ஊக்கு விற்பவன் எப்போது தேக்கு விற்பான்?

ஊக்கு விற்பவன் எப்போது தேக்கு விற்பான்?

ஊக்குவித்தால்
ஊக்கு விற்பவனும்
தேக்கு விற்பான்!
-கவிஞர் வாலி
_______________________________________
வகுப்பறை மாணவர்களின் வலைப் பூக்கள் - பகுதி 1

புதிய பகுதி!

நமது வகுப்பறைக்கு இருபது வயது மலர்களும் வருகின்றன.
அறுபதைக் கடந்த கனிகளும் வருகின்றன. அத்துடன் அவர்களும் வலைபதிவுகளில் எழுதி வருகிறார்கள். ஊக்குவிற்கும் பொருட்டு
இங்கே அவர்களை அறிமுகப்படுத்த உள்ளேன்.

துவக்கமாக, பொள்ளாச்சி திரு.கே. நடராஜன் அவர்களை 
அறிமுகம்  செய்வதில் மகிழ்வு கொள்கிறேன்!

++++++++++++++++++++++++++++++++++++++++++++++++++

+++++++++++++++++++++++++++++++++++++++++++++++++++++++
அன்பர் கே.நடராஜன் அவர்கள் நாச்சிமுத்து பாலிடெக்னிக்கில் 1967ல் டிப்ளமோ படித்து 4 ஆண்டுகள் ஏபிடி நிறுவனத்தில் பணி புரிந்து பின்பு பொறியியல் பட்டப் படிப்புடன் தமிழ் நாடு போக்குவரத்து கழகத்தில் பணி புரிந்து ஓய்வு பெற்று மீண்டும் ஏ.பி.டி மருதியில் பயிற்சி மேலாளராக 4 ஆண்டுகள் பணி புரிந்து தற்போது ஓய்வை அணுபவித்து வருகிறார்.

படித்த அறிவோடு பட்ட அறிவையும் இனைத்து இனைய தளத்தில் எழுதிவருகிறார். அதன் முகவரி
http://knsm-natarajan.blogspot.com/
++++++++++++++++++++++++++++++++++++++++++++
உங்களின் பார்வைக்கு அவருடைய ஆக்கங்களில் இரண்டைக் கீழே கொடுத்துள்ளேன்
++++++++++++++++++++++++++++++++++++++++++++

1.அகக்கருவிகள்

மனிதன் இரட்டைகளில் ஒன்றை காலத்திற்கு தக்கவாறு பற்றிக்கொண்டு வாழ்பவன். இரட்டைகளில் உதரணத்திற்காக சில, நல்லது-கெட்டது; உள்ளே-வெளியே; முடியும்-முடியாது இது போன்றவைகள். நாம் ஒரு வேலையை செய்ய சிலகருவிகள் பயண்படுகிறது. இக்கருவிகளையும், உட் கருவிகள், புறக்கருவிகள் என வகைப்படுத்தலாம். உட்கருவிகளை அந்தக்கரணங்கள் என்றும், புறக்கருவிகளை ஐம்புலங்கள் என்றும் குறிப்பிடப்படுகிறது. ஐம்பொறிகளை பயண்படுத்தி ஒருவர் என்ன வேலையை செய்கிறார் என சொல்லமுடியும். ஆனால் உட்கருவிகளாகிய அந்தக்கரணங்களைப் பயண்படுத்தி என்னசெய்கிறார் என சொல்ல இயலாது. ஆனால் இந்த உட்கருவிகள்தான் மனிதனின் முன்னேற்றத்திற்கு முக்கியமான கருவிகள்.

சுருக்கமாக அதை இங்கு பார்ப்போம்.விவாதம் எனவரும் போது இந்தபதிவு எல்லோர்க்கும் நன்கு பயன்படலாம். மனம், சித்தம், புத்தி, அகங்காரம் என்பன அந்தக்கரணங்கள் எனப்படும் அகக்கருவிகளாகும். மனம் பற்றிக்கொள்ளும் தன்மையது. சித்தம் சிந்திக்கத்தான் செய்யும். புத்தி முடிவை மாத்திறமே எடுக்கும். இந்த ஒழுங்குமுறை நம் புற வாழ்வில் ஏன் அமைவதில்லை? மனம் நல்லதை பற்றிக் கொள்ளும் சூழ்நிலை அமைந்தால் அதைப்பயன்படுத்தி சிந்தித்து இது எனக்கு உகந்தது என முடிவெடுத்து அவ்வாறே வாழக்கற்றுக் கொள்ள வேண்டும். கற்றது மாத்திறம் அல்லாது அதை செயல் படுத்தும் போது ஒரு வேளை நம் மனம் பற்றிக்கொண்டது சரி அல்ல என தெறிய வந்தால் மீண்டும் சிந்தித்து மற்றவர்களையும் கலந்து ஆலோசித்து உண்மையைப் பற்றிக்கொண்டு வாழ்வை நெறிப்படுத்திக்கொள்ள வேண்டும்.கீழே கொடுத்துள்ள திருமந்திறப் பாடலையும் பாருங்கள்.

உற்றறி வைந்தும் உண்ர்ந்தறி வாறேழுங்
கற்றறி வெட்டும் கலந்தறி வொன்பதும்
பற்றிய பத்தும் பலவகை நாழிகை
அற்றறி யாது அழிகின்ற வாறே.

அறிவை வளர்க்கும் வழிகளை திருமூலர் அற்புதமாக இங்கு விளக்கியுள்ளார்.

1. ஐம்புலங்களால் அறியப்படுவது - ஐந்து
2. ஐந்தையும் வேறாக அறியப்படுவது - ஆறு
3. நலனையும் தீதையும் ஆராய்வது - ஏழு
4. கல்வியால் பெறுவது - எட்டு
5. அனுபவம் பெறுவது - ஒன்பது
6. இவைகளுக்கு எல்லாம் பதி ஞானம் - பத்து

ஐந்த பலவகையானதை (பதி ஞானம்) அற்றறியாது அழிகின்ற காரணம் தான் மீண்டும் மீண்டும் பிறப்பெடுப்பது. மாணவர்களே பதி ஞானம் தானாக வருவது ஆகவே நான்கு வகையான அறிவை கல்வி நிலையங்களிலும் ஐந்தாது அறிவை தொழிலை மேற்க்கொள்ளும் போதும் பெற்று பின்பு நல்ல காரியங்களில்யீடுபாடு கொண்டு காத்திருக்க கற்றுக்கொள்ளுங்கள். இந்த பத்தையும் பெற்றாலே பதினாறையும் பெற்று பெறுவாழ்வு பெற்ற மற்றவர்கள் வாழ்த்துவார்கள்.
++++++++++++++++++++++++++++++++++++++++++++
2

ஐந்தும் முன்றும் எட்டல்ல

சித்தர் சொன்னது

ஐந்தும் மூன்றும் எட்டாதாம் அனாதியான மந்திரம்
நெஞ்ச்சிலே நினைத்துக் கொண்டு நீருருச் செப்பிரேல்
பஞ்சமா பாதகங்கள் நூறுகோடி செய்மயினும்
பஞ்சுபோல் பறக்கும் என்று நான்மறைகள் பன்னுமே

வாமனன் மகாபலியிடம் கேட்ட வரம் மூன்றடி நிலம். மூன்றாவது எட்டிலே ஆதியும் அந்தமும் கானாத நிலை. ஐந்தெழுத்து மந்திரமான நமசிவாய என்னும் மந்திரமும் அனாதியான மந்திரம். காலங்களையும் எண்களையும் கடந்த இறைவனுக்கு தலைப்பு பொருந்தும் தானே. நமசிவாய என்னும் மந்திரத்தை நீருருச் செப்பினால் நான்மறைகள் சொல்வது என்ன தெறியுமா? பஞ்சமா பாதகங்கள் நூறுகோடி செய்மயினும்பஞ்சுபோல் பறக்கும்

யானே பொய் என்நெஞ்சும் பொய் என் அன்பும் பொய்
ஆனால் வினையேன் அழுதால் உன்னைப் பெறலாமே
தேனே அமுதே கரும்பின் தெளிவே தித்திக்கும்
மானே அருளாய் அடியேன் உனை வந்து உறுமாறே. 
---திருவாசகம்

திருவாசகமும் இதைதானே சொல்லுகிறது. யானே பொய் என்நெஞ்சும் பொய் என்றால் ஐந்தும் மூன்றும் எட்டு என்று சொல்வது மாத்திறம் எப்படி உண்மையாக இருக்க முடியும். சித்தம் போன போக்கு சிவன் போக்கு என்பது சரியாகத்தானே உள்ளது.

நீருற செப்புதல் - அழுதால்

மேலும் படிக்க: அவருடைய வலைப்பூவைக் குறித்து  வைத்துக் (Book Mark) கொள்ளுங்கள்

அதன் முகவரி: Link

-----------------------------------------------
அன்புடன்
வாத்தியார்

வாழ்க வளமுடன்!