வேண்டியதைத் தந்திட வேங்கடேசன் இருக்கையில், வேறு யார் வேண்டும்?

 

வேண்டியதைத் தந்திட வேங்கடேசன் இருக்கையில், வேறு யார் வேண்டும்?

பக்தி மலர்

இன்று மார்கழி மாதம் இரண்டாவது வெள்ளிக்கிழமை.
இன்று ஏழுமலையானைப் போற்றிப் பாடுவோம்.
திரு ராஜாஜி அவர்கள் எழுதி, கர்நாடக இசையரசி
திருமதி எம்.எஸ்.சுப்புலெட்சுமி அவர்களால்
பாடப்பெற்று புகழடைந்த பாடல் இது.
1969ஆம் ஆண்டு ஐக்கிய நாடுகள் சபையில் ஒலித்தபாடல் இது.
ஆமாம், திருமதி.எம்.எஸ்.சுப்புலெட்சுமி அவர்களின் குரல்
அங்கேயும் ஒலித்து அனைவரையும் மெய்மறக்கச் செய்தது.
இந்தப் பாடலில் உள்ள மூன்று பத்திகளுமே மூன்று விதமான
ராகங்களில் ஒலிக்கும். அதையும் கவனியுங்கள்.

அன்புடன்
வாத்தியார்
----------------------------------------------------------
குறை ஒன்றும் இல்லை மறைமூர்த்தி கண்ணா
குறை ஒன்றும் இல்லை கண்ணா
குறை ஒன்றும் இல்லை கோவிந்தா

குறை ஒன்றும் இல்லை மறைமூர்த்தி கண்ணா
குறை ஒன்றும் இல்லை கண்ணா
குறை ஒன்றும் இல்லை கோவிந்தா

கண்ணுக்குத் தெரியாமல் நிற்கின்றாய் கண்ணா
கண்ணுக்குத் தெரியாமல் நின்றாலும் எனக்குக்
குறை ஒன்றும் இல்லை மறைமூர்த்தி கண்ணா

வேண்டியதைத் தந்திட வேங்கடேசன் என்றிருக்க
வேண்டியது வேறில்லை மறைமூர்த்தி கண்ணா
மணிவண்ணா மலையப்பா கோவிந்தா கோவிந்தா கோவிந்தா கோவிந்தா

திரையின்பின் நிற்கின்றாய் கண்ணா
கண்ணா திரையின்பின் நிற்கின்றாய் கண்ணா - உன்னை
மறையோதும் ஞானியர் மட்டுமே காண்பார்
திரையின்பின் நிற்கின்றாய் கண்ணா - உன்னை
மறையோதும் ஞானியர் மட்டுமே காண்பார்
என்றாலும் குறை ஒன்றும் எனக்கில்லை கண்ணா
என்றாலும் குறை ஒன்றும் எனக்கில்லை கண்ணா
குன்றின்மேல் கல்லாகி நிற்கின்ற வரதா
குன்றின்மேல் கல்லாகி நிற்கின்ற வரதா
குறை ஒன்றும் இல்லை மறைமூர்த்தி கண்ணா
குறை ஒன்றும் இல்லை மறைமூர்த்தி கண்ணா
மணிவண்ணா மலையப்பா கோவிந்தா கோவிந்தா கோவிந்தா கோவிந்தா

கலிநாளுக்கிரங்கி கல்லிலே இறங்கி
நிலையாகக் கோவிலில் நிற்கின்றாய் கேசவா
கலிநாளுக்கிரங்கி கல்லிலே இறங்கி
நிலையாகக் கோவிலில் நிற்கின்றாய் கேசவா
குறை ஒன்றும் இல்லை மறைமூர்த்தி கண்ணா
யாதும் மறுக்காத மலையப்பா
யாதும் மறுக்காத மலையப்பா உன் மார்பில்
ஏதும் தர நிற்கும் கருணைக் கடல் அன்னை
என்றும் இருந்திட ஏது குறை எனக்கு
என்றும் இருந்திட ஏது குறை எனக்கு
ஒன்றும் குறையில்லை மறை மூர்த்தி கண்ணா
ஒன்றும் குறையில்லை மறை மூர்த்தி கண்ணா
மணிவண்ணா மலையப்பா கோவிந்தா கோவிந்தா கோவிந்தா கோவிந்தா
கோவிந்தா கோவிந்தா கோவிந்தா கோவிந்தா
------------------------------------------------
Our sincere thanks to the person who uploaded this song in the net 

வாழ்க வளமுடன்!
வளர்க நலமுடன்!
=========================================================