அறிவியலும் அழுக்குள்ள சமுதாயமும்!

அறிவியலும் அழுக்குள்ள சமுதாயமும்!

கனவுகள் கண்டு கண்டு
கண்களும் சலிச்சுப் போச்சு!
தினம் தினம் சபையில் நின்று
தேகமும் அலுத்துப் போச்சு!
உணவினில் ருசி பேதங்கள்
உணர்விலும் மறந்து போச்சு!
இனியென்ன, இளமைக் காலம்
இரூட்டுக்கே பலியாய் ஆச்சு!

++++++
அரசாங்க வேலைக்காரர்
'அரைலட்சம் கொண்டா' என்றார்!
மருத்துவ நிபுணர் வந்து
'மாடிவீ(டு) உண்டா' என்றார்
பொறியியற் பட்டதாரி
புதிய 'கார்' போதுமென்றார்!
அறிவியல் வளர்ந்து என்ன?
அழுக்குள்ள சமுதாயத்தில்!

++++++

ஜாதகம் பொருந்தினாலோ
ஜாதிகள் பொருந்தவில்லை!
ஜாதியில் பொருத்தமென்றால்
சம்மதம் பணத்தில் இல்லை!
தேதிகள் கிழித்தாற் போல
தினசரி கிழிந்தாயிற்று!
வீதியில் ஒளிவெள்ளங்கள்
வீட்டில்தான் வெளிச்சம் இல்லை!
- ஆக்கம்: குமரி அமுதன்

(முப்பது ஆண்டுகளுக்கு முன்பு படித்தது.
-from my hard disc)

வாழ்க வளமுடன்!