பயம் எங்கிருந்து வருகிறது?

பயம் எங்கிருந்து வருகிறது?

கௌதம புத்தரின் சிந்தனைகள்..
............................................

ஒரு நல்ல பழக்கமாக, நேர்மையாக உங்களையே கேட்டுக் கொள்ளுங்கள்:

 "நான் ஏன் பிறந்தேன்?".

இந்தக் கேள்வியைத் தினந்தோறும் காலையிலும், மதியத்திலும், இரவிலும் உங்களிடமே கேட்டுக் கொள்ளுங்கள்.

நம் பிறப்பும் இறப்பும் ஒன்றுதான். ஒன்றில்லாமல் மற்றொன்று இருக்கமுடியாது. மக்கள் இறப்பின் போது அழுவதையும் துக்கப் படுவதையும், பிறப்பின் போது மகிழ்ந்து பூரிப்பதையும் பார்க்கும் போது கொஞ்சம் வேடிக்கையாக இருக்கிறது.

இது தவறான கருத்து. நம்மை நாமே ஏமாற்றிக் கொள்ளும் செய்கை. அழவேண்டுமென்றால் பிறக்கும் போது அழுவதே சரியானது.

ஏனென்றால் பிறப்பில்லாமல் இறப்பில்லை. புரிகிறதா உங்களுக்கு? மரணத்தைப் புரிந்து கொள்ளவில்லை என்றால், வாழ்க்கையே குழப்பமாகத்தான் தோன்றும்.

மரணத்தைத் தெரிந்து கொள்ள வேண்டும்; வாழ்வதற்காகச் சாக வேண்டும்.

அப்படியென்றால் என்ன? இறப்பது என்றால் நம் சந்தேகங்களுக்கும், கேள்விகளுக்கும் முடிவு கண்டு நிகழ் காலத்தின் உண்மையான நிலையில் இருப்பது தான்.

நாம் நாளைக்கு இறக்க முடியாது; இப்போதே இறக்க வேண்டும். உங்களால் செய்ய முடியுமா?

 முடியுமென்றால்..,

 கேள்விகளே இல்லாத அமைதி உங்களுக்குத் தெளிவாக விளங்கும்...

நீங்கள் முறையான பயிற்சி பெற்று இருந்தீர்கள் என்றால், நோய் வாய்ப்படும் போது அச்சப்பட மாட்டீர்கள்,

 யாராவது இறக்கும் போது துயரப்பட மாட்டீர்கள்.

உங்களையும் ஒருநாள் மரணம் தழுவ வரும். யார் முதலில் போவார், யார் பிறகு போவார் என்பது தான் இப்போதைய கேள்வி.

" மருத்துவர்கள்  மரணத்தைத் தடுக்கப் போவது இல்லை.

அடுத்த மூச்சு எப்படி அருகில் இருக்கிறதோ, அதே போலத்தான் மரணமும் அருகிலேயே இருக்கிறது...

நீங்கள் நோய்க்குப் பயந்தாலும், மரணத்திற்குப் பயந்தாலும் அந்த பயம் எங்கிருந்து வருகிறது என்று சிந்தித்துப் பாருங்கள்.

எங்கிருந்து வந்தது அந்தப் பயம்?

பிறப்பிலிருந்து வந்தது தான்.

அதனால் யாராவது இறந்தால் வருத்தப் படாதீர்கள் -

 அது இயற்கை............ 
---------------------------------------
படித்தேன்; பகிர்ந்தேன்
அன்புடன்
வாத்தியார்
===================================================
வாழ்க வளமுடன்! வளர்க நலமுடன்!