அதிரடி: அப்படிப் போடு ராசா!

அதிரடி: அப்படிப் போடு ராசா!

ஒருமுறை ராஜா விஜய் சிங் அவர்கள் இங்கிலாந்திற்குச் சென்றிருந்தார்.

காலம் அந்தக் காலம். ஆண்டு சரியாகத் தெரியவில்லை. உத்தேசமாக
1931ம் ஆண்டு என்று வைத்துக் கொள்ளுங்கள்.

அப்படிச் சென்றிருந்த பொழுது, சாதரண உடையில் இங்கிலாந்து
தெருவில் நடந்து போய் கொண்டு இருந்தார். வழியில் அவர்
ரோல்ஸ் ராய்ஸ் கார் ஷோரூமைப் பார்த்தார். அங்கே சென்று
கார்களின் விலையை பற்றி விசாரிக்க நினைத்தார்.
ரோல்ஸ் ராய்ஸ் கார்கள் மதிப்புள்ள விலை உயர்ந்த கார்களாகும்.
காரை வைத்திருப்பதே பெருமைக்குரிய விஷயமாகும்.

அந்த சமயத்தில் ஷோரூம் ஊழியர்கள் இவர் மன்னர் என்பதை
அறியாமலும், ஏன் இவரைப் பற்றிக் கவலைப் படாமலும், ஷோரூம்
வாசலில் நின்று வேடிக்கை பார்த்துக் கொண்டிருந்த இந்தியக்
குடிமகன் ஒருவனை அடித்து விரட்டிக் கொண்டிருந்தார்கள்.
அதைக் கண்ணுற்ற ராஜா தனது ஓட்டல் அறைக்குத் திரும்பி வந்து
விட்டார்.

பிறகு சில மணி நேரம் கழித்து முழு வியத்தகு தனது அரச
உடையில் மீண்டும் ரோல்ஸ் ராய்ஸ் ஷோரூமை அடைந்தார்.
ஷோரூம் ஊழியர்கள் அவருக்கு முழு அரச உபசாரம் செய்தனர்.
சிவப்பு கம்பள வரவேற்பு அளித்தனர்.

ராஜா 6 ரோல்ஸ் ராய்ஸ் கார்களை முழுதொகையையும்
செலுத்தி வாங்கினார்.அவருடன் கார்களும் கப்பலில் உடன் வந்தன.

இந்தியா திரும்பிய பிறகு, நகரின் கழிவுகளை சுத்தம் செய்ய அந்தக்
கார்களை பயன்படுத்துமாறு நகராட்சிக்கு உத்தரவிட்டார்.

உலகின் நம்பர் ஒன் ரோல்ஸ் ராய்ஸ் கார்கள் நகரத்தின் கழிவு போக்குவரத்திற்காகப் பயன்படுத்தப்படும்  செய்தி ,விரைவில்
உலகம் முழுவதும் பரவி ரோல்ஸ் ராய்ஸ் நிறுவனத்தின்
நற்பெயர் நாறிப்போனது.


யாராவது ஐரோப்பா அல்லது அமெரிக்காவில் நான் ரோல்ஸ் ராய்
கார் வைத்துள்ளேன் என்று பெருமை பீத்திகொண்டால்.
இது இந்தியாவில் குப்பை அள்ளப் பயன்படுகிறது என்று மக்கள்
ஏளனம் செய்யும் நிலைமைக்கு ஆளானது. அதன் காரணமாக
நிறுவனத்தின் மதிப்பு கெட்டு அதன் விற்பனை சரிய தொடங்கியது.

ரோல்ஸ் ராய்ஸ் நிறுவனத் தலைவர் ராஜா விஜய் சிங்கிற்கு ஒரு
அவசர தந்தி அனுப்பினார் அதில் தாங்கள் உடனடியாக எங்கள்
கார்களை குப்பை அள்ளப் பயன்படுத்துவதை நிறுத்தவேண்டும்
.அதற்குப் பதிலாக நாங்கள் உங்களுக்கு மேலும் 6 கார்களை
இலவசமாக தருகிறோம் என்று குறிப்பிட்டு எழுதியிருந்தார்.

அதற்கு ராஜா விஜய் சிங் எனக்கு உங்கள் கார்கள் மேல்
வெறுப்பு இல்லை உங்கள் ஊழியர்கள் என் நாட்டவரை குப்பை
போல் வெளியே வீசினார்கள். அதற்கு பதில்தான் நான் உங்கள்
கார்களை குப்பை அல்ல உபயோகித்தேன். முதலில் மக்களை
மதியுங்கள் என்று பதில் அனுப்பினார்.


வெள்ளைக்காரனுக்கு செவிட்டில்
அறைந்ததைப் போன்றிருந்தது.

இதல்லவா மனித நேயம். அதைச் செய்த ராஜா விஜய சிங்கை (இப்போது அவர் இருந்தால்) அப்படிப் போடு ராசா’ என்று சொல்லத் தோன்றுகிறது!


வாழ்க வளமுடன்!
வளர்க நலமுடன்!