திட்டமிட்டே திசை தெரியாமல் போகிறோம்!

திட்டமிட்டே திசை தெரியாமல் போகிறோம்!

சொல்வது யார்? பேராசியரும், கவிஞருமான சொ.சொ.மீ.சுந்தரம் அவர்கள்.

கவியரசர் கண்ணதாசன் இவரைப் பற்றி சிலாக்கியமாகப் பேசுவார். சொ.சொ.மீ என்பதை சொல்லுக்குச் சொல் மீறும் சுந்தரம் என்று பெருமைப் படுத்திப் பேசுவார்.

அவருடைய உரை ஒன்றை காணொளி வடிவில் இன்று பதிவிட்டுள்ளேன். அனைவரும் கேட்டு மகிழுங்கள்!!!!

அன்புடன்
வாத்தியார்
-------------------------

====================================================

மேலதிகத் தகவல்கள்:

சொர்ணலிங்கம் செட்டியார், மீனாட்சி ஆச்சி இருவருக்கும் தேவகோட்டையில் 3.8.1942 -இல் மகனாக பிறந்தார் பேராசிரியர் 

சொ. சொ . மீ. சுந்தரம். 

தன் இளமைக் கல்வியை அழகப்பா கல்லூரி காரைக்குடியில் முடித்தார். அதன் பிறகு லயோலாக் கல்லூரி, பழனியாண்டவர் கல்லூரிகளில் வணிகவியல் பயிற்றுநராகப் பணியற்றிய இவர் பின்னாளில் சௌராஷ்டிரக் கல்லூரியில் வணிகவியல் பேராசிரியராக 41 ஆண்டுகள் பணியாற்றினார். தற்பொழுது மதுரையில் இல்லம் தோறும் பெரிய புராணம் என்ற அமைப்பின் கீழ் மாதந்தோறும் ஒவ்வொரு வீட்டிலும் பெரிய புராண விரிவுரை செய்து வருகிறார். 

இந்து சமயத்திற்கு பல தொண்டுகளைச் செய்து வரும் இவர் தன்னுடைய அறுபதாண்டு நிறைவு மணிவிழாவைத் திருவாசக விழாவாக நடத்தினார் என்பது குறிப்பிடத்தக்கது. இத்தொண்டு பத்தாண்டுகளாக நடைபெற்று வருகிறது.

இவரின் சேவையைப் பாராட்டி இவருக்கு பல பட்டங்கள் கொடுக்கப்பட்டுள்ளன. பாவலர் மன்றம் இவருக்கு சொல்லோவியர் பட்டம், மதுரை பன்னிருத் திருமுறை மன்றம் இவருக்கு திருமந்திரச் சொல்மனி, காஞ்சி மகாசுவாமி டிரஸ்ட் இவருக்கு செந்தமிழ் பேரொளி, திருவாடுதுறை ஆதீனம் இவருக்கு தமிழாகமச் சிந்தைச்செல்வர் என்ற பட்டங்கள் கொடுத்து கௌரவித்துள்ளது.

இது தவிர பேராசிரியர் வ.சுப. மாணிக்கனார் விருப்பத்திற்கேற்ப இவர் எழுதிய பண்டிதமணி, பிள்ளைத் தமிழ் மேலைச்சிவபுரி சன்மார்க்க சபையினரால் 1991-இல் வெளிடப்பெற்றது. காஞ்சிப் பெரியவர் சந்திரசேகரேந்திர சரஸ்வதி சுவாமிகள் மீது இவர் எழுதிய திருநீறு விடுதூது 1977 - இல் வெளிவந்தது. இவர் அடியெடுத்துக் கொடுக்க கவியரசர் கண்ணதாசன் எழுதிய 'காமனை ஏன் எரித்தாய்' என்ற கவிதை 16.7.1981 குமுதம் இதழில் வெளிவந்தது.

இவரின் தமித்தொண்டைப் பாராட்டி மதுரை தமிழிசைச் சங்கம் பொற்கிழி ( ரூ. 25000) வழங்கியது. அதையொட்டி ஏழு நாட்கள் இவரின் சொற்பொழிவு தமிழ் இசைச் சங்கத்தில் நிகழ்ந்தது. மேலும் இவர் பதிப்பித்த கண்ணுடையம்மன் பள்ளு, நாட்டரசன் கோட்டையில் வெளிடப்பட்டது.

1998-இல் இறைவனடி சேர்ந்த இவரின் மனைவியின் நினைவாக இவர் எழுதிய இல்லக விளக்கு என்ற சிறு நூல் 1999-இல் வெளிவந்தது. இவருடைய ஆன்மீக இலக்கியப் பணியைப் பாராட்டி மதுரை இராமகிருஷ்ண மடம் 2012-இல் விவேகானந்தர் விருது வழங்கியது.

2012-இல் கோலாலம்பூரில் நடந்த அனைத்துலக முருகபக்தி மாநாட்டில் கலந்துக் கொண்டு உறையாற்றினார். வரும் தைப்பூசத்தை முன்னிட்டு ஆஸ்ட்ரோ விண்மீன் HD- இல் ஒளிபரப்பாகவுள்ள தைப்பூச நேரலையில், முருகன் சிறப்புகளைப் பற்றி இவர் பேசவுள்ளார். பல அறிய தகவல்களை உங்களுடன் பகிர்ந்துக் கொள்ளப் போகும் இவரைக் காணத்தவறாதீர்கள்.

சமயத்திற்கு இவர் ஆற்றிய பணி மேலும் தொடரட்டும்.

அவர் சிங்கையில் ஆற்றிய பல உரைகளில் ஒரு உரையின் கணொளியை உங்கள் பார்வைக்காக இன்று பதிவிட்டுள்ளேன். நேரம் இருக்கும்போது கேட்டு மகிழுங்கள்!

காணொளி:

=======================================================

வாழ்க வளமுடன்! வளர்க நலமுடன்!