உங்களுக்குப் பொருத்தமானவருடன்தான் நீங்கள் வாழ்ந்து கொண்டிருக்கிறீர்களா?

உங்களுக்குப் பொருத்தமானவருடன்தான் நீங்கள் வாழ்ந்து கொண்டிருக்கிறீர்களா?

இந்தக் கேள்வியைத் தம்பதியரிடம் கேட்டால் பாதிப்பேர்கள் இல்லையென்றுதான் சொல்வார்கள். சமூகத்திற்காகவும், குழந்தைகளுக்காகவும் நடப்பை சகித்துக் கொண்டு வாழ்ந்து கொண்டிருக்கிறோம் என்பார்கள்.

திரைப்படங்களில் மட்டும்தான் நாயகன், நாயகியைப் பொருத்தமானவர்களாகப் போட்டுப் படம் எடுப்பார்கள். அந்தக்
காலத்து அரவிந்தசாமிக்கு ஜோடியாக காந்திமைதியைப் போட்டால்
அல்லது நயந்தாராவிற்கு ஜோடியாக ஓமக்குச்சி நரசிம்மனை
ஜோடியாகப் போட்டால் படம் எப்படி இருக்கும்? படம் ஊற்றிக்
கொண்டு விடாதா?

காலதேவன் ஜோடிகளை சில காரணங்களுக்காக மாற்றிச் சேர்த்துவிடுவான்.

ரயில் ஓட, தண்டவாளம் அப்படியே இருக்கும். கணவன் ரயிலாக
இருந்தால் மனைவி தண்டவாளமாக இருப்பான். அல்லது கணவன் தண்டவாளமாக இருந்தால் மனைவி ரயிலாக இருப்பான். இரண்டு
ரயில்களை காலதேவன் ஒருபோதும் ஜோடியாக சேர்ப்பதில்லை.
நீங்கள் இதைப் பலரிடம் கேட்டுத் தெரிந்துகொள்ளலாம்.

இதற்கு உதாரணமாக சிந்து பைரவி படத்தை நீங்கள் நினைவு படுத்திக்கொள்ளலாம்
------------------------------------------------------------------------------------
சரி சொல்ல வந்த விஷயத்திற்கு வருகிறேன்.

மூன்று மாதங்களுக்கு முன்பு என்னுடைய ஜோதிட ஆராய்ச்சிக்காக
3 ஜோதிட மென்பொருட்களைப் பணம் கொடுத்து வாங்கினேன். 3ம்
சேர்த்து சுமார் 15 ஆயிரம் ரூபாய் விலை. தேவைப்பட்டதால் பரவாயில்லை என்று பணம் செலவழித்து வாங்கிவிட்டேன்.

அந்த மென்பொருளை விற்பவர்கள் படு உஷாரானவர்கள். ஆன்லைனில்,
டீம் வீவர் மூலம் அவர்கள் ஊரில் இருந்தே எனது கணினிக்குள் நுழைந்து
அவற்றை நிறுவிக் கொடுத்துவிட்டார்கள். யாரும் அதைக் காப்பி எடுக்காத முடியாத அளவிற்கு வடிவமைக்கப்பெற்றுள்ளது.

அதைவிட முக்கியமானது 3 மென்பொருட்களுமே துல்லியமாக உள்ளது.
கண் இமைக்கும் நேரத்தில் வேண்டிய தகவல்களைக் கொடுத்துவிடுகிறது.

1. தனிப்பட்ட ஜாதகங்களின் எல்லா விவரங்களையும் (ராசி, நவாம்சம், தசா புத்திகள், அஷ்டகவர்க்கம் போன்ற அனைத்துத் தகவல்களையும் 24
பக்கங்களுக்குக் கொடுத்துவிடுகிறது. நீங்கள் பேனாவை வைத்து எந்த விவரத்தையும் கணக்கிட வேண்டாம், குறிக்க வேண்டாம். அவ்வளவு
அற்புதமாக உள்ளது.

2. இரண்டாவது மென் பொருள், ஒரு பெண் மற்றும் ஆணின் பிறப்பு விவரங்களை மட்டும் நீங்கள் உள்ளிட்டால் போதும். கண் இமைக்கும் நேரத்தில் இருவருக்கும் பொருத்தம் உள்ளதா அல்லது இல்லையா என்று சொல்லிவிடுகிறது. திருமணத்திற்கு வரன் பார்ப்பவர்களுக்கு ஒரு பெரிய வரப் பிரசாதம் இது. நட்சத்திரப் பொருத்தங்கள், தோஷப் பொருத்தங்கள், பாவ சமயப் பொருத்தங்கள் போன்ற அனைத்தையும் அலசிப் பதில்
சொல்லிவிடுகிறது.

காதலிப்பவர்களும், தாங்கள் காதலிக்கும் நபர் சரியானவர்தானா, ஏற்றவர்தானா என்று தெரிந்துகொள்ளலாம்

அதுதவிர மணமாகி சந்தோஷமில்லாமல் குடும்பம் நடத்திக் கொண்டிருப்பவர்களும் தங்களுடைய பார்ட்னர் பொருத்தமானவர்
தானா என்று தெரிந்து  பிணக்கங்களை தவிர்த்துக்கொள்ளலாம். பொருத்தமில்லாதவர் என்று தெரிந்தால் விதிப்பயன் என்று ஏற்றுக்
கொண்டு பிணக்கங்களை  சகித்துக்கொண்டு குடும்பம் நடத்தலாம்.

என் உடல்நிலை காரணமாக அவற்றை உபயோகப் படுத்தாமல் இருந்தேன். இப்போது அவற்றைப் பயன் படுத்திக்கொண்டிருக்கிறேன்.

உங்கள் ஜாதகத்தை அலசி, ஜாதகத்தில் உள்ள சாதக, பாதக விஷயங்களையும், நல்ல நேரம் கெட்ட நேரம், ஏற்ற இறக்கங்கள்
போன்ற மேட்டர்களையும் அலசிப் பலன் சொல்ல முனைந்ததெல்லாம்
அந்த மென்பொருட்கள் அடிப்படை விஷயங்களுக்கு உதவும் என்ற
மனத் துணிச்சலில்தான்!

ஜாதகத்தை மட்டும்தான் அது கொடுக்கும். பலனை நான் தான் பார்த்து
முடிவு செய்ய வேண்டும்.நீங்கள் கொடுக்கும் பிறப்பு விவரங்களை
வைத்துக் கொண்டு உங்களின் ஜாதகத்தை தனிப்பட்ட முறையில் கணிப்பதென்றால் எத்தனை நேரம் பிடிக்கும் நீங்களே யோசித்துப் பாருங்கள்.

அன்புடன்,
வாத்தியார்
=============================================
வாழ்க வளமுடன்!
வளர்க நலமுடன்!