செஞ்ச்சுரி அடித்த வீடுகள்!

செஞ்ச்சுரி அடித்த வீடுகள்!

மனிதர்கள்தான் செஞ்ச்சுரி அடிப்பார்களா? செட்டி நாட்டுப் பகுதியில் பல வீடுகளும் செஞ்சுரி அடித்துள்ளன. காரைக்குடி, தேவகோட்டை,ஆத்தங்குடி,  வலையபட்டி, கண்டனூர், கானாடுகாத்தான் என்று மொத்தம் 75 ஊர்கள் உள்ளன. அவற்றில் மொத்தம் 6,000ற்கும் மேற்பட்ட வீடுகள்உள்ளன. எல்லா வீடுகளுமே நூற்றாண்டுகளுக்கு முன்பு கட்டப்பெற்றவை. பொக்லைன், ஜே;பிசி இயந்திரங்கள், ஹைடெக் சிமெண்ட், கட்டுமானப்பொருட்கள், ஆர்க்கிடெக்ட்டுகள், மற்றும் பொறியாளர்கள் என்று எந்த வசதியும் இல்லாத காலத்தில் பர்மா தேக்குமரங்களைப் பிரதானமாக(அதாவது உத்திரங் களாகவும் தூண்களாகவும்) வைத்துக் கட்டப்பெற்ற வீடுகள் அவைகள். அதை மனதில் வையுங்கள்.

தற்சமயம் பாதிக்கும் மேற்பட்ட வீடுகள், சரியான பராமரிப்பு இல்லாமல் இருக்கின்றன. பல வீடுகள் நன்கு பராமரிக்கப்பெற்று வருகின்றன.

எங்கள் வீடு கட்டப்பெற்று 118 ஆண்டுகள் ஆகின்றன. இன்றும் நல்ல நிலைமையில் உள்ளது. ஊருக்குச் சென்றால் அங்கேதான் தங்குகிறோம்.

எல்லா வீடுகளூமே சராசரியாக 33 செண்ட் நிலத்தில் முழுப்பரப்பளவில் கட்டப்பெற்றவை. கட்டங்கள் 24, 000 சதுர அடிகள் முதல் 40,000 சதுர
அடிகள் வரை பரப்பளவு உள்ளவை.

அவைகள் கட்டப்பெற்ற காலத்தில் ஒரு பவுனின் விலை 13 ரூபாய் மட்டுமே. கொத்தனார் சம்பளம் (தினக்கூலி) 4 அணா. அதாவது 25 பைசாக்கள்.
சித்தாள் எனும் எடுபிடி ஆளின் சம்பளம் அதில் பாதிதான். அதாவது இரண்டனா மட்டுமே!

உங்கள் பார்வைக்காக அந்த வீடுகளில் இரண்டை இன்றையப் பதிவில் கொடுத்துள்ளேன்.

சன் டிவியில், நாதஸ்வரம் சீரியல் பார்க்கிறீர்கள் அல்லவா? அதில் வரும் பெரிய வீடுகள் இரண்டும் செட்டிநாட்டில் உள்ளவைதான்!

அன்புடன்
வாத்தியார்.
====================================================
செட்டிநாட்டு வீடுகள்
Our sincere thanks to the persons who uploaded these video clippings in the net




2 ஆத்தங்குடியில் உள்ள ஒரு வீடு - உங்கள் பார்வைக்கு

====================================================
   “வாத்தி (யார்), முகப்பில் ரஜினியின் படம் எதற்கு?”

   “இன்று அவருக்குப் பிறந்த நாள் சாமிகளா? வாழ்த்துச் சொல்வதற்காகத்தான்!ஒரு வாழ்த்தைச் சொல்லி விடுவோம்!”
Many more Happy return of the day Rajini Kanth!

===================================================
வாழ்க வளமுடன்!
வளர்க நலமுடன்!