அதிகமான போதை எதில் உள்ளது?

++++++++++++++++++++++++++++++++++++++++++++++++
அதிகமான போதை எதில் உள்ளது?

முதலில் போதை என்னும் சொல்லிற்கு என்ன பொருள் என்று பார்ப்போம்.

மது, கஞ்சா முதலியவற்றை அதிகமாக உட்கொண்டதும் ஏற்படும் நிலை. புலன் செயல்படுவதில் தெளிவற்ற நிலை. சுயக்கட்டுபாடு குறைந்த நிலை. அதுதான் போதை.

எவை எவை போதையைத் தரும்?

அன்னபூர்னா காப்பி - ஒரு கோப்பை பதினெட்டு ரூபாய் என்றாலும், இரண்டு மடக்குக் குடித்துவிட்டு வந்து,  வாசலில் உள்ள பெட்டிக்கடையில் ஒரு வில்ஸ் ஃபில்டர் சிகரெட்டை வாங்கி இழுப்பவனிடம் சென்று கேளுங்கள்.  அந்த ஷணத்தில் கோவைக்கே நான்தான் ராஜா என்பான். அந்த போதை ஒரு அரை மணி நேரம் நீடிக்கும்.

ஹேவர்ட்ஸ் 5000 ஸ்ட்ராங் பியர் - ஜில்லென்ற பியர் 2 பாட்டில்
அல்லது சீவாஸ் ரீகல் விஸ்கி 4 லார்ஜ்  குடித்துவிட்டு
அமர்ந்திருப்பவன், அந்த நிலைதான் சொர்க்கம் என்பான். அது
ஒரு நான்கு மணி நேரம் நீடிக்கும். அதையே ஒரு அளவின்றி
குடித்தவன், துண்டைக் காணோம், துணியைக் காணோம் என்ற
நிலையில் துவண்டு  கிடப்பான்.

கஞ்சா, அபின், ப்ரவுன் சுகர் என்று தடை செய்யப்பட்ட போதை வஸ்துக்களைத் தேடி அலையும் ஆசாமிகள்  உண்டு. அவை எல்லாமே நிரந்தமற்றவை. வந்த போதை சிலமணி நேரத்தில் நீங்கி விடும்.

சில பெண் போதை ஆசாமிகள் இருக்கிறார்கள். எந்த பெண்ணைப் பார்த்தாலும் தேவதைபோல இருக்கிறாள்  என்பான். தூணுக்கு சேலை கட்டி விட்டால் கூட, எதிரில் உட்கார்ந்து ரசித்துக் கொண்டிருப்பான்.

பதவி போதை, புகழ் போதை, செல்வாக்கு போதை என்று போதையில் பல உட்பிரிவுகளும் உள்ளன!

இப்படிப் போதை பலவகைப்படும்.

உண்மையான போதை எதில் உள்ளது?

உண்மையான போதை உங்கள் வங்கி இருப்பில் உள்ளது. உங்கள் வங்கி இருப்பில் ஒரு பத்து லட்ச ரூபாய்  இருக்கிறது. அது என்றும் குறையாத அளவிற்கு உங்களுக்கு வருமானம் வந்து கொண்டிருக்கிறது என்று
வைத்துக்கொள்ளுங்கள். அது தரும் போதைக்கு நிகரானது எதுவுமே இல்லை. முயன்று பாருங்கள். முயன்று பார்த்துவிட்டுச் சொல்லுங்கள்

மேலே குறிப்பிட்டுள்ள போதைகள் எல்லாம் ஒரு காலகட்டம் வரைதான். அதாவது 50 வயதுவரை அல்லது 60  வயதுவரைதான். அதற்குப் பிறகு?

போதையற்ற நிலைதான் போதையானது. போதையை ஒதுக்கும் நிலைதான் போதையானது. நிலையாமைதான்  நிலையானது என்பதை உணரும் நிலை. அல்லது உணர்ந்த நிலை.

பொருள் தேடுவதற்காக நாம் செய்த முயற்சிகள், செய்த வேலைகள்
எல்லாம் வீண் என்று உணரும் நிலை.சேர்த்த  பொருட்கள், குவித்த செல்வங்கள், வாங்கிபோட்ட இடங்கள் எல்லாம் நமக்குப் பயன்
படாமற் போகும் அல்லதுபோகப் போகிறது என்பதை உணரும்
அல்லது உணர்ந்த நிலை.

அது எப்போது ஏற்படும்?

நமக்கு ஞானம் வரும்போது ஏற்படும்.

“நன்றிகெட்ட மாந்தரடா
நானறிந்த பாடமடா
பிள்ளையாய் இருந்துவிட்டால்
இல்லையொரு தொல்லையடா”

என்று கவியரசர் சொன்ன வரிகளின் அர்த்தத்தை உணரும்போது, ஒவ்வொரு மனிதனுக்கும், அது ஏற்படும். ஏற்படாவிட்டால், அதை, கேது ஏற்படுத்திக் கொடுப்பான். அவன் ஞானகாரகன் அல்லவா? அதை  ஏற்படுத்துவதுதான் அவனுடைய முக்கியமான வேலை. கேது மகா திசையின் முடிவில் அனைவருக்கும் அது  ஏற்பட்டிருக்கும். அல்லது கிடைத்திருக்கும்.

கிடைக்காவிட்டால்? ஜாதகன் இன்னும் கஷ்டப்பட வேண்டியது பாக்கி உள்ளது என்று பொருள்:-))))
+++++++++++++++++++++++++++++++++++++

கேது மகாதிசையில் கேதுவின் சுய புத்திக்குப் பிறகு வருவது கேதுவில் சுக்கிரபுத்தி, சுக்கிரனால் ஒரு சில  சந்தோஷங்கள் இருந்தாலும், புத்திக்காலம் பாங்கில்லாமல் இருக்கும். பாங்கில்லாமல் என்பதற்கு முறையில்லாமல்  என்று பொருள். பாடலைக் கொடுத்துள்ளேன். படித்துப் பாருங்கள்

2
பகையான கேதுதிசை சுக்கிர புத்தி
   பாங்கில்லா மாதமது பதினாலாகும்
தகையான அதன் பலனை சாற்றக்கேளு
   தாழ்வில்லா சத்துருவால் விலங்குண்டாகும்
நகையான பூஷணங்கள் சிலவதாகும்
   நாரிழையாள் தன்னுடனே அபமிருந்துகாணும்
வகையான ராசாவால் மனமகிழ்ச்சியாகி
   மனைவி மக்கள் தன்னுடனே வாழ்வான் காணே!

சரி, சுக்கிர திசையில் கேதுவின் புத்தி எப்படி இருக்கும்? கேதுவின் கை ஓங்கி இருக்கும். எல்லாம் கேடான  பலன்களாக இருக்கும். பாடலைக் கொடுத்துள்ளேன். படித்துப் பாருங்கள்.

ஆளலாம் சுக்கிரனில் கேது புத்தி
   ஆகாத மாதமது யீரேழாகும்
வாழலாம் அதன்பலனை வகுத்துச் சொல்வேன்
   வளர்கொடியாள் தான்சாவாள் வான்பொருளும் போகும்
தாழ்வான தன்னரசு ராச்சியங்கள் போகும்
   சம்பத்துதான் போகும் தாய்தந்தை மரணம்
கோளலாம் சத்துருவால் குடிகேடாகும்
   கோதையரும்தான் போவாள் குடிகேடாமே!

(தொடரும்)
அன்புடன்
வாத்தியார்
++++++++++++++++++++++++++++++++

வாழ்க வளமுடன்!

Astrology Lessons குளத்திலே தண்ணியில்லே கொக்குமில்லே மீனுமில்லே!

+++++++++++++++++++++++++++++++++++++++++++++++++++++++++
Astrology Lessons குளத்திலே தண்ணியில்லே கொக்குமில்லே மீனுமில்லே!

கேது மகா திசை

இதுவரை புத்திநாதன் புதனுடைய மகாதிசையையும், அதில் வரும் மற்ற கிரகங்களின் தசா புத்திகளின் பலன்களையும் பார்த்தோம்.

அடுத்து என்ன?

சொல்லவும் வேண்டுமா? தசா வரிசையில் புதனுக்கு அடுத்தது கேதுதான். தொடர்ந்து அதைப் பார்ப்போம்.

பூமியில் பிறந்தவர்கள் அனைவரும், ராகு அல்லது கேது திசையைச் சந்தித்தே ஆகவேண்டும். சந்திக்கவில்லை என்றால் அல்ப ஆயுசில் போர்டிங் பாஸ் வாங்கியிருக்க வேண்டும்.

பரணி, பூரம், பூராடம், கார்த்திகை, உத்திரம், உத்திராடம், ரோகிணி
அஸ்தம், திருவோணம், மிருகசீர்ஷம், சித்திரை, அவிட்டம் ஆகிய பன்னிரெண்டு நட்சத்திரங்களில் பிறந்தவர்கள் ராகுதிசையைச்
சந்தித்தாக வேண்டும். திருவாதிரை, சுவாதி, சதயம் ஆகிய நட்சத்திரக்காரர்களுக்கு, பிறக்கும்போதே ராகுதிசை இருக்கும்.
ஏனென்றால் அம்மூன்று நட்சத்திரங்களுக்கும் ராகு அதிபதி.

புனர்பூசம், விசாகம், பூரட்டாதி, பூசம், அனுஷம், உத்திரட்டாதி,
ஆயில்யம், கேட்டை, ரேவதி ஆகிய ஒன்பது நட்சத்திரக்காரர்களும்
கேது திசையைச் சந்தித்தாக வேண்டும். அஸ்விணி, மகம், மூலம்
ஆகிய நட்சத்திரக்காரர் களுக்கு, பிறக்கும்போதே கேது திசை
இருக்கும். ஏனென்றால் அம்மூன்று நட்சத்திரங்களுக்கும்
கேது அதிபதி.

பொதுவாக கேது திசை 90% பேர்களுக்கு நன்மையளிப்பதாக இருக்காது. கேது ஞானகாரகன். திசை முழுக்கப் பலவிதமான கஷ்டங்களுக்கு ஜாதகனை உட்படுத்தி இறுதியில், திசை முடிவில் ஜாதகனுக்கு ஞானத்தைக் கொடுப்பான். கஷ்டப்படாமல் ஞானம் எங்கிருந்து வரும்? இழப்புக்கள், பிரிவுகள், நஷ்டங்கள், துயரங்கள், துரோகங்கள், துன்பங்கள், உடல்வலி, மனவலி என்று பலவிதமான வலிகளைக் கொடுத்து முடிவில் ஜாதகனை மேன்மைப் படுத்துவான். ஜாதகத்தின் மற்ற அம்சங்களைப் பொறுத்து வலியின் அளவுகள் மாறுபடும்.

உதாரணத்திற்கு வம்பு, வழக்கு என்று ஒரு ஜாதகன் நீதிமன்றத்திற்கு அலைய நேரிடும்போது, நல்ல வழக்குரைஞரும், ஹோண்டா சிட்டி காரும் இருப்பது ஜாதகத்தின் மற்ற அம்சத்தினால் என்று கொள்க! அதேநேரம், கடும் வெய்யிலில் குடையைப் பிடித்துக் கொண்டு நீதி மன்றம் செல்லும் நிலைமையும், வக்கீலுக்குக் கொடுக்க மனைவியின் நகையை அடகு வைத்துப் பணம் புரட்டும் நிலையும் உண்டானால், அது ஜாதகத்தின் தீய அமைப்பினால் என்பதையும் அறிக!

கேது மகா திசை மொத்தம் 7 ஆண்டுகள் காலம் நடைபெறும்.

அதில் (கேது மகாதிசையில்) முதலில் வருவது கேதுவின் சொந்தபுக்தி. அதன் கால அளவு (7 X 7 = 49) 4 மாதங்கள் + 27 நாட்கள். அதற்கான பலனைக் கீழே கொடுத்துள்ளேன். படித்துப் பயன் பெறுக. பாடல் எளிமையாக இருப்பதால் விளக்கம் எழுதவில்லை!

ஆமென்ற கேது திசை வருஷம் யேழு
     அதினுடைய புத்தி நாள் நூற்றி நாற்பத்தியேழு
போமென்ற அதன் பலனை புகழக் கேளு
     புகழான அரசர்படை ஆயுதத்தால் பீடை
தாமென்ற சத்துருவால் வியாதிகாணும்
     தனச்சேதம் உடல் சேதம் தானே உண்டாம்
நாமென்ற நகரத்தில் சூனியங்களுண்டாம்
     நாடெல்லாம் தீதாகும் நன்மையில்லாப் பகையே!

சுருக்கமாகச் சொன்னால் குளத்திலே தண்ணியில்லாத காலம். மீன்களும் இருக்காது. கொக்குகளும் வராது. வறண்ட காலம்.

(தொடரும்)

அன்புடன்
வாத்தியார்
+++++++++++++++++++++++++++++++++++++++++++++++++++++

வாழ்க வளமுடன்!

இயற்கைப் பேரழிவை இயன்றவரை சொல்லும் பஞ்சாங்கங்கள்!

---------------------------------------------------------------------------------
 இயற்கைப் பேரழிவை இயன்றவரை சொல்லும் பஞ்சாங்கங்கள்!

வகுப்பறையின் மூத்த மற்றும் நமது மதிப்பிற்குரிய மாணவர், அன்பர், திருவாளர் வி.கோபாலன் அவர்களிடம் இருந்து வந்த கடிதத்தை அப்படியே கொடுத்துள்ளேன். படித்துப் பயன்பெறுக!
அன்புடன்
வாத்தியார்
--------------------------------------------------------------

அன்புடையீர்,

மிகவும் பிற்போக்கானவர்களைக் குறிப்பிட பொதுவாக "அவன் ஒரு பழைய பஞ்சாங்கம்" என்கிறார்கள் அல்லவா? அவர்கள் புரிந்துகொள்ள வேண்டுமென்பதற்காக என் நண்பர் எனக்கு அனுப்பியுள்ள விக்ருதி வருட பஞ்சாங்கத்தில் வெளியாகியுள்ள இவ்வாண்டின் பலன்களில், மாசி மாதத்தில் இமய மலைப் பகுதியிலும், இந்தோனேஷியா, ஜப்பான் ஆகிய நாடுகளில் பூகம்பம், வெள்ளப் பெருக்கு, போன்ற இயற்கை பேரழிவுகள் வரும் என்று கூறப்பட்டிருப்பதைப் பகுத்தறிவு வாதிகள் கவனிக்கட்டும். இனியாவது அறிவியல் பூர்வமான பஞ்சாங்கப் பலன்களை அவர்கள் இழிவு செய்யாமல் இருக்கட்டும். இதோ அந்தக் கடிதம், அதில் உள்ள பலன்களைப் பாருங்கள்.

அன்பன்,
வி.கோபாலன்
தஞ்சாவூர்
--------------------------------------------------------------
Go thorugh this who know tamil. Our Hindu panchangam has already predicted earth quake in japan one year back itself
++++++++++++++++++++++++++
படத்தின் மீது கர்சரைவைத்துக் கிளிக்கிப் பாருங்கள் படம் பெரிதாகத் தெரியும்

+++++++++++++++++++++++++++++++++++++++++++++++++++++++++++++++++
வருந்த வைக்கும் செய்தி!

ஜப்பானில் பூகம்பம் மற்றும் சுனாமியைத் தொடர்ந்து அணு உலைகள் வெடித்தன.

அவற்றிலிருந்து வரும் கதிர்வீச்சை கட்டுப்படுத்தவும் அணு உலைகளை குளிர்விக்கவும் கடுமையாக போராடி வருகிறது ஜப்பான்.

இந்நிலையில் மக்களை கொன்றும் குவிக்கும் அளவிக்கு மிக மோசமாக கதிர்வீச்சின் தாக்கம் இருப்பதாக கண்கலங்கியவாறு டோக்கியோ மின் அணு உலை தலைமை அதிகாரியான Akio Korimi  பேட்டியொன்றில் தெரிவித்துள்ளதாக சில சர்வதேச செய்தி ஊடகங்கள் தெரிவித்துள்ளன. அழுதபடி பேட்டியளிக்கும் அவரது படங்களும் வெளியாகி பரபரப்பை ஏற்படுத்தியுள்ளன.

அணு உலைகள் மீது விமானமூலமும் தரையிலிருந்தும் தண்ணீரை கொட்டும் நடவடிக்கைகளினால் அணு உலைகளிலிருந்து வரும் கதிர்வீச்சு தாக்கத்தை கட்டுப்பாட்டுக்குள் கொண்டுவந்துள்ளதாக கூற முடியாது எனவும் அச்செய்திகள் தெரிவிக்கின்றன.

கதிர்வீச்சின் தாக்க அபாய எச்சரிக்கையை இன்று ஜப்பான் அதிகரித்திருந்தமையானது 1979 இல் பெனுசிலாவியாவில் Three Mile Island  அணு உலை விபத்தின் போது ஏற்பட்ட கதிர்வீச்சு தாக்கத்தின் அளவுக்கு இருந்ததாகவும் தெரிவிக்கப்படுகிறது.

ஜப்பானிய அரசு தொடர்ந்து கதிர்வீச்சின் தாக்கம் கட்டுப்பாட்டுக்குள் இருப்பதாகவும் இன்னமும் அதிகமான அபாய கட்டத்தை தாண்டவில்லை எனவும் தெரிவித்து வருகின்றது. எனினும் கதிர்வீச்சு தாக்கம் தொடர்பான உண்மையை ஜப்பான் மறுத்து வருவதாக ஜப்பானிய மக்கள் விசனம் தெரிவிப்பதாகவும் கூறப்படுகிறது.

உலக நாடுகள் பலவும் ஜப்பானில் இருக்கும் தங்கள் பிரஜைகளை உடனடியாக நாட்டை விட்டு வெளியேறுமாறு கோரிக்கை விடுத்துவருகின்றமை குறிப்பிடத்தக்கது.

- நன்றி: தமிழ் மீடியா செய்திகள் வலைத்தளம்
 

வாழ்க வளமுடன்!

Astrological Lessons கலைமாமணி விருதும் இலவச தொலைக்காட்சிப் பெட்டியும்!

+++++++++++++++++++++++++++++++++++++++++++++++++++++++++++
Astrological Lessons கலைமாமணி விருதும் இலவச தொலைக்காட்சிப் பெட்டியும்!

இன்று புதன் திசையில் சனி புத்தியையும், சனி திசையில் புதன் புத்தியையும் பார்ப்போம். புதன் திசையில் இதுதான் கடைசி புத்தி (அதாவது Last Sub period)

இரண்டின் கால அளவு:
புதன் திசையில் சனி புத்தி = 17 X 19 = 323 = 32 மாதங்கள், 9 நாட்கள்
சனி திசையில் புதன் புத்தி = 19 X 17 = 323 = 32 மாதங்கள், 9 நாட்கள்

(சூத்திரப்படி பெருக்கி வந்த முதல் இரண்டு எண்களும் மாதங்களைக் குறிக்கும், கடையில் உள்ள எண்ணை மூன்றால் பெருக்க வருவது நாட்களாகும்)

புதன் திசையில் சனி புத்தி எப்படியிருக்கும்?. நெற்றியடியாக பாடலை எழுதிய மகான் ஒரு வார்த்தையில் பாழான மாதங்கள் என்று மொத்த தசாபுத்தியையும் ஒரே வார்த்தையில் சொல்லிவிட்டார். பாடலைப் பாருங்கள்.

பாரப்பா புதன் திசையில் சனியின் புத்தி
    பாழான மாதமது முப்பத்திரெண்டு
சேரப்பா நாளதுவும் ஒன்பதாகும்
    செலுத்துகிற பலனதுவை செப்பக்கேளு
வீரப்பா சத்துருவால் சூனியமுண்டாம்
    விதமில்லா நோய்போலே விதங்கேடு பண்ணும்
மாரப்பா மனைவியரும் புத்திரரும்தானும்
    மரணமாம் உன்னுடலும் மரணமாமே!

சரி, பதிலுக்கு சனி திசையில், புதன் புத்தி எப்படியிருக்கும்? அதற்கும் ஒரு வார்த்தையில் பாடலை எழுதிய மகான் தன்மையுள்ள மாதங்கள் என்று மொத்த தசாபுத்தியையும் ஒரே வார்த்தையில் சொல்லிவிட்டார்.
பாடலைப் பாருங்கள்.

சனிக்கு காரி என்ற பெயர் உண்டு. இங்கே சனீஷ்வரன் அந்தப் பெயரில் சொல்லப்படுகிறார். புதன் வழக்கம்போல நன்மையையே செய்கிறது.

தானென்ற காரிதிசை புதன்புத்தி கேளு
    தன்மையுள்ள மாதமது நாலெட்டாகும்
நானென்ற நாளதுவும் ஒன்பதாகும்
    நன்றாக அதன் பலனை நவிலக்கேளும்
மானென்ற மன்னரால் மகிழ்ச்சியுண்டாம்
    மாதர் முதல் பந்துக்களும் மகிழ்ச்சியாகும்
வானென்ற ஞானமுடன் யோகமார்க்கம்
    வளர்கின்ற கர்ப்பமுதல் தேகசித்தியாமே!

மன்னரால் மகிழ்ச்சியுண்டாம்’ என்றால் குழம்ப வேண்டாம். இந்திய சுதந்திரத்திற்குப் பிறகு நாட்டுடன்  ஒருங்கிணைந்த மன்னர்
களைத்தான் 1971ஆம் ஆண்டு ஏற்படுத்திய ஒரு சட்டத்தின்
மூலம் ஒடுக்கிவிட்டோமே, அத்துடன் அவர்களுக்குக் கொடுத்து
வந்த மானியத்தையும் நிறுத்தி விட்டோமே, இப்போது ஏது மன்னர்கள்
என்று  நினைக்க வேண்டாம். இங்கே மன்னர் என்பதை அரசு என்று
பொருள் கொள்ள வேண்டும்.

அரச கெளரவம் அல்லது அரச அங்கீகாரம் கிடைக்கலாம். அதாவது கலைமாமணி விருது கிடைக்கலாம். அல்லது  அரசு இலவச
தொலைக்காட்சி பெட்டி கிடைக்கலாம். அது உங்களுடைய
ஜாதகத்தைப் பொறுத்து மாறுபடும்.வேறுபடும்.

எது கிடைத்தால் நல்லது என்பது உங்கள் மனப் பக்குவத்தைப் பொறுத்தது!

மகிழ்ச்சியைத் தரும் உண்மையான விருது எது? பதிவின் துவக்கத்தில் உள்ள படத்தைப் பாருங்கள். “கோட்டையில்லை. கொடியுமில்லை. எப்பவும் நான் ராஜா” என்று சொல்லும் ராஜாவின் முகத்தில் உள்ள மகிழ்ச்சியைப் பாருங்கள். அதுதான் உண்மையான மகிழ்ச்சி. அந்தப் பெண்மணி தன் இதழ் பதித்து ராஜாவின் கன்னத்தில் தருவதுதான் உண்மையான விருது

அன்புடன்
வாத்தியார்
++++++++++++++++++++++++++++++++++++++++

வாழ்க வளமுடன்!

Astrological Lessons 50 பந்துகளில் 100 ஓட்டங்கள் எப்போது அடிப்பீர்கள்?

++++++++++++++++++++++++++++++++++++++++++++++++++++++++++++++++
Astrological Lessons 50 பந்துகளில் 100 ஓட்டங்கள் எப்போது அடிப்பீர்கள்?

அதாவது when you will score 100 runs in 50 balls?

வரையறுக்கப்பெற்ற பந்துவீச்சுக்கள் உள்ள போட்டிகளில் (Limited over cricket matches) ஒரு வீரர் நூறு ஓட்டங்கள் எடுப்பதே பெரிய சாதனை. அதுவும் 50 பந்துகளில் 100 ஓட்டங்கள் எடுப்பது என்பது அசுர சாதனை.

கால நேரம் ஒத்துவரும்போது, வாழ்க்கையில் நாமும் அப்படிச் சாதிக்க முடியும்! மகாதிசை அதிபதி (Major Dasa Lord) மற்றும் உபப்பிரிவு அதிபதி (Sub-period Lord) ஆகிய இரண்டிற்கும் அதிபதியாக உள்ள கிரகங்கள் நன்மையளிக்கும் கிரகங்கள் எனும்போது, நீங்கள் என்று இல்லை குப்பனுக்கும் சுப்பனுக்கும் கூட அது சாத்தியப்படும்.

இன்று புதன் திசையில் வியாழ புத்தியையும், வியாழ திசையில் புதன் புத்தியையும் பார்ப்போம்

இரண்டின் கால அளவு:
புதன் திசையில் வியாழ புத்தி = 17 X 16 = 272 = 27 மாதங்கள், 6 நாட்கள்
வியாழ திசையில் புதன் புத்தி = 16 X 17 = 272 = 27 மாதங்கள், 6 நாட்கள்

(சூத்திரப்படி பெருக்கி வந்த முதல் இரண்டு எண்களும் மாதங்களைக் குறிக்கும், கடையில் உள்ள எண்ணை மூன்றால் பெருக்க வருவது நாட்களாகும்)

புதன் திசையில் வியாழ புத்தி எப்படியிருக்கும்?. நெற்றியடியாக பாடலை எழுதிய மகான் ஒரு வார்த்தையில் சொல்லிவிட்டார். என்ன சொல்லியிருக்கிறார்? புகழுள்ள மாதங்கள் என்று மொத்த தசாபுத்தியையும் ஒரே வார்த்தையில் சொல்லிவிட்டார். பாடலைப் பாருங்கள்.

போமென்ற புதன் திசையின் வியாழபுத்தி
    புகழுள்ள மாதமது யிருபத்தேழு
நாமென்ற நாளதுவும் ஆறதாகும்
    நன்றாகவதின் பலனை நவிலக்கேளு
தாமென்ற சத்துரு நோய் பயமும் போகும்
    சகல சம்பத்துண்டாகும் தரணியில்வாழ்வான்
ஓமென்றயோகமது கைக்குள் சிக்கும்
   யோகமாம் புத்திரனும் இதிலுண்டாமே!

சரி, பதிலுக்கு வியாழ திசையில், புதன் புத்தி எப்படியிருக்கும்? அதற்கும் ஒரு வார்த்தையில் பாடலை எழுதிய மகான் சொல்லிவிட்டார். என்ன சொல்லியிருக்கிறார்? உண்மையுள்ள மாதங்கள் என்று மொத்த தசாபுத்தியையும் ஒரே வார்த்தையில் சொல்லிவிட்டார். பாடலைப் பாருங்கள்.

உண்டாகும் வியாழ திசை புதனார் புத்தி
    உண்மையுள்ள மாதமது ஈரொன்பதாகும்
தென்றாகும் நாளதுவும் ஆறதாகும்
    தெவிட்டாத அதன் பலனைத் தென்புடனே கேளு
உண்டாகும் மலைபோலே பெருஞ்செல்வம்
    குறைவில்லா மாதர் மைந்தர் கட்டுடனே வாழ்வான்
சென்றாகும் திருவுடனே பட்டங்கிட்டும்
    திருவான லெட்சுமியும் சேர்வார் பாரே!

’உண்டாகும் மலைபோலே பெருஞ்செல்வம்’ என்று சொல்லியிருக்கிறாரே? எந்த மலை போல? குன்றக்குடி மலையைப் போலவா? அல்லது சுவாமி மலையைப் போலவா? அல்லது பழநி மலையைப் போலவா? அல்லது ஊட்டி மலையைப் போலவா? அல்லது மேற்குத் தொடர்ச்சி மலையைப் போலவா? அல்லது இமயமலையைப் போலவா?

எந்த மலையைப்போல இருந்தால் என்ன? மலையா முக்கியம்? செல்வம் வந்தால் போதாதா? வரும் செல்வத்தின் அளவு உங்கள் ஜாதகத்தின் மற்ற அம்சங்களை வைத்து மாறுபடும். வரும். ஆனால் அளவு மாறுபடும்.

யார் மிகப்பெரிய செல்வந்தன்? என்று கேட்டால் உங்களில் பலர் கீழ்க்கண்டவாறு பட்டியல் இடுவீர்கள்.

1. Carlos Slim Helu, Telecom, Mexico.
2 Bill Gates, Microsoft, U.S.
3 Warren Buffett, U.S
4 Mukesh Ambani, Petrochemicals, oil and gas. India.
5 Lakshmi Mittal, Steel, India.
6 Lawrence Ellison, Oracle, U.S.

எல்லோரும் அவர்களைப் போல ஆகிவிட்டால், யார் விவசாயம் செய்வது? யார் டாஸ்மாக்கில் வேலை செய்து, நமக்கு சரக்கு எடுத்துக் கொடுப்பது? யார் ரேசன் கடையில் இருந்து கிலோ ஒரு ரூபாய் அரிசியை விநியோகம் செய்வது? கட்டணக் கழிப்பறை வாசலில் உட்கார்ந்து கொண்டு உள்ளே உபாதையைக் கழிக்கச் செல்பவனிடம் அதிரடியாக ஒவ்வொரு முறையும் மூன்று ரூபாயை யார் பிடுங்குவது? கோவையில் இருந்து சென்னைக்கு ஏழு மணி நேரத்தில் செல்லும் துரந்தோ இரயிலை யார் ஓட்டிச் செல்வது? இந்தியாவில் இயங்கும் 22 லட்சம் லாரிகளை யார் ஓட்டுவது? கடும் குளிரில். இந்திய எல்லையில் பாது காப்புப் பணியை யார் செய்வது? இது போன்று லட்சக்கணக்கான கேள்விகளை எழுப்பலாம்.

இறைவன் கருணை மிக்கவர் எல்லாவற்றிற்கும் அவர் ஆட்களைக் கொடுத்திருக்கிறார். உலக இயக்கத்தை முறைப்படுத்தி வைத்திருக்கிறார்

பிறக்கும் ஒவ்வொரு ஜீவனுக்கும் ஒரு பணி உண்டு. அதைச் செய்யவைப்பதற்கு கர்மகாரகன் என்ற பெயரில் சனீஷ்வரனும் உண்டு.

ஆகவே உங்கள் கர்ம வினைப்படிதான் செல்வமும் வரும்!

யாருக்குக் கடனும் நோயும் இல்லையோ அவன்தான் உண்மையான செல்வந்தன்!!!

ஆகவே நமது கடனையும், நோய் இருந்தால் நோயையும் தீர்க்கக்கூடிய அளவிற்கு செல்வம் வந்தால் போதும்! அதை மனதில் கொள்க!

அன்புடன்
வாத்தியார்

வாழ்க வளமுடன்!

Astrological Lessons பாழாகிப் போவதும், சேதமில்லாமல் கிடைப்பதும்!

---------------------------------------------------------------
Astrological Lessons 
பாழாகிப் போவதும், சேதமில்லாமல் கிடைப்பதும்!

தசா புத்திப்பலன்களை ஒரு வித்தியாசமான கோணத்தில் பார்த்து வருகிறோம். நானும் தொடர்ந்து எழுதிவருகிறேன். நீங்களும் படித்துவருகிறீர்கள்.

முதலில் புத்தி நாதன் புதனின் திசையைக் கையில் எடுத்துக்கொண்டேன். புதன் திசையில் கேது புத்தி எப்படி இருக்கும் என்று பார்த்தோம். பதிலுக்கு கேது திசையில் புதன் புத்தி எப்படி இருக்கும் என்றும் பார்த்தோம்.

அதுபோல, புதன் திசையில் சுக்கிர புத்தியும், சுக்கிர திசையில் புதன் புத்தியும், புதன் திசையில் சூரிய புத்தியும், சூரிய திசையில் புதன் புத்தியும் எப்படி இருக்கும் என்றும் பார்த்தோம். அடுத்து புதன் திசையில் சந்திர புத்தியையும், பதிலுக்கு சந்திர திசையில் புதன் புத்தியையும் பார்த்தோம். பிறகு அதே புதன் திசையில் செவ்வாய் புத்தி எப்படி இருக்கும் என்றும், பதிலுக்கு செவ்வாய் திசையில் புதன் புத்தி எப்படி இருக்கும் என்றும் பார்த்தோம்

அந்த வரிசையில், இன்று புதன் திசையில் ராகு புத்தியையும், ராகு திசையில் புதன் புத்தியையும் பார்ப்போம்

இரண்டின் கால அளவு:
புதன் திசையில் ராகு புத்தி = 17 X 18 = 306 = 30 மாதங்கள், 18 நாட்கள்
ராகு திசையில் புதன் புத்தி = 18 X 17 = 306 = 30 மாதங்கள், 18 நாட்கள்

(சூத்திரப்படி பெருக்கி வந்த முதல் இரண்டு எண்களும் மாதங்களைக் குறிக்கும், கடையில் உள்ள எண்ணை மூன்றால் பெருக்க வருவது நாட்களாகும்)

புதன் திசையில் ராகு புத்தி நன்மையளிக்காது. நெற்றியடியாக ஒரு வார்த்தையில் பாடலி எழுதிய மகான் சொல்லிவிட்டார். என்ன சொல்லியிருக்கிறார்? பாழான மாதங்கள் என்று மொத்த தசாபுத்தியையும் ஒரே வார்த்தையில் சொல்லிவிட்டார். பாடலைப் பாருங்கள்.

பலனில்லா  புதன் திசையில்  ராகுபுத்தி
பாழான  மாதமது  முப்பதாகும்
நலமில்லா  நாளதுவும்  பதினெட்டாகும்
நன்றாக  அதன்  பலனை   நவிலக்  கேளு
பலமில்லா  பிணிகளுடன்  மயக்கம்  சேதம்
பிரட்டான  சத்துருவால்  பேதையர்கள்  யாவும்
நலமில்லா  வியாதியினால்  நற்பொருளுஞ் சேதம்
நன்றான  வீடு முதல்  பூமி நிதி  போமே!!!

சரி ராகு திசையில் புதன் புத்தி எப்படி இருக்கும்? டிட் ஃபார் டாட்..என்று பதிலுக்குப் பதில் செய்யாமல், புதன் ராகு மகா திசையில் வரும் தன்னுடைய புத்தியில் நன்மையைத்தான் கொடுக்கும். இங்கேயும் பாடலின் மூலம் பலனைச் சொன்ன முனிவர் அசத்தலாக ஒரே வார்த்தையில் ‘ சேதமில்லாத’ மாதங்கள் என்று சொல்லி, நமது வயிற்றில் பாலை வார்க்கிறார். பாடலைப் பாருங்கள்

சேதமில்லா  ராகு திசை புதனார்  புத்தி
செப்பு  நாள்  மாதமது  முப்பதாகும்
பாதமில்லா  நாளதுதான்  பதினெட்டாகும்
பகுத்தறியும்  அதன் பலனை  பகரக்  கேளு
வாதமில்லா  வாணிபஞ்  செட்டாகும்  பாரு
வகையான  சகோதரமுடன்   வாழலாகும்
பேதமுடன்   பொருளுண்டாம்   பூமி லாபம்
பொங்குமால்  புத்திரனில்  புகழ்மிகப்பாரே!
பாடல்கள் எளிமையாக இருப்பதால் விளக்கம் எழுதவில்லை.

(தொடரும்)
++++++++++++++++++++++++++++++++++++++++

அன்புடன்,
வாத்தியார்



வாழ்க வளமுடன்!

Astrological Lessons புத்தியும் ஆற்றலும்!

+++++++++++++++++++++++++++++++++++++++++++++++++++++++++
Astrological Lessons புத்தியும் ஆற்றலும்!
தசா புத்திப்பலன்களை ஒரு வித்தியாசமான கோணத்தில் பார்த்து வருகிறோம். நானும் தொடர்ந்து  எழுதிவருகிறேன். நீங்களும் படித்துவருகிறீர்கள்.

முதலில் புத்தி நாதன் புதனின் திசையைக் கையில் எடுத்துக்
கொண்டேன்.  புதன் திசையில் கேது புத்தி எப்படி இருக்கும் என்று
பார்த்தோம். பதிலுக்கு கேது திசையில் புதன் புத்தி எப்படி இருக்கும்
என்றும் பார்த்தோம்.

அதுபோல, புதன் திசையில் சுக்கிர புத்தியும், சுக்கிர திசையில் புதன்
புத்தியும், புதன் திசையில் சூரிய புத்தியும்,  சூரிய திசையில் புதன்
புத்தியும் எப்படி இருக்கும் என்றும் பார்த்தோம். அடுத்து புதன்
திசையில் சந்திரபுத்தியையும், பதிலுக்கு சந்திர திசையில் புதன்
புத்தியையும் பார்த்தோம்.

இன்று அதே புதன் திசையில் செவ்வாய் புத்தி எப்படி இருக்கும் என்றும், பதிலுக்கு செவ்வாய் திசையில் புதன்  புத்தி எப்படி இருக்கும் என்றும் பார்ப்போம்.

இரண்டின் கால அளவு:
புதன் திசையில் செவ்வாய் புத்தி = 17 X 7 = 119 = 11 மாதங்கள், 27 நாட்கள்
செவ்வாய் திசையில் புதன் புத்தி =  7 x 17 = 119 = 11 மாதங்கள், 27 நாட்கள்

(சூத்திரப்படி பெருக்கி வந்த முதல் இரண்டு எண்களும் மாதங்களைக் குறிக்கும், கடைசியில் உள்ள எண்ணை மூன்றால் பெருக்க வருவது நாட்களாகும்)

புதனின் வீடு இரண்டும் - மிதுனமும், கன்னியும் செவ்வாய்க்குப்
பகை வீடுகளாகும். அதே நேரத்தில் செவ்வாயின் இரண்டு வீடுகளும் - அதாவது மேஷமும், விருச்சிகமும், புதனுக்கு நட்பும் அல்லாத
பகையும் அல்லாத சமவீடுகளாகும்.

ஆற்றல் இருப்பவனுக்கு, புத்தி பகையாகத் தெரிகிறது. ஆனால் புத்தி இருப்பவன் ஆற்றலைப் பகையாக  நினைப்பதில்லை!

இவ்விரண்டு கிரகங்களின் தசா புத்திகள் ஜாதகனுக்கு நன்மை அளிக்காது. அதைத் தெளிவு படுத்தும் பாடலைக் கொடுத்துள்ளேன். பாடல் எளிமையாக இருப்பதால் விளக்கம் எழுதவில்லை. படித்துப் பயன் பெறுக!

சேரலாம் புதன் திசையில் செவ்வாய்புத்தி
செயமில்லாத மாதம் பதினொன்றாகும்
தேறலாம் நாளதுவும் இருபத்தேழில்
தெரிவையர்கள் தன்னாலே கிரந்தியது நோவாம்
மாறலாம் சத்துருவால் மயக்கமுடன் பேயும்
மனதான சகோதரமும் அதனால்சேதம்
பாரலாம் பலநிதியுங்கெடுதிகாணும்
பணமுடைய பூமிமுதல் பலனுந்தீதாம்!

காணவே சேய் திசையில் புதனார் புத்தி
கணக்கான நாளதுவும் மாதம் பதினொன்று
பூணவே நாளதுவும் மூணொன்பதாகும்
பூட்டான அதன்பலனை புகழக்கேளு
பேணவே ஓடிவந்த பிரமியமும்
பெரிதான நீரழிவும் பிறன்கேடு பண்ணும்
தோணவே தோகையரும் வியாதியாவாள்
தொடுத்ததொரு காரியங்கள் பொல்லாப்பாமே
(தொடரும்)
++++++++++++++++++++++++++++++++++++++++

அன்புடன்,
வாத்தியார்

வாழ்க வளமுடன்!

Astrology ஒரு கன்னத்தில் அடித்தால் என்ன - மறு கன்னத்தையும் காட்டு!

+++++++++++++++++++++++++++++++++++++++++++++++++++++
Astrology ஒரு கன்னத்தில் அடித்தால் என்ன - மறு கன்னத்தையும் காட்டு!

1
புதனும் சுக்கிரனும் நட்புக் கிரகங்கள். ஆகவே புதன் திசையில் சுக்கிர புத்தி நடக்கும் காலம் நன்மைகள் உடையதாக இருக்கும். அதுபோல சுக்கிர திசையில் புதன் புத்தியும் நன்மை உடையதாக இருக்கும் என்று இந்த வாரம் திங்கட்கிழமையன்று வலையேற்றிய பதிவில் எழுதியிருந்தேன். அதாவது ஒருவருக்கொருவர் உறுதுணையாக இருக்கும் அமைப்பு இது

2
அதற்கு அடுத்து, நேற்றையப் பதிவில் பதிலுக்குப் பதில் கத்தியை உருவும் இரண்டு கிரகங்களைப் பற்றி எழுதியிருந்தேன். புதன் திசையில் சூரிய புத்தி நடக்கும் காலம் ஜாதகனுக்கு நன்மையாக இருக்காது. அதுபோல பதிலுக்கு சூரிய திசையில் புதன் புத்தி நடைபெறும் காலமும் நன்மையாக இருக்காது. என்று நேற்று எழுதினேன். நீ வலது காலில் அடித்தால், நான் இடது காலில் அடிப்பேன் என்னும் கணக்கில் சூரியனும், புதனும் நடந்து கொள்ளும் என்று எழுதியிருந்தேன்!

3.
இன்று வித்தியாசமான இரண்டு கிரகங்களைப் பற்றிப் பார்ப்போம்.
புதனும், சந்திரனும் தங்களுடைய தசாபுத்தியில் என்ன செய்வார்கள்
என்று பார்ப்போம். புதன் திசையில் சந்திரபுத்தி ஜாதகனுக்கு நன்மையளிப்பதாக இருக்காது. ஆனால் அதே நேரத்தில் சந்திர
திசையில் வரும் புதன் புத்தி நன்மைகள் உடையதாக இருக்கும்.
ஒரு கன்னத்தில் அடித்தால் என்ன? மறு கன்னத்தையும் காட்டுகிறேன்
என்று சந்திரன் விட்டுக்கொடுத்துப் போவார். அவர் சுபக் கிரகமல்லவா? அதனால்தான் அப்படி. சான்றோர்களின் வழி!

அந்த இரண்டு கிரகங்களின் தசா புத்திக்கான பாடலை இன்று பதிவிட்டிருக்கிறேன். எளிமையான தமிழில் இருப்பதால் விளக்கம் எழுதவில்லை. அப்படியே கொடுத்துள்ளேன். படித்துப் பயன் பெறுக!

“தானேதான் புதன் திசையில் சந்திரபுத்தி
தாழ்வான மாதமது பதினைந்தாகும்
தேனென்ற அதன் பலனை சொல்லக்கேளு
தெரிவையர்கள் கலகமுடன் யிளப்பா சயரோகம்
கோனென்ற ராசாவால் குடிகேடு செய்யும்
கோதையர்கள் தன்னாலே குடிபாழாகும்
வானென்ற வான்பொருளும் வகையில்லாச் சேதம்
வையகத்தில் நீதியில்லா மாதரைச் சேர்வாயே!

பாலில்லா சந்திரதிசை புதன்புத்தி
பரும்நாள் மாதமது பதினேழாமே
கோளில்லா அதன் பலத்தை கூர்ந்து சொல்வோம்
குணமுள்ள மாதர்களும் மன மகிழ்ச்சியுண்டாம்
நாளில்லா கலியாணம் நடக்கும் பாரு
நன்றான பாக்கியமும் நவதானியமும் சேரும்
தேனில்லா சத்துருவை செயிக்கலாகும்
தெரிவையர்கள் மோகமுடந்தெளிந்து நிற்பான்
(தொடரும்)

அன்புடன்
வாத்தியார்
+++++++++++++++++++++++++++++++++++++
2
ரூபாய் பத்தாயிரம் கோடி
என்ன இது? மாநிலங்களுக்கான மானியத் தொகையா?
இல்லை ஸ்வாமி!
இது இந்தியாவில் தினசரி உற்பத்தியாகும் கறுப்புப் பணத்தின் அளவு
அம்மாடியோவ்!  உண்மையாகவா? யார் சொன்னது?
செய்தி கீழே உள்ளது படித்துப்பாருங்கள்

படத்தின் மீது கர்சரை வைத்து அழுத்திப்பாருங்கள். படம் பெரிதாகத் தெரியும்

++++++++++++++++++++++++++++++++++++++++++++++++++++++
அடுத்து என்ன?
கைலாசம்தான்!

++++++++++++++++++++++++++++++++++++++++++++++++++++


வாழ்க வளமுடன்!

Astrology தானிக்கு இதி சரிப்போயிந்தி!

++++++++++++++++++++++++++++++++++++++++++++++++

Astrology தானிக்கு இதி சரிப்போயிந்தி!

இந்திய ஜோதிடத்தில் சூரியனுக்கு முக்கியமான இடம் உண்டு. அதுதான் பிரதானமான கிரகம். தந்தைக்கு உரிய கிரகம். உடல்காரகன். வலிமைக்கு உரிய கிரகம்.

It is considered positive and malefic in Indian astrology.

சூரியனுக்கு அருகிலேயே சுழன்று கொண்டிருக்கும் கிரகம் புதன்

புதன் கல்விகாரகன். ஆசியர்கள், எழுத்தாளர்கள், புத்திசாலித்தனம், கணிதம், ஜோதிடம், நகைச்சுவை உணர்வு, கலைஞர்கள், வியாபாரிகள் என்று பலரையும் பரிணமளிக்கச் செய்யும் கிரகம். ஆனால் சூரியனைத் தொடர்ந்து சுழல்வதால் பாதி நேரம் வக்கிரகதியில் இயங்கும்.

இருவரும் சேர்ந்தால் ஜாதகனுக்கு புத ஆதித்ய யோகத்தைக் கொடுப்பார்கள்.

ஆனால் தங்களுடைய (இருவரும் சேர்ந்து கொள்ளும்) தசா புத்திகளில் நன்மைகளைச் செய்வதில்லை.

அதாவது புதன் திசையில் சூரிய புத்தி நடக்கும் காலம் ஜாதகனுக்கு நன்மையாக இருக்காது. அதுபோல பதிலுக்கு சூரிய திசையில் புதன் புத்தி நடைபெறும் காலமும் நன்மையாக இருக்காது.

நீ வலது காலில் அடித்தால், நான் இடது காலில் அடிப்பேன் என்னும் கணக்கு!

“தானிக்கு இதி சரிப்போயிந்தி!” (அதுக்கு இது சரியாகப் போச்சு) என்று தெலுங்கில் சொல்வார்கள். அதுபோலத்தான் இதுவும். கஷ்டப்படுவது என்னவோ நாம்தான்!

அந்த இரண்டு கிரகங்களின் தசா புத்திக்கான பாடலை இன்று பதிவிட்டிருக்கிறேன். எளிமையான தமிழில் இருப்பதால் விளக்கம் எழுதவில்லை. அப்படியே கொடுத்துள்ளேன். படித்துப் பயன் பெறுக!

“கேளப்பா புதன்திசையில் சூரியபுத்தி

கெணிதமுள்ள நாளதுவும் மாதம்பத்து

ஆளப்பா அதன்பலனை அரையக்கேளு

ஆதிகுருதலஞ் சிவ பதங்களுள்ளாம்

காணப்பா காவியது வேஷ்டியுண்டாம்

காசிணியில் பரதேசி ஆகிப்போவான்

வாளப்பா மடபதியிலிருந்துகொண்டு

மனையாட்டி தன்னுடனே வாழ்ந்திருப்பான் தானே!”

“தானென்ற ரவிதிசையில் புதனார்புத்தி

சாதகமாம் மாதம் பத்து நாளாறாகும்

ஆனென்ற அதன்பலனை அரையக்கேளூ

அடங்காது வியாதி வந்து பின்னிக்கொல்லும்

வானென்ற வான்பொருளும் சேதமாகும்

வாகுடைய புத்திமதி நாசமாகும்

கோனென்றகுடி கேடு பண்ணிவைக்கும்

கொடுமையுள்ள நாள்தனிலே குடிகேடாமே!”

(தொடரும்)

அன்புடன்
வாத்தியார்
+++++++++++++++++++++++++++++++++++++
இதெப்படி இருக்கு?

வயதான தம்பதியருக்கு இடையில் நடைபெற்ற உரையாடல்:

Old Man: Whenever I get mad at you, you never seem to get upset. How do you manage to control your temper?
Old Woman: I just go and clean the toilet.
Old Man: How does that help?
Old Woman: I use your toothbrush
++++++++++++++++++++++++++++++++++++++++++++++++++
மிகவும் உபயோகமான தகவல்கள்:

Kindly, share this valuable information wherever possible.

1.      If you see children Begging anywhere in TAMIL NADU, please contact:

"RED SOCIETY" at 9940217816. They will help the children for their studies.

2.      Where you can search for any BLOOD GROUP, you will get thousand's of donor address. www.friendstosupport.org

3.      Engineering Students can register in www.campuscouncil.com to attend Off Campus for 40 Companies.

4.      Free Education and Free hostel for Handicapped/Physically Challenged children.

Contact:- 9842062501 & 9894067506.

5.      If anyone met with fire accident or people born with problems in their ear, nose and mouth can get free PLASTIC SURGERY done by Kodaikanal   PASAM Hospital . From 23rd March to 4th April by German Doctors. Everything is free. Contact : 045420-240668,245732 "Helping Hands are Better than Praying Lips"

6.      If you find any important documents like Driving license, Ration card, Passport, Bank Pass Book, etc., missed by someone, simply put them into any near by Post Boxes. They will automatically reach the owner and Fine will be collected from them.

7.      By the next 10 months, our earth will become 4 degrees hotter than what it is now. Our Himalayan glaciers are melting at rapid rate. So let all of us lend our hands to fight GLOBAL WARMING.

-Plant more Trees.

-Don't waste Water & Electricity.

-Don't use or burn Plastics

8.      It costs 38 Trillion dollars to create OXYGEN for 6 months for all Human beings on earth.

"TREES DO IT FOR FREE" "Respect them and Save them"

9.      Special phone number for Eye bank and Eye donation: 04428281919 and 04428271616 (Sankara Nethralaya Eye Bank). For More information about how to donate eyes plz visit these sites. http://ruraleye.org/

10.  Heart Surgery free of cost for children (0-10 yr) Sri Valli Baba Institute Banglore. 10.  Contact : 9916737471.

11.  Medicine for Blood Cancer!!!!.  'Imitinef Mercilet' is a medicine which cures blood cancer. Its available free of cost at "Adyar Cancer Institute in Chennai". Create Awareness. It might help someone.

Cancer Institute  in Adyar, Chennai

Category:  Cancer

Address:

East Canal Bank Road, Gandhi Nagar

Adyar

Chennai -600020

Landmark: Near Michael School

Phone:  044-24910754  044-24910754 ,  044-24911526  044-24911526 ,

044-22350241  044-22350241

12.  Please CHECK WASTAGE OF FOOD.  If you have a function/party at your home in India and food gets wasted, don't hesitate to call 1098 (only in India ) - Its not a Joke, This is the

number of Child helpline. They will come and collect the food. Please circulate this message which can help feed many children.

AND LETS TRY TO HELP INDIA BE A BETTER PLACE TO LIVE IN

Please Save Our Mother Nature for "OUR FUTURE GENERATIONS"

Thanks & Regards,

Gopikrishnan B

gopikrishnabe@gmail.com

0091 9717718601

New Delhi, India.

(Received through email)

Thanks to him

வாழ்க வளமுடன்!

Astrology உனக்கு நான், எனக்கு நீ!

+++++++++++++++++++++++++++++++++++++++++++++++++++++
Astrology உனக்கு நான், எனக்கு நீ!

மனிதனுக்குப் பலன்களை அள்ளித் தருவது தசா புத்திகள்தான். அதுபோல தீமை செய்யும் கிரகங்களின் தசா புத்திகள், கீழே தள்ளி விடுவதோடு மிதித்துவிட்டும் போகும்.

ஜாதகத்தில் எவ்வளவு நன்மையான கிரகங்கள், கேந்திர திரிகோணங்களில் இருந்தாலும், அதனதன் பலன்கள் அவற்றின் தசா புத்திகளில்தான் கிடைக்கும். பொறுத்திருக்க வேண்டியதைத் தவிர வேறு வழியில்லை.

ஜாதகத்தில் லாபாதிபதி (11ஆம் இடத்தின் அதிபதி) வலிமையாக இருந்தாலும், அவர் தன்னுடைய தசா புத்திகளில்தான் பலனைத் தருவார்.

இரண்டு கிரகங்கள் சேர்ந்து ஒரு தசா/புத்தியை நகர்த்தும்போது, இரண்டும் நட்புக் கிரகங்களாகவோ அல்லது இரண்டுமே சுபக்கிரகங்களாக இருந்தால், அவற்றின் தசா/புத்திகள் அதிக நன்மை உடையதாக இருக்கும்.

உதாரணத்திற்கு, புதனும் சுக்கிரனும் நட்புக் கிரகங்கள். ஆகவே புதன் திசையில் சுக்கிர புத்தி நடக்கும் காலம் நன்மைகள் உடையதாக இருக்கும். அதுபோல சுக்கிர திசையில் புதன் புத்தியும் நன்மை உடையதாக இருக்கும்.

நன்மைகள் எந்த அளவு என்ற கேள்வி எழும். ஜாதகத்தில் அவைகள் இரண்டும் 1/12 நிலையில் அல்லது 6/8 நிலையில் இல்லாமல் இருக்க வேண்டும். மீறி இருந்தால், கிடைக்கும் நன்மைகள் முழுமையாக இருக்காது.

சிந்தினது சிதறியதுபோக பாதிதான் கிடைக்கும். அதையும் மனதில் கொள்க!

அந்த இரண்டு கிரகங்களின் தசா புத்திக்கான பாடலை இன்று பதிவிட்டிருக்கிறேன். எளிமையான தமிழில் இருப்பதால் விளக்கம் எழுதவில்லை. அப்படியே கொடுத்துள்ளேன். படித்துப் பயன் பெறுக!

“பாரப்பாபுதன் திசையில் சுக்கிரபுத்தி
பாங்குள்ள மாதமது முப்பத்தினாலு
சேரப்பா அதன்பலனை செப்பக்கேளு
தேவதையால் தர்க்கமது தீதாம்பாரு
ஆரப்பா மனைவியுடன் புத்திரனும்
அனுதினமும் வாழ்ந்திருப்பான் அலங்காரமுடன்
காரப்பா கனகமது சம்பத்துண்டாம்
கனமான ராசாவால் கடாட்சமுண்டாங் கேளே!”

“ஆமென்ற சுக்கிரதிசை புதனார் புத்தி
அன்புடைய மாதமது முப்பத்தினாலு
நாமென்றதின் பலனை நவிலக்கேளு
நாடுநகர் உன்வசமே ஆகும்பாரு
தான்ர்ன்ற தன்னரசு ஆண்டுநீயும்
தரணியில் நீயுமொரு தவசியாவாய்
போமென்ற பொன்முதலும் பூமியாண்டு
பொங்கமுடன் தானிருந்து அரசு ஆள்வாய்!”
(தொடரும்)
+++++++++++++++++++++++++++++++++++
முக்கியமான தகவல்: மின்னஞ்சலில் வந்தது. அப்படியே கொடுத்துள்ளேன்:

Indian Railway in collaboration with Google is now providing a 10 digit mobile number. Just SMS your PNR number on this mobile number and instantaneously you will get your ticket's current status along with all other journey related details.

The number is 9773300000. No need to prefix 0 or +91. (Save this number in your cell)
Note: While sending PNR, No need to give any symbols. Just send the 10 digit PNR Number blankly. Best of all, you don't pay a premium charge for any of this, just the price of a standard SMS.

Information given by our classroom student.Mr.V.Prasanna Kumar. Thanks to him!

++++++++++++++++++++++++++++++++++++++++++++++++++++++++++++++++++
இன்று காதலர் தினம்! வகுப்பறைக்கு வரும் காதலர்கள் அனைவருக்கும் காதலர் தின வாழ்த்துக்கள். 

 வாத்தியார் காதலுக்கு எதிரியல்ல! வாத்தியார் காலத்தில் எல்லாம் காதலுக்கு வழியில்லாமல் போய்விட்டது. அதில் வருத்தமும் இல்லை. மகிழ்ச்சியும் இல்லை.

இன்று காதலுக்கு ஏராளமான வாய்ப்புக்கள் உள்ளன. யாராவது சிக்கினால் காதலிப்போம் என்று காதலிக்காதீர்கள். தகுதியானவரைத் தேர்ந்தெடுத்துக் காதலியுங்கள். பெற்றோரிடம் அனுமதி பெற்றுத் திருமணம்  செய்து கொள்ளுங்கள். உங்களை வளர்த்து ஆளாக்கிய பெற்றோரின் அனுமதி முக்கியம். அனுமதி கிடைக்கவில்லை என்றால் உள்ளிருப்புப் போராட்டம் நடத்தி அனுமதியைப் பெறுங்கள்.

காதலில் ஈடுபட்டு, உயிருக்கு உயிராக காதலிக்கும்போது, ஜாதகத்தைப் பார்த்து, காதல் நிறைவேறுமா? இவரையே திருமணம் செய்துகொள்ளலாமா? என்று மட்டும் கேட்டு எழுதாதீர்கள்.

காதல் என்ன ரயில் பயணமா? வேண்டாம் என்றால், பாதியில், நிற்கும் ஸ்டேசனில் இறங்கிக்கொள்வதற்கு? காதல் புனிதமானது. ஒரு நாள்,
ஒரு வாரம் அல்லது ஒருவருடம் வாழ்ந்தாலும் போதும். காதலித்த
வரையே மணந்து கொள்ளுங்கள். நடப்பது நடக்கட்டும், ஆண்டவன் விட்டவழி என்று  தேர்ந்தெடுத்த வழியில் துணிந்து  செல்லுங்கள்

பாதை வகுத்தபின்னே பயந்தென்ன லாபம்
பயணம் நடத்திவிடு முடிந்திடும் பாபம்!
----கவியரசர் கண்ணதாசன்
++++++++++++++++++++++++++++++++++++++++++++++++===

அன்புடன்
வாத்தியார்

வாழ்க வளமுடன்!