குண்டு ஒன்னு வச்சிருக்கேன்!

++++++++++++++++++++++++++++++++++++++++++++++++++++++++
குண்டு ஒன்னு வச்சிருக்கேன்!

இருபது ஆண்டுகளுக்கு முன்பு (1990) ‘அரங்கேற்றவேளை’ என்ற பெயரில் ஒரு நகைச்சுவை/சஸ்பென்ஸ் படம் வந்தது அனைவருக்கும் நினைவிருக்கலாம். பிரபு, ரேவதி, வி.கே ராமசாமி, ஜனகராஜ் ஆகிய நால்வரும் கலக்கியிருப் பார்கள். இயக்குனர் பாசிலின் படம்.

அதில் பிரபு பாடுவதாக வரும் பாடல் ஒன்று மிகவும் பிரசித்தம். பாடகர் மனோ அனாசயமாகப் பாடியிருப்பார். பாடலைக் கீழே கொடுத்துள்ளேன்.

“குண்டு ஒன்னு வச்சிருக்கேன்
வெடிகுண்டு ஒன்னு வச்சிருக்கேன்
கன்னிவெடி வச்சிருக்கேன்
என்கண்ணில் திரி வச்சிருக்கேன்........"
+++++++++++++++++++++++++++++++++++++++++++
அதுபோல நானும் ஒரு குண்டு வைத்திருக்கிறேன். அது வெடிக்கும் குண்டு அல்ல. வார்த்தைகளில் அழுத்தத்தைக் கொடுத்து, தாகக்கத்தை ஏற்படுத்தும் குண்டு.

சில சமயங்களில் அதுபோன்ற குண்டைப் பயன்படுத்துவேன். இந்தப் பதிவில் அதைப் பயன்படுத்தியுள்ளேன். தொடர்ந்து படியுங்கள்.
+++++++++++++++++++++++++++++++++++++++++++
புத்தகங்கள் அச்சுக்குத் தயாராகிக்கொண்டிருக்கின்றன. இரண்டு அல்லது மூன்று பகுதிகள் வெளிவரவுள்ளன. ஒவ்வொன்றிலும் முதல் பதிப்பில் ஆயிரம் பிரதிகள் மட்டுமே அச்சிடப்படும் (அதுதான்  பதிப்பகத்தாரின் வழக்கத்தில் உள்ளது).

புத்தகங்கள் அச்சான பிறகுதான் பக்கங்கள், விலை விவரம் தெரிய வரும். முறையான அறிவிப்பு தனி இடுகையாக, படங்களுடன், பதிவில் வெளியாகும். விருப்பமுள்ளவர்கள் மட்டும் வாங்கிக்கொள்ளலாம்.

அச்சாகி வரும் பிரதிகள் - கீழ்க்கண்டபடி விநியோகிக்கப்படும்:

1. பயிற்சி வகுப்பில் பயின்று வரும் மாணவக் கண்மணிகளுக்கு முன்னுரிமை = 30 பிரதிகள்
2. வாத்தியாரின் உறவினர்கள், நெருங்கிய நண்பர்கள் ஆகியோருக்கு   = 70 பிரதிகள்
3. வகுப்பறை மாணவர்களுக்கு (Those who are in the followers List)   = 900 பிரதிகள்

பதிவேட்டின்படி வகுப்பறையில் இன்று 1,855 மாணவர்கள் உள்ளார்கள். அவர்களில் எத்தனை பேர்கள் இந்தப் புத்தகங்களின் மேல் விருப்பமாக உள்ளார்கள், அவற்றை வாங்குவார்கள் என்று தெரியாத நிலை உள்ளது.
900 பிரதிகளுக்குக் குறைவான எண்ணிக்கையிலே தேவைப்பட்டால் பிரச்சினை ஒன்றும் இல்லை. ஆனால் அதற்குமேற்பட்ட எண்ணிக்கையில் தேவை இருக்குமானால் என்ன செய்வது? யாருக்குக் கொடுப்பது? யாரை விடுவது?

ஆகவே அதற்கு ஒரு வழிமுறை வைத்திருக்கிறேன். நான் முன்பதிவுகளில் கேட்டுக்கொண்டுள்ளபடி தங்கள் சுய விவரங்களை அனுப்பியுள்ளவர்கள், அனுப்பப்போகிறவர்களுக்கு மட்டுமே முன்னுரிமை அளிக்கப்படும். புள்ளி விவரத்திற்காக தங்களுடைய சுய விவரத்தைத் தெரிவித்துள்ளவர்கள், தங்களுக்குப் புத்தகங்கள் வேண்டாம் என்றால், அவர்கள் கட்டாயப் படுத்தப்பட மாட்டார்கள்.  அதாவது First cum First Basisல் 900 பேர்களுக்கு மட்டுமே புத்தகங்கள் வழங்கப்பெறும். அதற்கு அதிகமான எண்ணிக்கையில் கோரிக்கை வந்தால், அவர்கள் புத்தகங்களின் இரண்டாம் பதிப்பு வரும் வரையில் காத்திருக்க நேரிடும். அது அடுத்த ஆண்டு ஏபரல் மாதத்திற்குப் பிறகுதான் சாத்தியப்படும்.

ஆகவே அதை மனதில் கொண்டு, தங்கள் சுய விவரத்தைப் பதிவு செய்யும்படி அனைவரும் கேட்டுக் கொள்ளப்படுகிறார்கள்.

புள்ளிவிவரத்திற்காக இதுவரை தங்கள் சுயவிவரத்தைத் தெரிவித்தவர்கள் சுமார் 300 பேர்கள் மட்டுமே. அவர்கள் அனைவருக்கும் முன்னுரிமை உண்டு. அவர்கள் இது விஷயமாக மின்னஞ்சல் எதுவும் அனுப்ப வேண்டாம்.

புள்ளிவிவரத்திற்காக தங்களுடைய சுயவிவரங்களை இதுவரை அனுப்பாதவர்கள், அனுப்பிவைப்பது அவர்களுக்கு நல்லது. வாத்தியாருக்கும் நல்லது. வகுப்பறைக்கும் நல்லது. வரப்போகும் புத்தகத்திற்கும் நல்லது.

ஆகவே இதை உணர்ந்து செயல்படுவது உங்களுக்கும் நல்லது!

என்ன சுயவிவரம் என்பது முன் பதிவில் உள்ளது. அதற்கான சுட்டி இங்கே உள்ளது!

++++++++++++++++++++++++++++++++++++++++++++++

வாத்தியார் வெளியூர்ப் பயணம். இரண்டு நாட்கள் வகுப்பறைக்கு விடுமுறை. அடுத்த வகுப்பு 12.10.2010 செவ்வாய்க்கிழமை காலை, நல்ல இடுகை ஒன்றுடன்,  துவங்கும்.

அனைவருக்கும் நன்றி, வணக்கத்துடன்,
வகுப்பறை வாத்தியார்
++++++++++++++++++++++++++++++++++



வாழ்க வளமுடன்!