நினைத்தது நடக்குமா?

+++++++++++++++++++++++++++++++++++++++++++++++++++++++++++
நினைத்தது நடக்குமா?

நடக்கும்.

எப்போது நடக்கும்?

வைகுந்த வாசனை மனம் உருகிப் பிரார்த்தனை செய்தால் நடக்கும்!

எப்படிச் சொல்கிறீர்கள்?

பாடல் ஒன்றைக் கொடுத்திருக்கிறேன். படித்துப் பாருங்கள் தெரியும்.
+++++++++++++++++++++++++++++++++++++++++++++++
திருப்பதி மலைவாழும் வெங்கடேசா -திருமகள்
மனம் நாடும் சீனிவாசா ஏழுமலைவாசா

(திருப்பதி)

அன்பென்னும் அகல் விளக்கை ஏற்றி வைத்தேன்
அதில் ஆசையென்னும் நெய்யை ஊற்றி வைத்தேன்
என் மனம் உருகிடவே பாடி வந்தேன்
உன் ஏழு மலை ஏறி ஓடி வந்தேன்

(திருப்பதி)

நினைப்பதை நடத்தி வைப்பாய் வைகுந்தா
மறைத்ததை பறித்திடுவாய் கோவிந்தா
உரைத்தது கீதை என்ற தத்துவமே
அதை உணர்ந்தவர் வாழ்ந்திடுவார் சத்தியமே

(திருப்பதி)
பாடல் ஆக்கம்: கவியரசர் கண்ணதாசன்.
++++++++++++++++++++++++++++++++++++++++
நீங்கள் நினைத்ததை நடத்தி வைப்பார் அவர்!

எல்லோருக்குமா?

மனம் உருக தன்னைப் பிரார்த்திப்பவர்களுக்கு அவர் நடத்தி வைப்பார்.

இன்று வைகுண்ட ஏகாதசி. அவருக்கு உகந்த நாள். இந்த நந்நாளில் அவரைப் பிரார்த்திப்போம்!

வைகுண்ட ஏகாதசியின் சிறப்பு தெரிய வேண்டுமா? இந்தத் தளத்திற்குச் சென்று பாருங்கள்.



அன்புடன்
வாத்தியார்.

வாழ்க வளமுடன்!