். பிற‌ருடன் நல்லுறவை நீ வளர்த்துக் கொண்டு அவர்களுக்கு நனமையைச் செய்.ஆனால் அவர்களிடம் அதனை எதிர் பார்க்க வேண்டாம்.

8. நான் லாட்டரி டிக்கெட் என் வாழ் நாள் முழுவதும் வாங்கி வந்துள்ளேன்.ஆனால் ஒரு முறை கூட எனக்குப் பரிசு கிடைக்கவில்லை. இதில் இருந்து நான் அறிந்து கொண்டது என்னவென்றால்,பணக்கார‌ன் ஆவதற்கு சுலபமான வழியேதும் கிடையாது. கடின உழைப்பில் மட்டுமே வெற்றி அமர்ந்து இருக்கும். நம் உண‌வு நமக்கு இலவசமாகக் கிடைக்காது.

9. நான் என் நேரத்தை உன்னுடன் அதிகமாகச் செலவழிக்கவில்லை என்று குறைப்படாதே.நாம் சேர்ந்து இருந்தபோது, அது குறுகிய நேரமானலும், நாம் பேசி மகிழ்ந்த‌தை ம‌னதில் இறுத்து.அடுத்தப் பிறவியில் நாம் சந்திப்போமா என்பது சந்தேகமே! எனவே இங்கே நாம் சந்திப்பது மகிழ்ச்சி உடையதாக இருக்க வேண்டும்.

10. நீ அதிகமாக, என்னைக் காட்டிலும் அதிகமாகக் கற்க வேண்டும். நான் அதிகமாகப் படிக்கவில்லையே என்று இப்போது வருந்துகிறேன். என் தந்தையும் என்னைப் போலவே வருந்தினார். உனக்கு அப்படிப் பட்ட வருத்தம் வராத அளவு நீ படிக்க வேண்டும்.
இப்படிக்கு,
உன் அன்புத் தந்தை
---------------------------------------------------------------------------
ஆக்கம் (கட்டுரையை வசப்படுத்திக் கொடுத்தவர்): கே.முத்துராமகிருஷ்ணன் (KMRK), தஞ்சாவூர், 

+++++++++++++++++++++++++++++++++++++++++++++++++++++++++

வாழ்க வளமுடன்!

ஏன் கடவுளுக்கு அது தெரியவில்லை?

+++++++++++++++++++++++++++++++++++++++++++++++++++++++++++
ஏன் கடவுளுக்கு அது தெரியவில்லை?

இன்றைய இளைஞர் மலரை, நமது வகுப்பறை மாணவி ஒருவரின் ஆக்கம் அலங்கரிக்கிறது. படித்து மகிழுங்கள். பிடித்திருந்தால், அவரை ஊக்கப் படுத்தும் முகமாக ஒரு வார்த்தை சொல்லிவிட்டுச் செல்லுங்கள்
---------------------------------------------------------------------------------------------------------------------
ஏன் கடவுளுக்கு அது தெரியவில்லை?

இறைவன் இல்லை என்பது சிலபேர்களின் வாதம்: சில பேர் இறைவன்  இருக்கிறான் என்பர்கள்

ஒரு வழிப்போக்கன் ரொம்ப தூரம் நடைப்பயணத்தை மேற்கொண்டதன் காரணமாக களைப்படைந்து ஒரு  ஆலமரத்தின் அடியில் அமர்ந்தான். அப்பொழுது அவனுடைய எண்ணங்கள் இவ்வாறாகவிருந்தது.

“ச்சே, என்ன கடவுள் இவர். இவ்வளவு பெரிய ஆலமரத்திற்கு இவ்வளவு சிறிய அளவில் பழமா? அவ்வளவு  சிறிய பூசனிக்கொடிக்கு அத்தனை பெரிய காயா?... ச்சே ரொமப வெட்கமாயிருக்கிறது கடவுளின் படைப்பை  நினைத்து!”

கடவுள் இருக்கிறார் என்று சொன்னதற்கு, “ச்சீச்சீ இறைவனில்லை இருந்திருந்தால் இப்படிச் செய்வாரா?" என்று கூறினான். தூக்கம் வரவே தன் துண்டை மரத்தடியில் விரித்து  தூங்கிவிட்டான்.

திடீரென்று அந்த ஆலமரத்தின் பழம் ஒன்று அவனுடைய நெற்றியில் வந்து விழுந்தது. திடுக்கிட்டுக் கண்விழித்துப் பார்த்த அவன், “அப்பா நான் தப்பித்தேன் இந்த மரத்திற்குக் கடவுள் பூசணிப்பழம் போன்ற  பழத்தை கொடுத்திருந்தால் நான் இப்பொழுது செத்து அல்லவா போயிருப்பேன். நல்ல காலம் பழம் மிகச்சிறியது எனக்கு  ஒன்றும் ஏற்படவில்லை இறைவன் இருக்கிறார்” என்று முனுமுனுத்துவிட்டுத் தன் பயணத்தைத் தொடர்ந்தான். 

யார் யாருக்கு எதைக்கொடுப்பது. எதை எதை எங்கே வைப்ப‌து  என்ப‌து இறைவ‌னுக்கு தெரியும் புலியும்  பூனையும் ஒரே மாதிரி முக‌ச்சாய‌ல். தெருவுக்கு தெருவு பூனைமாத‌ரி புலிருந்தால், என்ன ஆகும்?

ம‌லைமேல் விளையும் நார்த்த‌ங்காய்க்கும் க‌ட‌லில் விளையும் உப்பிற்கும் முடிச்சுப் போடுப‌வ‌ன் இறைவ‌ன்.

ம‌லையின் மேலிருந்து அருவி தன்னுடைய ஓட்டத்தைத் துவங்கினாலும், இறுதியில் அது க‌ட‌லில்தான் சென்று  சேரும்.

என‌வே ந‌மக்கு  எது கிடைத்ததோ அதை எற்றுக்கொள்வோம்  திரும‌ண‌ம், வேலை, சொத்து, சுகம் என்று  எல்லாமுமே இறைவ‌ன் தருவ‌தாகும். அவைகள் ந‌ல்லதாக‌வே இருக்கும். நமக்கு ஏற்றதாகவே இருக்கும். ஏற்றுக்கொள்வோம்.

இப்போது சொல்லுங்கள். கடவுளுக்குத் தெரியாதது எதாவது உண்டா?
++++++++++++++++++++++++++++++++++++++++++++
சிறுத்தையும் நாயும் உணர்த்தும் தத்துவங்கள்:

மனம் பல பொருட்களின் மீது ஆசைப்படும். அந்த ஆசையை நிறைவேற்ற நாம் முயற்சிக்குபோது ஆசைப் பட்ட  பொருள் கிடைக்கும். கூடவே துன்பமும் வந்து சேரும் அதைத்தான் புத்தர் பெருமான் துன்பத்திற்கு காரணம்
ஆசையே என்று கூறினார்.

கிராமத்தில் வயல்வெளி பகுதியில் தரைக்கிணறு ஒன்றிருந்தது. அதற்குள் நாயும் சிறுத்தையும் ஒரு சேர ஒன்றை  மற்றொன்று துரத்தி வரும்போது விழுந்துவிட்டன.  அந்த நாயைச் சிறுத்தை அடித்துச் சாப்பிடவில்லை. சிறுத்தை  நாயை தூரத்திக் கொண்டு வந்தது. நாய் உயிரை காப்பாற்றி கொள்ளும் பொருட்டு ஒடிவரும் பொழுது அந்த  கிணற்றுக்குள்ளே விழுந்துவிட்டது  தொடர்ந்து வந்த அந்த சிறுத்தையும் அந்த கிணற்றுக்குள்ளே விழுந்துவிட்டது

அந்த நாயைச் சிறுத்தை அடித்துச் சாப்பிடாமல், கிணற்றிலிருந்து தப்பிக்கும் வழியை மட்டும் தேடியது.  தன்னுடைய பசியை மறந்துவிட்டது. நாயோ அந்த சிறுத்தை நம்மைக் கொன்றுவிடும் என்று அஞ்சியபடி இருந்தது.

ஊர்மக்கள் ஓன்று கூடி சிறுத்தையையும் நாயையும் காப்பாற்றினார்கள்.

ஆபத்தில் சிக்கிக் கொள்ளும் மனிதனும், அப்படித்தான் இருப்பான். அந்த ஆபத்தில் இருந்து தான் தப்பித்தால்  போதும் எனும் சிந்தனை மட்டுமே அவனிடம் மேலோங்கி இருக்கும்.

அதுதான் வாழ்க்கை.
=============================================
ஆக்கம்: பெயரைக் குறிப்பிடாத, நமது வகுப்பறை மாணவிகளில் ஒருவர்! அவருக்கு வாழ்த்துக்கள். அத்துடன் ஒரு வேண்டுகோள்:  “தொடர்ந்து  எழுதுங்கள். அடுத்த முறை உங்களின் பெயரைக் குறிப்பிடுங்கள்!”

அன்புடன்
வாத்தியார்


வாழ்க வளமுடன்!