Humour,நகைச்சுவை: செக்ஸைப் பற்றி என்னடா சொன்னாள் செண்பகவல்லி?

Humour,நகைச்சுவை: செக்ஸைப் பற்றி என்னடா சொன்னாள் செண்பகவல்லி?

தலைப்பில் வரும் ‘டா’ வைப்பற்றிக் கவலைப் படாதீர்கள். அதை எனக்காக நானே எழுதிக்கொள்வது. அப்போதுதான் எழுத்தில் ஒரு விறுவிறுப்பும், சுவாரசியமும் உண்டாகிறது!

இன்றையப் பதிவு நகைச்சுவைக்காகப் பதிவிடப்பெற்றுள்ளது. சீரியசான, உம்மன்னா மூஞ்சி ஆசாமிகள் எல்லாம் பதிவை விட்டு விலகவும். மற்றவர்கள் தொடரவும்!!!!.

ஜோதிடம், ஆன்மீகம் என்று தொடர்ந்து படித்துக்கொண்டிருந்தால், வாழ்க்கை வறண்டு போய் விடாதா? ஒரு மாறுதலுக்காகத்தான் இந்தப் பதிவு.

அத்துடன் இந்தப் பதிவு நமது கணக்காய்வாளர் மலேசியா ஆனந்த் அவர்களுக்குச் சமர்ப்பணம்! அவர்தான் அடிக்கடி நகைச்சுவை மிஸ்ஸாவதைச் சுட்டிக் காட்டிக்கொண்டிருப்பார்.

என்னுடைய பல்சுவை வலைப்பூவில் நிறைய நகைச்சுவைக் கட்டுரைகளையும் கதைகளையும் எழுதியுள்ளேன். வகுப்பறைப் பதிவு துவங்கியதில் இருந்து அது குறைந்துவிட்டதை நானும் உணர்கிறேன். அதற்காக பல்சுவைப் பதிவை தொடரமுடியாது. அதை முடக்கி வைத்திருக்கிறேன். நேரமின்மைதான் காரணம்.

சரி வாருங்கள், பதிவைப் பார்ப்போம்!
--------------------------------------------------------
1
கணவனும் மனைவியும் காரில் பயணித்துக்கொண்டிருந்தார்கள். தங்கள் இருப்பிடத்தை விட்டு 100 கிலோ மீட்டர் தூரம் தாண்டிவிட்டார்கள். ஆறுவழி நெடுஞ்சாலையில் கார் பறந்து கொண்டிருந்தது.

தீவிர சிந்தனையில் இருந்த மனைவி, கவலை மேம்படச் சொன்னாள்:

“நாம் திரும்புவதற்குள் வீட்டிற்கு என்ன நேருமோ தெரியவில்லை!”

“ஏன் என்ன ஆயிற்று?” இது கணவன்.

மனைவி தொடர்ந்து சொன்னாள். “காலையில் உங்கள் சட்டையை அயர்ன் பண்ணியவள், மற்ந்து போய் அயர்ன் பாக்ஸை off  செய்யாமல், அப்படியே மேஜை மேல் வைத்துவிட்டு வந்துள்ளேன்”

“ஒன்றும் ஆகாது கவலையை விடு!”

“எப்படிச் சொல்கிறீர்கள்?”

“குளியலறையில் பாத் ட்ப்பிற்கு வரும் தண்ணீர்க் குழாயை நானும் மூடாமல் வந்திருக்கிறேன் I forgot to turn off the water in the bathtub!"
---------------------------------------------------------------------
2
அடுத்து வருவது சுத்தமான அசைவப் பதிவு. அதாவது அசைவமான நகைச்சுவை. அசைவம் பிடிக்காதவர்கள் நிச்சயமாக இந்த இடத்துடன் பதிவை விட்டு விலகிவிடலாம்

V

V

V

V

V

V

V

V

V

V

V

V

விதி யாரை விட்டது...தொடருங்கள்!

செண்பகவல்லி ஒரு வித்தியாசமான பெண்மணி (எச்சரிக்கைக்காக இதைத் துவக்கத்திலேயே சொல்லி விட்டேன்) பொறியியற் படிப்பு, நுனி நாக்கு ஆங்கிலம், ஷில்பா செட்டி போன்ற தோற்றம். மொத்தத்தில் அசத்தலான பெண்! அவள் கணவன் செண்பகராமனும் (என்ன ஒரு பெயர்ப் பொருத்தம் பாருங்கள்) அசத்தலான ஆசாமிதான்.

இருவரும் பெங்களூரில் வாசம் செய்கிரார்கள். ஒரு பன்னாட்டு நிறுவனத்தில் வேலை, இருவருக்கும் ஆறு இலக்கத்தில் சம்பளம். மடிவாலாவில் ஒரு சொகுசான அடுக்கு மாடிக்குடியிருப்பில் வீடு. எலக்ரானிக் சிட்டியில் வேலை. ஆளுக்கொரு செவர்லே ஸ்பார்க் வண்டி. வாழ்க்கை ரம்மியமாக ஓடிக்கொண்டிருந்தது.

வாரக் கடைசி. தினம். வழக்கம்போல கணவனும் மனைவியும் சேர்ந்து அன்றைய விடுமுறையை ‘தண்ணி’ அடித்து மகிழ்ச்சிகரகமாகக் கொண்டாடிக் கொண்டிருந்தார்கள் செண்பகராமனுடைய சாய்ஸ் எப்போதும் கவியரசர் சொன்னது போல விஸ்கி வித் வாட்டர்.  செண்பகவல்லிக்கு ஜின் வித் லெமனேடு.கணவனுக்கு இரண்டு பெக் அதிகமாகிவிட்டது. மனைவி ஸ்டெடியாக இருந்தாள்.

அவர்களுடைய பேச்சு செக்ஸைப் பற்றித் திரும்பியது. முதலில் சாதாரணமாகத் துவங்கியது, பிறகு வாக்குவாதமாக மாறியது.

கணவன் ஆணித்தரமாக அடித்துச் சொன்னான் “செக்ஸில் அதிகமாக மகிழ்வதும், அனுபவிப்பதும் (enjoyment) ஆண்கள்தான். பெண்கள் சும்மா டம்மி. What is the use in getting laid?

மனைவி மறுத்துச் சொன்னாள்: “பெண்களைப் பற்றிய உங்கள் கருத்துத் தவறானது. பெண்கள்தான் அதிகமாக ஆனந்தமடைவார்கள். யோசித்துப் பாருங்கள்”

கணவன் மீண்டும் மறுத்து வாக்குவாதம் செய்ய, மனைவி அதிரடியாக ஒரு பதிலைச் சொல்லி, அவனுடைய வாயை அடைத்ததுடன். பெண்கள்தான் செக்ஸில் அதிகம் இன்பம் அடைவார்கள் என்பதை ஒரு அற்புதமான உதாரணத்துடன் விளக்கி நிரூபணம் செய்தாள்.

என்ன சொலியிருப்பாள் செண்பகவ்ல்லி?

அதை இங்கே சொல்ல முடியாது. சைவ மாணவர்கள் போர்க் கொடி தூக்கிவிடுவார்கள். உங்களுக்கு அதைத் தெரிந்து கொள்ள ஆவல் என்றால், வகுப்பறையை விட்டு வெளியே வாருங்கள். அதாவது என் மின்னஞ்சல் முகவரிக்கு வாருங்கள். பதில் கிடைக்கும். அத்துடன் உபரியாக இன்னொரு ப்ளேட் அசைவ நகைச்சுவையும் கிடைக்கும்

வாத்தியாரின் மின்னஞ்சல் முகவரி: classroom2007@gmail.com -  Subject boxல் மறக்காமல் Post dated 4.4.2013 என்று குறிப்பிடுங்கள்

அன்புடன்
வாத்தியார்

வாழ்க வளமுடன்!
வளர்க நலமுடன்!
+++++++++++++++++++++++++++++++++++++++++++==