என்ன கேட்டார் மன்மோகன் சிங்?

---------------------------------------------------------------
என்ன கேட்டார் மன்மோகன் சிங்?

இன்றைய இளைஞர் மலரை, நமது வகுப்பறை மாணவியின் ஆசை ஒன்று....சாரி ஆக்கம் ஒன்று அலங்கரிக்கிறது. உறிக்காமல், உப்புப்போடாமல் அப்படியே கொடுத்துள்ளேன். வேண்டியவர்கள் உப்போ அல்லது அஸ்காவோ (சீனி) தங்கள் விருப்பப்படி போட்டுக்கொள்ளலாம்.

அன்புடன்
வாத்தியார்
++++++++++++++++++++++++++++++++++++++++++++++++++++

வெள்ளிக்கிழமை.  கைபேசி மணி அடிக்கிறது.  எடுத்துப் பார்த்தால் நம்ம மன்மோகன் சிங்ஜி.   அவரும் நானும் ஹிந்தி / பஞ்சாபியில் பேசியதன் மொழிபெயர்ப்பு கீழே:

என்ன உமாஜி எப்படி இருக்கீங்க?

ம்ம் நல்லா இருக்கேன், நீங்க எப்படி இருக்கீங்க?  ஆமா எதுக்கு போன் பண்ணீங்க?  இந்த நேரத்துல நான் வேலையா இருப்பேன்னு உங்களுக்குத் தெரியுமில்ல?

கோச்சுக்காதீங்க.  ஒரு முக்கியமான விஷயம் சொல்லத்தான் கூப்பிட்டேன்.

சரி சரி சீக்கிரமா சொல்லுங்க.  உங்களுக்கு ஒரு பத்து நிமிஷம்தான் நேரம் கொடுக்க முடியும்.

நாளைக்கு உலகக்கோப்பை இறுதிப்போட்டி.

ஆமா அதுக்கென்ன?

இல்ல, அரையிறுதிக்கே உங்களை நேர்ல வந்து பாக்கறதுக்குக் கூப்பிட்டேன்.  ஆனா நீங்க ரொம்ப பிசின்னு சொல்லி மறுத்திட்டீங்க.

அதனால?

நாளைக்கு இறுதிப்போட்டியவாவது நேர்ல வந்து பாருங்களேன்.

ம்ம் என்னோட schedule பார்த்துட்டுச் சொல்றேன்.

அப்படியெல்லாம் சொல்லாதீங்க.  நீங்க வந்துதான் ஆகணும்.  ஜெயிச்ச அணிக்கு உங்க கையாலதான் உலகக்கோப்பையை தரச் சொல்லலாம்னு நாங்க எல்லாரும் சேர்ந்து முடிவு பண்ணியிருக்கோம். உங்களுக்காக உங்களைக் கேக்காமலேயே பிரைவேட் ஜெட் கூட ஏற்பாடு பண்ணிட்டேன்.

ம்ம் நீங்க இவ்ளோ சொல்றதால வரேன்.  ஆனா சில conditions இருக்கு.

நீங்க வரேன்னு சொன்னதே மகிழ்ச்சி.  இல்லேன்னா சோனியாஜியைவிட்டு பேசச் சொல்லலாம்னு நினைச்சேன்.  என்ன சொல்லுங்க?

எனக்கு இந்த விளம்பரம் பிடிக்காது.  அங்க யாரும் என்னை போட்டோவோ வீடியோவோ எடுக்கக்கூடாது.

சரி நான் சொல்லிடறேன்.

அப்புறம் உங்களோட ஒரே மேடையில கிலானி மாதிரியெல்லாம் உட்கார்ந்து மேட்ச் பார்க்கமாட்டேன்.

சரி

அப்புறம் ஜெயிச்ச அணிக்கு உங்க கையாலதான் உலக்கோப்பையைத்  தரணும்னு தொந்தரவு செய்யக்கூடாது.

நீங்க முதல்ல சொன்ன இரண்டும் சரி, ஆனா இந்த மூணாவது கண்டிஷன் ஐ கொஞ்சம் விட்டுடுங்களேன்.

ம்ஹூம், இது எல்லாத்துக்கும் நீங்க ஒத்துக்கிட்டாதான் நான் மேட்ச் பார்க்க வருவேன்.

சரி எப்படியோ நீங்க வந்தா அதுவே போதும்.  அப்புறம் இன்னொரு விஷயம்.

என்ன சீக்கிரமா சொல்லுங்க.

இல்ல வர தேர்தல்ல எங்களை ஆதரிச்சு ஒரு குரல் குடுத்தீங்கன்னா, எங்களுக்கு தமிழ்நாட்டுல தனிப்பெரும்பான்மை கிடைச்சுடும்...........

ஹலோ, உங்களுக்கு எத்தனை தடவை சொல்லியிருக்கேன், எனக்கு அரசியல் பிடிக்காது, எந்த அரசியல் கட்சியையும் பிடிக்காதுன்னு.  அதுவும் உங்க கட்சியை சுத்தமாவே பிடிக்காது.  ஏதோ உங்ககிட்ட பேசினா உடனே இப்படியெல்லாம் கேக்கறீங்க.

சரி சரி டென்ஷன் ஆகாதீங்க.  இந்த டொபிக்கை  இதோட விட்டுடறேன்.

சரி பை!

டிஸ்கி: என்ன ஒரே மொக்கையா இருக்கா?  அது ஒண்ணுமில்ல.  ஒரு வாரமா செம வேலை, மண்டை ரொம்ப காய்ஞ்சு போயிடுச்சு.  அது போறாதுன்னு இரண்டு பர்சனல் குழப்பங்களை சமாளிச்சு முடிவு எடுக்க வேண்டியதா போயிடுச்சு.  அதோட பாதிப்புதான் இப்படியெல்லாம். 

எவ்ளோவோ படிக்கறீங்க, இதையும் படிக்க மாட்டீங்களா என்ன? 

நன்றி, வணக்கத்துடன்,
எஸ்.உமா, தில்லி
++++++++++++++++++++++++++++++++++++++++++++===


வாழ்க வளமுடன்!