எப்போதெல்லாம் திருநாள்?

எப்போதெல்லாம் திருநாள்?

பக்தி மலர்

இன்றைய பக்தி மலரை சூலமங்கலம்' சகோதரிகள்  பாடிய முருகப் பெருமானின் பாடல் ஒன்று அலங்கரிக்கின்றது. அனைவரும் படித்து மகிழுங்கள்!

அன்புடன்,
வாத்தியார்
--------------------------------------------
முருகனுக் கொருநாள் திருநாள் - அந்த 
முதல்வனின் வைபவப் பெருநாள்
(முருகனுக் கொருநாள் ... )

கடம்பனுக் கொருநாள் திருநாள் - நல்ல 
கார்த்திகைப் பெருநாள் ஓருநாள் 
(முருகனுக் கொருநாள் ... )

வைகாசி விசாகத் திருநாள் - அந்த 
வண்ணக் கதிர்வேலன் பெருநாள் 
வடிவேல் குமரனின் திருநாள் 
சோமவாரத்தின் திங்கள் பெருநாள்

கந்த சஷ்டிக்கொருத் திருநாள் 
கந்தன் கருணைப் பொழிகின்றப் பெருநாள்
(முருகனுக் கொருநாள் ... )

சரவணன் பிறந்தத் திருநாள் - அருள் 
சந்தனம் வழங்கிடும் பெருநாள் 
செந்தூர் வாசலில் ஒருநாள் 
கந்தன் காவடி ஆடிடும் பெருநாள்

வள்ளிக் குமரனின் மண நாள் - நம் 
வாழ்வின் சுடர் ஒளிப் பெருநாள்
(முருகனுக் கொருநாள்.....)

பாடியவர்கள்: 'சூலமங்கலம்' சகோதரிகள் 

வாழ்க வளமுடன்!
வளர்க நலமுடன்!
================================================