Quiz: புதிர்: திரைப்படப் பாடலை வைத்து ஒரு புதிர். காட்டுங்கள் உங்கள் திறமையை!

Quiz: புதிர்: திரைப்படப் பாடலை வைத்து ஒரு புதிர். காட்டுங்கள் உங்கள் திறமையை!

கீழே ஒரு பாடலின் காணொளியைக் கொடுத்துள்ளேன்.

காணொளியை நன்றாகப் பாருங்கள். பாடலையும் கேளுங்கள். மொழி புரியாவிட்டாலும் பாடலின் மெட்டு உங்களுக்குப் பழக்கமானதுதான்!.

சரி கேள்விகளுக்கு வருகிறேன்.

1. இந்தப் பாடல் இடம் பெற்ற இந்தி மொழிப் படத்தின் பெயர் என்ன? பாடலைப் பாடியவரின் பெயர் என்ன?

2.அந்தப் படத்தின் கதையை அப்படியே தமிழிலும் எடுத்து ஒரு ஹிட்டான படத்தைக் கொடுத்தார்கள். அந்தத் தமிழ்ப் படத்தின் பெயர் என்ன? பாடல் என்ன? அதைப் பாடியவரின் பெயர் என்ன? அந்தப் பாடலை அற்புதமாக மெட்டிற்குத் தகுந்தாற்போல தமிழில் எழுதிக் கொடுத்த கவிஞரின் பெயர் என்ன? இசையமைத்தவரின் பெயர் என்ன?

3. இதுதான் முக்கியமான கேள்வி: இந்தக் கிளிப்பிங்கில், பாடலைப் பாடும் பாடகியின் பெயர் என்ன?

எனக்கு பாடல் மட்டுமே வாட்ஸப்பில் வந்தது. அதை வைத்து, இன்றைய தொழில் நுட்பம், மற்றும் இணைய வசதி, கூகுள் ஆண்டவர், ஆகியவற்றின் உதவியுடன் மேலே உள்ள கேள்விகள் அனைத்திற்கும் விடைகளை நானே கண்டுபிடித்தேன்.

ஆகவே உங்களுக்கும் சிரமம் ஒன்றும் இருக்காது. நீங்களும் கண்டு பிடிக்கலாம். எங்கே உங்கள் திறமையைக் காட்டுங்கள் பார்க்கலாம்

அன்புடன்,
வாத்தியார்
------------------------------
கண்மணி: “வாத்தி (யார்) இதையெல்லாம் யார் கேட்டார்கள்? ஜோதிடப் புதிர் எங்கே வாத்தியார்?”
வாத்தியார்: 22-7-2016 வெள்ளிக்கிழமையன்று வெளிவரும் கண்ணா!!!!
================================================================
வாழ்க வளமுடன்! வளர்க நலமுடன்!