ஏண்டா வேண்டாமின்ன கிரகம் புடிச்சவனே?

ஏன்டா வேண்டாமின்ன கிரகம் புடிச்சவனே?
-------------------------------------------------
1
"டேய் மண்டையா, அங்க என்னடா லோலாயி?”

“நீங்க திடீர்ன்னு செத்துப்பொய்ட்டா, அன்னி என்ன செய்யும்னு
தெரிஞ்சுக்கிறதுக்காக போய்க் கேட்டேன்”

“அந்தக் கருமாந்திரம் புடிச்சவ என்னடா சொன்னா?”

“அவங்க தங்கச்சியோட போயி தங்கிருவாங்களாம்!”

“ஓஹோ”

“இப்ப அதே கேள்விய உங்ககிட்ட கேக்கிறேன் - அன்னி திடீர்ன்னு செத்துப்பொய்ட்டா நீங்க என்ன பண்ணுவீங்க?”

“இதில யோசனை பண்றதுக்கு என்னடா இருக்கு? நானும் சந்தோஷமாப்
போயி அவ தங்கச்சியோட தங்கிருவேன்டா!”
--------------------------------------------------------
2
”டேய் மண்டையா?”

”என்ன அண்ணே?”

”அந்த சைக்கிள் கடைக்காரன் பொண்ணு வந்து உன்னிய லவ்ஸ்
பண்றேன்னு சொன்னுச்சாமே?”

”ஆனா, நான் வேண்டாம்ன்னு சொல்லிட்டேன்”

”ஏண்டா வேண்டாமின்ன கிரகம் புடிச்சவனே?”

”எங்க வீட்டில எல்லோருக்கும் சொந்தத்திலதாண்ணே கண்ணாலம்
ஆகியிருக்கு அதனால் வேண்டாம்னு சொல்லிட்டேன்”

”எல்லோருக்குமே சொந்தத்திலேயா? அதிசயமாயிருக்கேடா!”

”ஆமாண்ணே, எங்க அப்பா எங்க அம்மாவைத்தான் கட்டிக்கிட்டாரு.
எங்க அத்தை மாமாவைத்தான் கட்டிக்கிட்டிருக்கு. அதைவிடுங்க
எங்க அண்ணி எங்க அண்ணனைத்தான் கட்டிக்கிட்டிருக்கு!”
-------------------------------------------------------------------
3
ஒரு பள்ளி ஆசிரியர் தன்னுடைய உந்து வண்டியில் (CYCLE) பக்கத்திலிலுள்ள கிராமத்திற்குச் சென்று கொண்டிருந்தார்

அந்தக் கிராமத்தின் நுழைவாயிலில் கேட்பாரற்றுக் கிடந்த பாழும் கிணற்றின் கைப்பிடிச்சுவற்ரில் ஒருவன் உட்கார்ந்து கொண்டு "டொன்ட்டியெய்ட்" - "டொன்ட்டியெய்ட்" என்று கத்திக் கொண்டிருந்தான்.

ஆசிரியரின் போதாத நேரம், அவர் அதைக்கண்டு கொள்ளாமல் சும்மா போயிருக்கலாம். அனால் அவர் அப்படிப்போகவில்லை .

தன்னுடைய சைக்கிளை ஸ்டாண்ட் போட்டு நிறுத்தியவர்,
அவன் மனனோயாளி என்பது தெரியாமல், அவன் அருகில் சென்று மெதுவாகக் கேட்டார்.

"ஏன் சொன்னதையே திரும்பத் திரும்பச் சொல்லிக் கத்திக் கொண்டிருக்கின்றாய்?"

"நான் ஒன்னும் கத்தவில்லை - மறந்து விடக்கூடாது என்பதற்காகத் திரும்பத் திரும்பச் சொல்லிக் கொண்டிருக்கிறேன்"

"ஏன் டொன்ட்டியெய்ட்டிற்கு மேலே உனக்கு ஒன்றும் தெரியாதா?"

இந்த இடத்தில் ஒன்றும் சொல்லாமல் ஆசிரியரை உற்றுப்பார்த்த, ஆஜானுபகவான தோற்றத்தைக் கொண்ட அவன், எழுந்து நின்றான் எழுந்து நின்றவன், மின்னல் வேகத்தில் செயல்பட்டு, ஆசிரியரைத் தன் தலைக்கு மேலே தன்னுடைய இரண்டு கைகளாலும் தூக்கிப் பிடித்தான்

இப்போது ஆசிரியர் தன்னை மறந்து "டேய், விடுடா, விடுடா!" என்று கத்த ஆரம்பித்தார்.

அவன் விட்டானா?

இல்லை! அதே அசுர வெகத்தில் ஆசிரியரைக் கொண்டுபோய் அந்தக் கிணற்றில் போட்டான்

மீண்டும் அதே இடத்திற்கு வந்து அமர்ந்தவன், அமைதியாகச் சொல்ல ஆரம்பித்தான்.

"டொன்ட்டிநைன்,டொன்ட்டிநைன்,டொன்ட்டிநைன்.........,,,,,,,,,,,,,,,,,,,,!"
============================================================
மூன்றில் எது பெஸ்ட் கண்ணா பெஸ்ட்?

அன்புடன்
வாத்தியார்

வாழ்க வளமுடன்! வளர்க நலமுடன்!