பழத்தைப் பனித்தலையர் ஏன் தரவில்லை?

++++++++++++++++++++++++++++++++++++++++++++++++++++++++
பழத்தைப் பனித்தலையர் ஏன் தரவில்லை?

இன்று தைக் கார்த்திகை. எங்கள் பகுதியில் உள்ள அத்தனை முருகன் கோவில்களிலும், இன்று முருகனுக்கு அபிஷேகம், ஆராதனை,
அன்னதானம் நடைபெறும். தேவகோட்டையில் உள்ள எங்கள் பங்காளிகளுக்குச்சொந்தமான முருகன் கோவிலில் இன்று காலையில் அபிஷேகமும், மதியம் 12 மணிக்கு அன்னதானமும்  நடைபெறவுள்ளது. இன்றைய கட்டளை எங்கள் வீட்டைச் சேர்ந்தது. அதை நடத்திவைப்பதற்காக என் சகோதரர்கள் மூவரும் சென்றுள்ளார்கள். அதீத வேலையின் காரணமாக நான் மட்டும் செல்ல வில்லை. இங்கிருந்தவாறே முருகனுக்கு என்னுடைய பிரார்த்தனை களை செலுத்திவிடுவேன்.

பழநி அப்பன் என் நண்பன். என் நிலைமை அவனுக்குத் தெரியும். கோபித்துக்கொள்ளமாட்டான். அவனுக்கும்  என்னைப்போலவே
Take it easy policy தான். இல்லாவிட்டால் அவன் எப்படி என்னுடைய நண்பனாக  இருக்க முடியும்?
+++++++++++++++++++++++++++++++++++++++++++++++++++++++++++++++++++++
ஞானப் பழத்தைப் பிழிந்து
ரசமன்பினொடு நாமுண்ணவும் கொடுத்த முருகா..!
 
நீ ப்ரணவ ஞானப் பழத்தைப் பிழிந்து
ரசமன்பினொடு நாமுண்ணவும் கொடுத்த நல்ல குருநாதன்..!

உனக்கென்ன விதம் இக்கனியை நாமீவது
என்று நாணித்தான் முருகா!
 
நீ ப்ரணவ ஞானப் பழத்தைப் பிழிந்து
ரசமன்பினொடு நாமுண்ணவும் கொடுத்த  நல்ல குருநாதன்!

உனக்கென்ன விதமிக்கனியை நாமீவது
என்று நாணித்தான் அப்பனித் தலையர் தரவில்லை...!

முருகா நீ ப்ரணவ ஞானப் பழத்தைப் பிழிந்து
ரசமன்பினொடு நாமுண்ணவும் கொடுத்த நல்ல குருநாதன் நீ!
 
உனக்கென்ன விதமிக்கனியை நாமீவததென்று நாணித்தான்
அப்பனித் தலையர் தரவில்லை...!
 
அப்பனித் தலையர் தரவில்லையாதலால்
முருகா உனக்குச் சாருமொரு பிழையில்லையே..!
 
சக்தி வடிவேலொடும் தத்து மயிலேறிடும் ஷண்முகா
சக்தி வடிவேல் வடிவேல் வேல்...
சக்தி வடிவேலொடும் தத்து மயிலேறிடும் ஷண்முகா
உனக்குக் குறையுமுளதோ?
முருகா உனக்குக் குறையுமுளதோ?
 
ஏனிப்படிக் கோவணத்தொடும் தண்டு கொண்டிங்குற்றோர் ஆண்டியானாய்?
முருகா நீ...
ஏனிப்படிக் கோவணத்தொடும் தண்டு கொண்டிங்குற்றோர் ஆண்டியானாய்?
 
எமது வினை பொடிபடவும் அல்லவோ வந்து நீ இப்படி இங்கு இருக்கலாம்..!
என் ஆசான் அப்பன் அம்மையாம் என்னவும் எண்ணினேன்
தருவையரு பழனி மலையில்
சந்ததம் குடிகொண்ட சங்கரான் கும்பிடும் என் தண்டபாணி..!
தண்டாபாணி தண்டபாணி தண்டபாணித் தெய்வமே..!
 
பழம் நீயப்பா! ஞானப் பழம் நீயப்பா!! தமிழ் ஞானப் பழம் நீயப்பா..!!!
பழம் நீயப்பா! ஞானப் பழம் நீயப்பா!! தமிழ் ஞானப் பழம் நீயப்பா..!!!
 
சபைதன்னில்
திருச்சபைதன்னில் உருவாகி புலவோர்க்குப் பொருள் கூறும்
பழனீயப்பா ஞானப் பழம் நீயப்பா! தமிழ் ஞானப் பழம் நீயப்பா..!!
 
கண்ணொன்றில் கனலாய் வந்தாய்!
நெற்றிக் கண்ணொன்றில் கனலாய் வந்தாய்!
ஆறு  கமலத்தில் உருவாய் நின்றாய்!
கார்த்திகைப் பெண்பால் உண்டாய்!
திருக்கார்த்திகைப் பெண் பாலுண்டாய்!
உலகன்னை அணைப்பாலே
திருமேனி ஒரு சேர்ந்த தமிழ் ஞானப் பழம் நீயப்பா..!
 
ஊருண்டு பேருண்டு உறவுண்டு சுகமுண்டு 
உற்றார் பெற்றாரும் உண்டு..!
நீருண்ட மேகங்கள் நின்றாடும் கயிலையில் 
நீ வாழ இடமும் உண்டு!
தாயுண்டு! மனம் உண்டு..!!
தாயுண்டு! மனம் உண்டு..!
அன்புள்ள தந்தைக்கு தாளாத பாசம் உண்டு
 
உன் தத்துவம் தவறென்று சொல்லவும்
ஒள்வையின் தமிழுக்கு உரிமை உண்டு ..!
 
ஆறுவது சினம் கூறுவது தமிழ்.. அறியாத சிறுவனா நீ?
மாறுவது மனம் சேருவது இனம்.. தெரியாத முருகனா நீ?
 
ஏறு மயிலேறு..! ஈசனிடம் நாடு..!!
இன்முகம் காட்டவா நீ..!!!
ஏற்றுக் கொள்வார்.. கூட்டிச் செல்வேன்..
என்னுடன் ஓடி வா நீ..!
என்னுடன் ஓடி வா நீ..!
- பாடிப்பரவசப் படுத்தியவர் கே.பி.சுந்தராம்பாள்
பாடலைக் கேட்டு மகிழ்வதற்கான சுட்டி இங்கே உள்ளது!




வாழ்க வளமுடன்!