தென்கோடி தென்றல் தரும் ராகங்கள்

தென்கோடி தென்றல் தரும் ராகங்கள்

பக்தி மலர் 

 மாதங்களில் நான் மார்கழி என்றான் அந்த மாயக் கண்ணன். இன்று மார்கழி மாதத்தின் முதல் வெள்ளிக்கிழமை. அந்தப் பரந்தாமனின் பகழை ஒரு பாடல் வடிவில் இன்று கொடுத்துள்ளேன். பாடலின் ஆக்கம் கவியரசர் கண்ணதாசன். பாடியவர் திரு.டி.எம்.செளந்தரராஜன். பாடலைக் கேட்டு மகிழுங்கள்!

அனைவருக்கும் தெரிந்த பாடல்தான். இருந்தாலும் மீண்டும் ஒருமுறை கேட்டு மகிழுங்கள்!

அன்புடன் 
வாத்தியார் 
----------------------------------------------------
புல்லாங்குழல் கொடுத்த மூங்கில்களே - எங்கள் 
புருஷோத்தமன் புகழ் பாடுங்களே 
வண்டாடும் கங்கை மலர்த் தோட்டங்களே - எங்கள் 
மதுசூதனன் புகழ் பாடுங்களே 

 (புல்லாங்குழல்) 

பன்னீர் மலர் சொரியும் மேகங்களே - எங்கள் 
பரந்தாமன் மெய்யழகைப் பாடுங்களே 
தென்கோடி தென்றல் தரும் ராகங்களே - எங்கள் 
ஸ்ரீகிருஷ்ண மூர்த்தி புகழ் பாடுங்களே 

(புல்லாங்குழல்) 

குருவாயூர் தன்னில் அவன் தவழ்கின்றவன் - ஒரு 
கொடியோடு மதுராவை ஆள்கின்றவன் 
திருவேங்கடத்தில் அவன் அருள்கின்றவன் 
ஸ்ரீரங்கத்தில் பள்ளி கொள்கின்றவன் 

 (புல்லாங்குழல்) 

பாஞ்சாலி புகழ் காக்கத் தன் கை கொடுத்தான் - அந்த 
பாரதப் போர் முடிக்க சங்கை எடுத்தான் 
பாண்டவர்க்கு உரிமையுள்ள பங்கைக் கொடுத்தான் - நாம் 
படிப்பதற்கு கீதையென்னும் பாடம் கொடுத்தான் 

(புல்லாங்குழல்) 
---------------------------------------------
பாடலின் காணொளி:
Our sincere thanks to the person who uploaded this song in the net! 

வாழ்க வளமுடன்!வளர்க நலமுடன்!
===============================================