இல்லாளுக்குக் கோபம் வந்தால் என்ன ஆகும்?

+++++++++++++++++++++++++++++++++++++++++++++++
இல்லாளுக்குக் கோபம் வந்தால் என்ன ஆகும்?

அரங்கை அதிரவைக்கும் பேச்சாளர் அவர். அவர் பேசவிருக்கிறார் என்றால், நிகழ்ச்சி துவங்குவதற்கு முப்பது நிமிடங்களுக்கு முன்பாகவே அரங்கு நிறைந்துவிடும்.

அன்றும் அப்படித்தான். செமையான கூட்டம். அதாவது அரங்கு நிரம்பி வழிந்தது.

கால்பந்துப் பொட்டியில் ஆட்டம் ஆரம்பித்த மூன்றாவது நிமிடத்திலேயே லாவகமாக ஒரு கோலைப்போட்டுவிடும் ரெனால்டோவைப்போல இவரும் பேச்சின் துவக்கத்திலேயே அதிரடியாக இப்படிச் சொன்னார்:

”என் வாழ்நாளின் அற்புதத் தருணங்கள் எல்லாம் ஒரு பெண்ணின் கரங்களில் தவழ்ந்தபோது கிடைத்தன. ஆனால் அந்தப் பெண் என் மனைவி அல்ல!”

அரங்கில் இருந்தவர்கள் அதிர்ச்சிக்கு ஆளானார்கள். நிசப்தமாக இருந்தது.

தொடர்ந்து அவர் சொன்னார்: ”அந்தப் பெண் வேறு யாருமல்ல. அவர்தான் என் தாய்!”

கைதட்டல் ஒலியால், அரங்கு அதிர்ந்தது. வந்திருந்த சில பெண்களின் கண்கள் பனித்துவிட்டன!

**************

அந்தக் கூட்டத்தில் கலந்துகொண்ட ஒரு நிறுவனத்தின் மேலாளர், இதைப் போல சொல்லி தன்னுடைய மனைவியையும் அசத்த வேண்டும் என்று நினைத்துக் கொண்டார்.

கூட்டம் நடந்த அன்று இரவு, அவர் மனைவி ஊரில் இல்லாததால், ஒரு வாரம் கழித்து, அவருடைய மனைவி, திரும்பி வந்தவுடன்தான் அவரால் அதைச் செயல் படுத்தமுடிந்தது.

அவருடைய போதாத நேரம், அலுவலகத்தில் வேலை முடிந்து திரும்பும்போது, வாடிக்கையாளர் ஒருவரின் வற்புறுத்தலுக்கு இணங்கி, மூன்று லார்ஜ் சரக்கு அடித்த கையோடு, வீட்டுக்குத் திரும்பியிருந்தார்.

வந்தவுடன், தன் மனைவியுடன் பேச்சைத் துவக்கினார்:

அது சமயம் அவருடைய இல்லாள் சமையல் அறையில் இரவு உணவிற்கான வேலையில் மூழ்கியிருந்தார்.

”என் வாழ்நாளின் அற்புதத் தருணங்கள் எல்லாம் ஒரு பெண்ணின் கரங்களில் தவழ்ந்தபோது கிடைத்தன. ஆனால் அந்தப் பெண் நீ அல்ல!”

அதிர்ச்சியும், கோபமும் கொண்ட மனைவி,” ஓகோ” என்று மட்டும் சொன்னார்.

அந்த ஜோக்கின் இரண்டாவது பகுதியைத் தன் நினைவிற்குக் கொண்டுவந்து, சொல்ல முயன்றவர், 20 வினாடிகள் முயற்சித்துவிட்டு, மறந்துவிட்ட நிலையில்,” ஆனால், அந்தப் பெண் யாரென்று இப்போது சொல்லமுடியாது” என்று மட்டும் முணு முணுத்துவிட்டு, ஹாலில் உள்ள நாற்காலியில் வந்து
அமர்ந்துவிட்டார்.

அதற்குப் பிறகு என்ன ஆனது?

மனைவி கொண்டு வந்து அவர் தலை மேல் கொட்டிய வெந்நீரால், நினைவு திரும்ப ஒரு நாள் ஆயிற்று. மருத்துவ மனையில் இருந்து திரும்ப
மூன்று நாள் ஆயிற்று!
.................................................................................................................

Moral of the story...
Don't Copy if you can't PASTE

--------------------------------------------------------------------

2

தொலைக்காட்சிப் பெட்டியின் எதிரில் அமர்ந்திருந்த கணவனின் அருகே வந்த மனைவி, ஒரு இருப்புச் சட்டியை (Fry Pan ஐ) வைத்து, கணவனின் தலையில் திருஷ்டி சுற்றுவதைப் போல மூன்று முறை சுற்றிவிட்டு, அந்த
இருப்புச்சட்டியில் (Fry Pan) இருந்த சீட்டின் மீது,”த்தூ” வென்று
துப்பச் சொன்னார்.

சீட்டை எழுத்துப்பார்த்த கணவன் சற்று நமுட்டுச் சிரிப்புச் சிரித்தான்.

அதில்,”ஜென்னி” என்று எழுதப்பெற்றிருந்தது.

மனைவி சொன்னாள்:” துவைக்கும்போது பார்த்தேன்.உங்கள் பாண்ட் பாக்கெட்டில் இருந்தது”

கணவன் பதில் சொன்னான்,”அடி, பைத்தியமே, இது ரேசில் ஓடப்போகிற குதிரையின் பெயர். அடுத்தவாரம் இதன்மேல் பணம் கட்டி விளையாட வேண்டும். அதற்காகக் குறித்து வைத்திருக்கிறேன்.”

‘ஸோ, சாரி!” என்று சொல்லிவிட்டு மனைவி போய்விட்டாள்.

ஒருவாரம் ஆனது.

மீண்டும் இருப்புச் சட்டியுடன் வந்த மனைவியைப் பார்த்துக் கணவன் கேட்டான்:

“இப்போது என்ன சீட்டு?”

நச் சென்று அந்த இருப்புச் சட்டியால், அவன் மண்டை மீது ஒரு போடுபோட்ட மனைவி, போடும் முன்பாகச் சொன்னாள்.

“அந்தக்குதிரை போனில் பேசியது.”
-----------------------------------------------
இரண்டில் எது நன்றாக உள்ளது?

இது வார இறுதிப்பதிவு.
சொந்த சரக்கல்ல; இறக்குமதிச் சரக்கு. மின்னஞ்சலில் வந்தது.
மொழிமாற்றம் மட்டும் அடியேனுடையது.

அன்புடன்
வாத்தியார்




வாழ்க வளமுடன்!