நகைச்சுவை: சிரிக்க மட்டுமே! வாருங்கள், படித்துவிட்டுச் சிரித்து வைப்போம்!

 

நகைச்சுவை: சிரிக்க மட்டுமே! வாருங்கள், படித்துவிட்டுச் சிரித்து வைப்போம்!

1.
உண்மையான பதற்றம்  (Real Tension)

சர்தார்ஜி அன்பரும் அவர் மனைவியும் நீதி மன்றத்தில் நின்று கொண்டிருந்தார்கள். இருவருக்கும் இடையே விவாகரத்து வழக்கு.

நீதிபதி, தன்னுடைய தீர்ப்பை வழங்கும் முன்பாகக் கேட்டார்:

“ஒரு ஒரு பிரச்சினை பாக்கி உள்ளது. உங்கள் இருவருக்கும் 3 குழந்தைகள் உள்ளன. அவற்றை எப்படிப் பிரித்துக்கொள்வீர்கள்?”

சர்தார்ஜி தன்னுடைய மனைவியுடன் நீண்ட ஆலோசனையில் ஈடுபட்டுவிட்டு வந்தவர், நீதிபதியிடம் சொன்னார்.

“மாண்புமிகு நீதிபதி அவர்களே, அதற்கு ஒரு தீர்வு இருக்கிறது. ஒரு ஆண்டு கால அவகாசம் கொடுங்கள். அடுத்த ஆண்டு இன்னும் ஒரு குழந்தையுடன், இருவரும் வருகிறோம்”

புன்னகை செய்த நீதிபதி, அவர்கள் கேட்டபடி ஒரு ஆண்டுகாலம் அவகாசம் அளித்ததுடன். வழக்கையும் ஒரு ஆண்டிற்குத் தள்ளிவைத்தார்!

பிரச்சினை அத்துடன் முடியவில்லை. ஜோக்கும் முடியவில்லை...... மேலே படியுங்கள்.

                                                                                V

V

V

V

V

V

V

V

V

V

V

V

V 

V

                                                                                V


பத்து மாதங்கள் பறந்து சென்றது.

அடுத்து, இருவருக்கும் இரட்டைக் குழந்தை பிறந்தது!
===========================================================
2
சாமியாருக்கும் அதே தொழில்நுட்பம்தான்

"சுவாமிஜி, என் கணவர் என்னை ஏமாற்றுகிறார். அவருக்கு வேரு ஒரு பெண்னுடன் தொடர்பு உள்ளதாக சந்தேகப்படுகிறேன். அதை நிருபித்து அவரைக் கையும் களவுமாகப் பிடிக்க வேண்டும். அதற்கு நான் என்ன செய்ய வேண்டும்?”

சுவாமிஜி பதில் சொன்னார்: “வெரி சிம்ப்பிள். சந்தேகப்படும் அந்தப் பெண்ணின் வீட்டிற்கு முன்பாக உன் கணவனைக் கொண்டுபோய் நிறுத்து. உன் கணவனுடைய போனில் உள்ள வைஃபி (wifi) தன்னிச்சையாகக் கனெக்ட் ஆகும். அதைவைத்துப் பிடித்துக்கொள்”
============================================================
3
“குட் மார்னிங்” என்ற இனிமையான குரல் கேட்டவுடன், அந்தப் பெண்மணி தன் வீட்டுக் கதவைத் திறந்தார்.

வாக்கும் கிளீனரை விற்க வந்திருந்த சேல்ஸ்மேன், நின்று கொண்டிருந்தார்.

அந்தப் பெண்மணி என்ன ஏது என்று கேட்கு முன்பாக அதிரடியாக உள்ள நுழைந்த அந்த விற்பனைப் பிரதிநிதி, வரவேற்பு அறையில் நுழைந்ததோடு, தன் கைப் பையைத் திறந்து, அதில் இருந்த மாட்டுச் சாணியை, அங்கே தரையில் விரித்திருந்த கார்பெட் மீது கொட்டினார்.

அத்துடன் தன்னுடைய குரலை உயர்த்திச் சொன்னார்:

“மேடம் இன்னும் மூன்றே நிமிடங்களில், எங்கள் கம்பெனியின், பவர்ஃபுல் வாகும் க்ளீனரை வைத்து, இந்தச் சாணம் முழுவதையும் க்ளீன் செய்து விடுகிறேன் பாருங்கள். அப்படி முடியாவிட்டால் இந்தச் சாணம் முழுவதையும் நானே தின்று விடுகிறேன்.”

அந்தப் பெண்மணி கேட்டார்:

“சில்லி சாஸ் வேண்டுமா?”

“சேல்ஸ்மேனுக்குக் குழப்பமாகிவிட்டது.” எதற்காகக் கேட்கிறீர்கள் மேடம்?”

“இன்று மின் தடை உள்ளது. வீட்டில் மின்சாரம் இல்லை. மாலை ஆறு மணிக்குத்தான் வரும்!”

ஒரு வாடிக்கையாளர் வீட்டிற்குள் நுழையும் முன்பாக தேவையான எல்லாத் தகவல்களையும் தெரிந்து கொண்டுதான் போக வேண்டும். அத்துடன் தேவையில்லாத சவால்களையும் விடக்கூடாது. அதற்காகத்தான் இந்தக் கதை!
=======================================================================
மூன்றுமே மின்னஞ்சல்களில் வந்தவை. மொழியாக்கம் மட்டும் அடியேனுடைய கைவண்ணம். மூன்றில் எது மிகவும் நன்றாக உள்ளது? அதைச் சொல்லிவிட்டுச் செல்லுங்கள்!

அன்புடன்
வாத்தியார்
=================================
வாழ்க வளமுடன்!
வளர்க நலமுடன்!