கரும்பலகையில் வாத்தியார் கிறுக்கி வைத்தவை!

+++++++++++++++++++++++++++++++++++++++++++++++
கரும்பலகையில் வாத்தியார் கிறுக்கி வைத்தவை!

தலைப்பு: இருளும் ஒளியும்

ஒளி நிலைக்கும் சூரியன் இருக்கும்வரை
இருள் நிலைக்கும் ஒளி வரும்வரை
கற்றது நிலைக்கும் நினைவில் இருக்கும்வரை
பெற்றது நிலைக்கும் பேணிக் காக்கும்வரை

அன்பு நிலைக்கும் உள்ளம் உள்ளவரை
ஆசை நிலைக்கும் ஞானம் வரும்வரை
உரிமை நிலைக்கும் கடமையைச் செய்யும்வரை
உறவு நிலைக்கும் அன்பு இருக்கும்வரை

வறுமை நிலைக்கும் சோம்பி இருக்கும்வரை
பெருமை நிலைக்கும் பதவி இருக்கும்வரை
செல்வம் நிலைக்கும் அருமை தெரியும்வரை
செறுக்கு நிலைக்கும் தனிமை வரும்வரை

சிந்தனை சிறக்கும் எண்ணம் சிறக்கும்வரை
செயல் சிறக்கும் சிந்தனை சிறக்கும்வரை
விளைவு சிறக்கும் செயல் சிறக்கும்வரை
வாழ்வு சிறக்கும் விளைவு சிறக்கும்வரை

பண்பு நிலைக்கும் ஒழுக்கம் இருக்கும்வரை
பெயர் நிலைக்கும் நேர்மை இருக்கும்வரை
மகிழ்ச்சி நிலைக்கும் நிம்மதி இருக்கும்வரை
நிம்மதி நிலைக்கும் ஆசை இல்லாதவரை

பற்றுதல் நிலைக்கும் ஒற்றுமை உள்ளவரை
பயணம் தொடரும் பாதை முடியும்வரை
ஒற்றுமை நிலைக்கும் சொத்து இல்லாதவரை
உலகம் நிலைக்கும் உயிர் உள்ளவரை!
---------ஆக்கம்: SP.VR.சுப்பையா

வாழ்க வளமுடன்!