Astrology: ஒட்டு மொத்த இந்தியாவையும் முதன் முதலில் உலுக்கிய ஆசாமி

 

 Nathuram Godse

 மே’19ல் பிறந்த இந்தியர்களின் பட்டியலில் 

நாதுராம் கோட்சேயின் பெயர்தான் முதலில் வருகிறது

---------------------------------------------------------------------------------------------------------
Astrology: ஒட்டு மொத்த இந்தியாவையும் முதன் முதலில் உலுக்கிய ஆசாமி

நேற்றுப் புதிரில் கொடுத்திருந்த ஜாதகத்தைப் பற்றிச் சில வார்த்தைகள் சொல்ல விரும்புகிறேன்.

மகாத்மா காந்திஜி என்றும், இந்தியாவின் தந்தை என்றும், அஹிம்சையால் எதையும் சாதிக்கலாம் என்றும் உலகிற்கு உணர்த்திய தியாகச் செம்மலை, இந்திய மக்களின் சுதந்திரத்திற்காகத் தொடர்ந்து ஆங்கில அரசுடன் கத்தியின்றி, ரத்தமின்றிப் போராடி வெற்றி பெற்ற மாமனிதரை, சுட்டுக் கொன்றதன் மூலம் ஒட்டு மொத்த இந்தியாவையும் முதன் முதலில் உலுக்கிய ஆசாமியின் ஜாதகம் அது.

ஆமாம். நாதுராம் கோட்சேயின் ஜாதகம் அது!

விக்கிபீடியாவில் அதைப் பற்றிய செய்திகள் நிறையக் கொட்டிக் கிடக்கின்றன! அதை எல்லாம் விவரித்து எழுதி, பழைய செய்திகளை நான் கிளறப் போவதில்லை. தெரிந்து கொள்ள விரும்பும் இளைஞர்களுக்காகவும், இளைஞிகளுக்காகவும் முக்கியமாகப் பட்ட மூன்று சுட்டிகளைக் கீழே கொடுத்துள்ளேன். விருப்பம் உள்ளவர்கள் படித்துப் பார்க்கலாம்.
1
http://en.wikipedia.org/wiki/Nathuram_Godse
2
Why Nathuram Godse killed Gandhiji
http://www.topix.com/forum/religion/sikh/TFKMKHTBH6UDQU3L9
3
Nathuram Godse's speech in court.
http://badrinath.blogspot.in/2007/04/nathuram-godses-speech-in-court.html
+++++++++++++++++++++++++++++++++++++++++++++++++++++++

நாதுராம் கோட்சேயை இந்த பாதகச் செயலுக்கு இழுத்துச் சென்ற சில கிரக அமைப்புக்களை மட்டும் இப்போது பார்ப்போம்

1. நாதுராம் கோட்சேயின் ஜாதகத்தில் ஆயுள்காரகன் சனி நீசமாகியுள்ளான். எந்த சுபக்கிரகத்தின் பார்வையும் நீசமான சனி பெறவில்லை.
19 May 1910ல் பிறந்த அவன், 15 November 1949ல் தூக்கில் தொங்கவிடப்பட்டு இறந்தான். 40 வயதைத் தொடும் முன்பாகவே அவன் ஆயுள் முடிந்து போய்விட்டது.

2. புத்திநாதன் புதன் 12ல் அதுமட்டும் அல்லாமல் அவன் ராகுவுடன் கூட்டாக உள்ளான். புதன் தனித்து இருந்தால் சுபக்கிரகம், தீய கிரகங்களுடன் கூட்டாக இருந்தால் பாவியாகிவிடுவான். புதன் சுபமாகவோ அல்லது சுபக்கிரகங்களுடன் கூட்டாகவோ இருந்தால் ஜாதகனின் புத்தி நல்ல வழியில்’ ஆக்கபூர்வமான வழியில் வேலை செய்யும். இல்லை என்றால் தீய வழியில் வேலை செய்துவிடும். லக்கினத்தையும், லக்கினாதிபதியையும் வைத்து எவ்வளவு நல்ல குணம் கொண்டவனாக ஜாதகன் இருந்தாலும், ஒரு நாள், ஒரு நாளாவது, அவனைக் கிரிமினலாக ஆக்கிவிடும். அதாவது கிரிமினல் வேலையைச் செய்ய வைத்துவிடும். அதைத் தவிர்க்கமுடியாது.

3.சுக்கிரன் உச்சம் பெற்று இருந்தாலும், அவன் விரைய ஸ்தான அதிபதி. அவன் முக்கிய கேந்திர வீட்டில் அமர்ந்து வலுப்பெற்று ஜாதகனின் வாழ்க்கையை விரையம் செய்து விட்டான்.

4. சூரியன் 12ல் இருந்தால் அரசிற்கு எதிரான காரியங்களைச் செய்ய நேரிடும். அரச தண்டனையைப் பெற நேரிடும். அதே நிலையில் உள்ள சூரியன் சுபக் கிரகங்களின் பார்வையைப் பெறவில்லை. மாறாக ராகுவின் கூட்டணியோடு இருக்கிறான். அதனால்தான் ஜாதகனுக்கு உச்ச தண்டனையான தூக்கு தண்டனை கிடைத்தது.

5. லக்கினத்தில் இருந்த செவ்வாயின் பார்வை மனகாரகன் சந்திரனின் மேல் விழுவதைப் பாருங்கள். அது அவனுக்கு அசாத்திய மன உணர்வுகளைக் கொடுத்தது. அவன் ஒன்றும் கொலையைத் தொழிலாகக் கொண்டவன் அல்ல. இந்த அசாத்திய, இயற்கைக்கு மாறான மன உணர்வுதான் அவனைக் கொலை செய்ய வைத்தது,

6. அவன் ஜாதகத்தில் கஜ கேசரி யோகம் உள்ளது. அது ஏன் அவனைக் காப்பாற்றவில்லை? அதே கஜகேசரி யோகம் காந்திஜியின் ஜாதகத்திலும் உள்ளது. அது ஏன் அவரைத் தப்பிக்க வைத்துக் காப்பாற்றவில்லை?

இருவர் ஜாதகத்திலுமே அந்த யோகம் அடிவாங்கிக் கெட்டுப்போய் உள்ளது. அது பற்றி இன்னொரு நாள் விரிவாகப் பார்ப்போம்

அன்புடன்
வாத்தியார்
+++++++++++++++++++++++++++++++++++++++
 வாழ்க வளமுடன்!
வளர்க நலமுடன்!