நகைச்சுவை: கண்ணாளானுக்கு ஒரு கடிதம்

+++++++++++++++++++++++++++++++++++++++++++++++++
நகைச்சுவை: கண்ணாளானுக்கு ஒரு கடிதம்

ரம்ஜான் கொண்டாட்ட ஸ்பெஷல்!
மலேசிய மாணவர் ஆனந்திற்கு இந்தப் பதிவு சமர்ப்பணம்!

கண்ணாளன் என்றதும் தவறான முடிவிற்குப் போய்விடாதீர்கள்!
ஒரு அழகிய இளம் மனைவி, வெளியூர் சென்றிருக்கும் தன் கணவனுக்கு
எழுதிய மின்னஞ்சலின் தமிழாக்கம் இது.
------------------------------------------------------------------
கண்ணாளா,
எனதன்பே,
என் ஆரூயிரே!

நீங்கள் இல்லாமல் இந்த இரண்டு நாட்களில் நான் எதெதை இழுந்து
தவிக்கிறேன் - தெரியுமா?

I am missing a lot!!!!!

வானம் வானமாகத் தெரியவில்லை!
நிலவும் எனக்குச் சுடுகிறது!
மலர்கள் எனக்கு மயக்கத்தைத் தரவில்லை!
உணவைக் கண்டால் வெறுப்பாக இருக்கிறது
பஞ்சனையில் படுத்தாலும் தூக்கம் வரவில்லை

எப்போது நீங்கள் திரும்பி வருவீர்கள்?
உங்கள் வருகைக்காக வழிமேல் விழிவைத்துக் காத்திருக்கிறேன்.

நீங்கள் திரும்பிவந்து என்னை நேரில் பார்ப்பதற்குள், எனக்கு நேர்ந்த
ஒரு சிறு விபத்தை உங்களுக்குச் சுட்டிக் காட்ட விரும்புகிறேன்.

நமது பிக்கப் வண்டியில் (pickup truck) வெளியே சென்றுவிட்டுத்
திரும்பும்போது விபத்து நடந்து விட்டது.

அன்பே, மனம் பதறாதீர்கள்!

அதிர்ஷ்டவசமாக அசம்பாவிதம் எதுவும் நடக்கவில்லை! எனக்கும் காயம் எதுவும் ஏற்படவில்லை. ஆகவே என்னைப் பற்றிக் கவலைப் படாதீர்கள்.

சூப்பர் மார்க்கெட்டில் இருந்து வீட்டிற்குத் திரும்பிக் கொண்டிருந்தேன்.
வீட்டில் உள்ள ஓடு பாதையில் (driveway) வாகனத்தைச் செலுத்தும்போது, பிரேக்கை மிதிப்பதற்குப் பதிலாக, தவறுதலாக, ஆக்க்ஸிலேட்டரை
ஓங்கி மிதித்து விட்டேன்.

நமது கார் ஷெட்டின் கதவில் சிறிது ஒடுக்கு விழுந்து விட்டது. ஆனால்
எனது நல்ல நேரம், நான் ஓட்டிக்கொண்டு வந்த வண்டி, உள்ளே நின்று கொண்டிருந்த உங்கள் காரின் மேல் தாவிக் குதித்ததோடு, தானாக
நின்று விட்டது.

நடந்த நிகழ்ச்சிகளுக்கு என்னை மன்னியுங்கள்.

யாருக்கும் கிடைக்காத பொக்கிஷமாக, எனக்குக் கிடைத்த நீங்கள், உங்கள்
அன்புக்குரியவளை மன்னித்து விடுவீர்கள் என்று எனக்குத் தெரியும்!

உங்களின் இனிய உள்ளத்தை நான் எவ்வளவு நேசிக்கிறேன், உங்களுக்காக
எத்தனை தூரம் நான் உருகுவேன் என்பதும் உங்களுக்குத் தெரியும்.

உங்களுக்காக, படம் ஒன்றை அனுப்பியுள்ளேன்.

உங்களைக் கட்டித் தழுவ எனது கரங்கள் காத்துக் கொண்டிருக்கின்றன.
இல்லை துடித்துக் கொண்டிருக்கின்றன!

இப்படிக்கு,
அன்பே உருவான உங்கள் மனைவி!
-----------------------------------------------------------------
படம் கிழே உள்ளது.

v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v
v

++++++++++++++++++++++++++++++++++++++++++++++++


வாழ்க வளமுடன்!