Half Quiz: பாதி புதிர்: கையில வாங்கினேன் பையில போடலை காசு போன இடம் தெரியலை!

Half Quiz: பாதி புதிர்: கையில வாங்கினேன் பையில போடலை காசு போன இடம் தெரியலை!

Quiz.87

12.06.2015

தலைப்பு: Heavy Financial Loss, பண விரையம், பணப் பிரச்சினை.

திருமணத்தைப் பற்றிய புதிர்களுக்குப் பதிலாக இன்று வேறு ஒரு தலைப்பில் பிரச்சினையைக் கொடுத்து உங்களை அலசச் சொல்லியிருக்கிறேன்.

மேலே உள்ள ஜாதகத்தைப் பாருங்கள்.

ஜாதகருக்கு சின்ன வயதிலேயே அதீதப் பணப்பிரச்சினை. வியாபாரம் செய்கிறேன் என்று நிறைய பணத்தைத் தொலைத்துவிட்டார். பணப் பிரச்சினையால் வாழ்க்கையே சிக்கலாகி மூச்சுத் திணறும் அளவிற்குப் பல பிரச்சினைகள் உண்டாகிவிட்டன.

ஜாதகத்தை அலசுங்கள். இரண்டே இரண்டு கேள்விகள்தான்:

1. ஜாதகரின் பணப் பிரச்சினைக்கு என்ன காரணம்?
2. அந்தப் பிரச்சினையில் இருந்து ஜாதகர் மீண்டாரா அல்லது இல்லையா?

ஜாதத்தை அலசி உங்கள் கணிப்பை எழுதுங்கள்.

அன்புடன்,
வாத்தியார்
=============================================================
வாழ்க வளமுடன்!
வளர்க நலமுடன்!

அடடா....’என்னங்க’ என்று சொல்லிற்கு இத்தனை அர்த்தம் உள்ளதா?

அடடா....’என்னங்க’ என்று சொல்லிற்கு இத்தனை அர்த்தம் உள்ளதா?

பாத்ரூமில் நின்று " என்னங்க " என்று அழைத்தால்
பல்லி அடிக்க அழைக்கிறாள் என்று அர்த்தம்

சாப்பிடும் ஹோட்டலில் " என்னங்க " என்று அழைத்தால்
பில்லை கட்டு என்று அர்த்தம்.

வீட்டு வாசலில் நின்று யாருடனாவது கைகட்டி நின்று பேசிக்கொண்டு இருக்கும் போது
வீட்டின் உள்ளில் இருந்து " என்னங்க " என்று உச்சஸ்தாயியில்
சத்தம் வந்தால் கையைகட்டி நின்று பேசாதே என்று அர்த்தம்.

கல்யாண வீட்டு கூட்டத்தில்
"என்னங்க " என்று சத்தம் வந்தால்
எனக்கு தெரிந்தவர் வந்திருக்கிறார்
அறிமுகபடுத்தி வைக்கிறேன் வா என்று அர்த்தம்

துணிக்கடையில் நின்று " என்னங்க " என்று அழைத்தால்
அவள் தேடிய புடவை கிடைத்து விட்டது என்று அர்த்தம்

வண்டியில் செல்லும் போது " என்னங்க " என்றால்
பூக்கடை அவள் கண்ணில் பட்டதென்று அர்த்தம்.

மருத்துவமனை சென்று " என்னங்க " என்று அழைத்தால்
டாக்டரிடம் என்ன பேசவேண்டும் என்று கேட்கிறாள்
என்று அர்த்தம்.

வெளியே எட்டி பார்த்தவண்ணம் " என்னங்க " என்று
அழைத்தால் யாரோ அறியாத ஆள் வாசலில் என்று அர்த்தம்.

பீரோவின் முன் நின்று " என்னங்க " என்று அழைத்தால்
பர்ஸுக்கு வேட்டு வைக்கிறாள் என்று அர்த்தம்.

சாப்பாட்டை எடுத்து வைத்து
" என்னங்க " என்று சற்று அழுத்தத்துடன் அழைத்தால்
இப்போ சாப்பிட வர்றியா இல்லை லேப்டாப்பை உடைக்கவா என்று அர்த்தம் ........

இன்னும் உண்டு நிறைய பொருள்படும் " என்னங்க " எனும் சொல்..
======================================================
படித்ததில் பிடித்தது. அதை உங்களுக்கு இன்று அறியத் தந்துள்ளேன்.

அன்புடன்,
வாத்தியார்
வாழ்க வளமுடன்!
வளர்க நலமுடன்!

நகைச்சுவை: ஆண்களால் மறக்கமுடியாத தண்டச் செலவு எது?

நகைச்சுவை: ஆண்களால் மறக்கமுடியாத தண்டச் செலவு எது?

நகைச்சுவையை நகைச்சுவையாக மட்டும் எடுத்துக்கொள்ளுங்கள்

🔯🔯🔯🔯🔯🔯🔯🔯🔯🔯
அப்பா இங்க வந்து பாருங்களேன்...
அம்மா வச்ச குழம்பக் குடிச்சிட்டு மீனெல்லாம்
செத்துக் கிடக்குது சட்டிக்குள்ள!!

🔯🔯🔯🔯🔯🔯🔯🔯🔯🔯

யாருக்காவது குழிதோண்டவும்
மண்ணள்ளிப் போடவும் விரும்பினால்
அதை விதைகளுக்குச் செய்யுங்கள்....

🔯🔯🔯🔯🔯🔯🔯🔯🔯🔯

பிய்த்து எடுத்தாலும் பீரோவை விட்டு
வர மறுக்கும் சக்திமான் ஸ்டிக்கரில்
ஒட்டியிருக்கிறது என் பால்யம்...

🔯🔯🔯🔯🔯🔯🔯🔯🔯🔯

உச்சிக்குப் போய்விட்டால் எல்லாப்
பக்கமும் சரிவுதான்...

🔯🔯🔯🔯🔯🔯🔯🔯🔯🔯

ஆம்பளைங்க பண்ற தண்டச்செலவுல
 மறக்கமுடியாதது கல்யாணத்துக்கு
வாங்குன கோட்டு...
 எப்பப் பாத்தாலும்
எரிச்சலா வேற இருக்கும்..

🔯🔯🔯🔯🔯🔯🔯🔯🔯🔯

இனி ஒரு விவசாயி இன்னொரு
விவசாயிக்கு இப்படி கடிதம் எழுதுவார்...
"இங்கு நான் நிலத்துடன் இருக்கிறேன்,
அங்குநீ நிலத்துடன் இருக்கிறாயா என
அறிய ஆவல்"

🔯🔯🔯🔯🔯🔯🔯🔯🔯🔯

நம் புகைப்படத்தைப் பார்த்து
"ஆ!... இது யாரு!" என திகைப்பதன்
சுருக்கமே ஆதார்..

🔯🔯🔯🔯🔯🔯🔯🔯🔯🔯

ரெய்னாவுக்கு 28 வயசுதான்.
கல்யாணம் முடிஞ்சுடுச்சுன்னு
அம்மாகிட்ட சொன்னேன். அவன்
சம்பளம் எவ்வளவுன்னு டான்னு
பதிலுக்குக் கேக்கறாங்க..

🔯🔯🔯🔯🔯🔯🔯🔯🔯🔯

ஒரு உண்மையில் சமாதானம்
ஆகாமல் பல பொய்களால் சமாதானமடைபவள்
மனைவி...

🔯🔯🔯🔯🔯🔯🔯🔯🔯🔯

பிளாட்பார டிக்கெட் பத்து ரூபாய்க்கு  வாங்கியே
பிளாட்பாரத்துக்கு வந்துடுவோம் போல..!!

🔯🔯🔯🔯🔯🔯🔯🔯🔯🔯

பிளாட்பாரத்துல நின்னாதான் கட்டணம்
 10 ரூபாயாம். அப்படியே கீழ உக்காந்துட்டா
கேட்கமாட்டாங்களாம். பிச்சைக்காரன்
சொன்னான்...

🔯🔯🔯🔯🔯🔯🔯🔯🔯🔯

தொட்டாச் சிணுங்கியைத் தொட்டு
விளையாடிய குழந்தையின் கரங்கள்
இன்று தொடு திரையில் சிக்கிக் கொண்டன...

🔯🔯🔯🔯🔯🔯🔯🔯🔯🔯

ஒரு கிரகத்துக்கு விஸ்வநாதன் ஆனந்த்
ன்னு பேர் வச்சிருக்காங்களாம்...
எனக்கு
எங்கவீட்ல 'கெரகம்' ன்னு பேர் வச்சு
ரொம்ப வருஷமாச்சு...

🔯🔯🔯🔯🔯🔯🔯🔯🔯🔯

மழுங்கிப் போன அப்பாவின் கண்ணாடியை
அணிந்தபோது பூதாகரமாகத் தெரிந்தது,
எங்களுக்காகத் தொலைத்த வாழ்க்கை.!!

🔯🔯🔯🔯🔯🔯🔯🔯🔯🔯

உன் அப்பா ஏழையென்றால்
அது உன் விதி.
உன் மாமனார் ஏழையென்றால்
அது உன் இளிச்சவாய்த்தனம்...

🔯🔯🔯🔯🔯🔯🔯🔯🔯🔯

”வாத்தியார் பதிவை வலை ஏத்திறதில இன்னிக்கு ஏன் லேட்டு?”
”காலையில் போன மின்சாரம் இப்பத்தான் வந்தது ராசா!”

அன்புடன்
வாத்தியார்
===============================
வாழ்க வளமுடன்!
வளர்க நலமுடன்!