✴️✴️✴️✴️✴️
Star Lessons
Lesson number 37
New Lessons
பாடம் எண் 37
இன்று 12ம் வீட்டைப் பற்றிய பாடம்
12ம. வீட்டிற்கு விரைய வீடு என்ற பெயர் (House of Loss)
வாழ்க்கையில் ஜாதகன் சந்திக்கப் போகும் இழப்புக்களைப் பற்றிய வீடு
இந்த வீட்டில் எந்த கிரகம் வந்து அமர்ந்தாலும் வந்த அந்த கிரகத்தின் வீட்டின் காரகத்துவம் (Work) அடிபட்டுப் போகும்
உதாரணத்திற்கு 2,ம் வீட்டு அதிபதி இங்கே வந்து அமர்ந்தால், ஜாதகனுக்கு எப்போதும் பணத் தட்டுப்பாடாக இருக்கும் கையில் காசே தங்காது
லக்கினாதிபதி இங்கே வந்து அமர்ந்தால் ஜாதகன் வாழ்க்கை விரையமாகி விடும் ஜாதகனுக்கு பயன் படாமல் போய்விடும்
இங்கே மாந்தி வந்து அமர்ந்தால் Sudden Loss ஏற்படும்
12ம் வீட்டுக்காரன் 3,6,8 ஆகிய வீடுகள் ஒன்றில் அமர்ந்தால் அந்த வீடுகளின் பலன்கள் மோசமாகி விடும்
கள் குடித்த குரங்கின் கையில் கத்தி கிடைத்ததைப் போல் ஆகிவிடும்
அதை மனதில் வையுங்கள்
பன்னிரெண்டாம் வீடும் அதன் அதிபதி அமர்ந்த இடத்திற்கான பலன்களும்
12th House and placement benefit of its lord
கிரகங்களின் அமரும் இடத்தைவைத்துப் பலன்கள் வேறுபடும். அவற்றைப் பார்ப்போம்!
பன்னிரெண்டாம் வீட்டையும், அதன் அதிபதி அமரும் இடத்திற்கான பலன்களையும் பார்ப்போம்!
கிரகங்கள் அவ்வாறு அமரும் இடமானது அவற்றின் உச்ச வீடாக அல்லது ஆட்சி வீடாக இருந்தால் சுபமான பலன்கள் உண்டாகும். இதை மனதில் வையுங்கள்!
1
பன்னிரெண்டாம் அதிபதி இலக்கினத்தில் இருந்தால், வேளா வேளைக்கு தவறாத போஜனம், நித்திரை, சுகம் உடையவனாக ஜாதகன் இருப்பான். செலவு செய்து வசதிகளைப் பெறுவான்.
2
பன்னிரெண்டிற்குரியவர் இரண்டில் இருந்தால், தன விரையம் உண்டாகும். வாய் சாமர்த்தியம், வீண் பேச்சு, மதிப்பில்லாத வாக்கு, ஊக்க மின்மை, ஊர் சுற்றும் சுபாவம் உள்ளவனாக ஜாதகன் இருப்பான்.
3
பன்னிரெண்டிற்குரியவர் மூன்றில் இருந்தால், இளைய சகோதரகளால் பண விரையம், உண்டாகும். பிதுr சொத்துக்கள் நாசமாகும். வீரிய நாசமுடையவனாக இருப்பான்.
4
பன்னிரெண்டாம் வீட்டுக்குரியவன் நான்கில் இருந்தால், ஜாதகன், அயன, சயன, சுக நாசமுடையவன். வீடு, மனை, வாகன விரையம் உண்டாகும். அதிகமான குடும்பச் செலவு, விருந்தினர்களால், நண்பர்களால், உறவினர்களால் அதிக செலவு உடையவனாக ஜாதகன் இருப்பான்.
5
பன்னிரெண்டாம் வீட்டுக்குரியவன் ஐந்தில் இருந்தால், புண்ணிய யாத்திரை, திருப்பணி சம்பந்தமான செலவுகள், பெரிய மனிதர்களின் தயவு வேண்டி செலவுகள் ஆகியவைகள் உண்டாகும். மூத்த சகோதரர்களால் விரையம் உண்டகும்.
6
பன்னிரெண்டிற்கு உரியவன் ஆறில் இருந்தல், தகாத வழியில் ஈடுபடுதல், கண் நோய், குறியில் நோய், வியாதிகள், பொருள் நஷ்டம், ஆகியவை ஏற்படும். ஜாதகன் அயன, சயன, சுகங்கள் நாசமடையும்.
7
பன்னிரெண்டிற்கு உரியவன் ஏழில் இருந்தால், அயன, சயன, சுக வழிகளில் மற்றும் பெண்கள் வழியில் அதிக செலவுகள் உண்டாகும். காமத்திற்காக செலவுகள், அதை வைத்து அலைச்சல் உடையவனாக ஜாதகன் இருப்பான்.
8
பன்னிரெண்டிற்கு உரியவன் எட்டில் இருந்தால், கெட்ட காரியங்களில் செலவு, வழக்குகள் உடையவனாக இருப்பான். உடல் நலம் நாசமடையும். சாப்பாடு, படுக்கை சுகங்கள் கேடாக இருக்கும். அதாவது அவை கிடைப்பதில் சிரமங்கள் இருக்கும்.
9
பன்னிரெண்டிற்கு உரியவன் ஒன்பதில் இருந்தால், படுக்கை, சாப்பாடு, சுகம், பிதுர் சொத்துக்கள் ஆகியவைகள் விரையம் ஆகும். சகோதரர்களால் கடன் தொல்லை, கஷ்டங்கள் ஏற்படும்.
10
பன்னிரெண்டிற்கு உரியவன், பத்தில் இருந்தால், செய்தொழில் முடக்கம், வருமானம் இல்லாத நிலை ஏற்படும். தொழிலை விட்டு விலகுதல், சுற்றித்திரிய நேர்தல், பொருள் நஷ்டங்கள் ஆகியவைகள் ஏற்படும். அயன, சயன சுகம் உடையவனாக ஜாதகன் இருப்பான்.
11
பன்னிரெண்டிற்கு உரியவன், பதினொன்றில் இருந்தால், ஓரளவு வரவு இருப்பினும், மிஞ்சிய செலவு உண்டாகும். தான தருமம், தரிசன வழிபாடுகள் உடையவனாக இருப்பான். மூத்த சகோதரர்களால் நஷ்டம், பிள்ளைகளால் செலவு உடையவனாக ஜாதகன் இருப்பான்.
12
பன்னிரெண்டிற்கு உரியவன் பன்னிரெண்டில் ஆட்சி பலத்துடன் இருந்தால்,சாப்பாடு சுகம், படுக்கை சுகம் நித்திரை சுகம் உடையவனாக ஜாதகன் இருப்பான். உடல் நலக்குறைவு ஏற்படும். விரையங்கள் அதிகமாக இருக்கும்.
12ம் வீட்டைப் பற்றிய பாடம் முற்றும்
அன்புடன்
வாத்தியார்
-----------------------------------------
