Astrology: அவன் கொடிபிடித்தால் என்ன ஆகும்?

 

Astrology: அவன் கொடிபிடித்தால் என்ன ஆகும்?

அவன் கொடிபிடித்தால் கலகம்தான். அதாவது கேது கொடிபிடித்தால், கொடி பிடித்து முன் நடந்தால், ஜாதகனின் வாழ்க்கையில் கலக்கம்தான். துயரம்தான்.

உடனே பயந்துவிடாதீர்கள். மூன்று சுபக்கிரகங்களும் ஜாதகத்தில் வலிமையோடு இருந்தால், ஜாதகனின் துயரங்களைக் குறைப்பார்கள். தாக்குப் பிடிக்கும் சக்தியைக் (with standing power) கொடுப்பார்கள்
----------------------------------

நேற்றைய புதிரில் கொடுத்திருந்த ஜாதகம் கேது கொடிபிடிக்கும் ஜாதகம். அத்துடன் அது ஒரு பெண்மணியின் ஜாதகம். திருமணவாழ்வு, அதிருப்தியுடன் துவங்கிக் கடைசியில் சோகத்தில் முடிந்தது. ஆமாம். திருமணமான சில மாதங்களிலேயே கணவர் இறந்துவிட்டார். கணவர் உடல் நலமில்லாதவர் என்பது திருமணத்திற்குப் பிறகுதான் அம்மணிக்குத் தெரியவந்தது.

அதற்குப் பிறகு என்ன செய்தார்?

மனதைத் தேற்றிக்கொண்டு அம்மணி வாழ்ந்தார். சமூக சேவைகளைச் செய்து தன் வாழ் நாட்களைப் பயன் உள்ளதாக்கிக் கொண்டார்.

என்ன காரணம்?

ஜாதகத்தைப் பாருங்கள். கேது கொடிபிடித்துக் கொண்டு செல்கிறது. மற்ற கிரகங்கள் அனைத்தும் அதன் பின்புறம் உள்ளன. ஏழுக்குரிய சுக்கிரன் ஏழாம் இடத்திற்குப் பன்னிரெண்டில் விரையத்தில் அமர்ந்தார். உடன் ஜோடி சேர்ந்த எட்டாம் அதிபதி புதன் கணவரைக் காலி செய்து விரையத்தைப் பூர்த்தியாக் கினார். 2ஆம் அதிபதி குரு நீசமானதால் குடும்ப வாழ்க்கையைக் கொடுக்க வில்லை. பத்தாம் அதிபதி சூரியன் அந்த வீட்டிற்குப் பத்தில். அத்துடன் பாக்கியாதிபதி சந்திரன் அந்த வீட்டிற்கு எட்டில் அமர்ந்து ஜாதகியின் பாக்கியங்களைக் கெடுத்தாலும், பத்தாம் இடத்தைத் தன் பார்வையில் வைத்து, ஜாதகியைச் சமூக சேவைகளில் ஈடுபட வைத்தார்.ஆகவே காலசர்ப்ப தோஷ ஜாதகர்கள், தங்கள் ஜாதகத்தில் கொடி பிடித்துச் செல்வது யார் - ராகுவா அல்லது கேதுவா என்று பார்ப்பது அவசியம்.
-----------------------------------------------------
நேற்றைய புதிருக்குப் பலரும்  கேது கொடிபிடிக்கும் ஜாதகம் அது என்பதைக் கவனித்துப் பதில் எழுதியிருக்கிறார்கள். நன்றாக அலசியிருக்கிறார்கள். மொத்தம் 26 அன்பர்கள் மற்றும் அன்பிகள் (அன்பருக்குப் பெண்பால் அன்பிகள் - சரிதானா?) கலந்து கொண்டு தங்கள் பதிலை எழுதியிருக்கிறார்கள். அனைவருக்கும் எனது பாராட்டுக்கள்.

அவற்றில் ஓரளவிற்கு நெருங்கி வந்து சிறப்பாகப் பதில் எழுதியவர்களின் பெயர்களை (அவர்கள் எழுதிய முக்கியமான வரிகளுடன் கீழே கொடுத்துள்ளேன்) படித்துப் பாருங்கள். அவர்கள் 11 பேர்களுக்கும் எனது விஷேசப் பாராட்டுகள்

1. Keven: கேது கொடி பிடித்து செல்கிறார். துறவை / இழப்பைக்குறிக்கிறது.

2. KJ: 2. Suriyan and kethu at 7th house is not favour for marraige life. Though because of Guru's 5th aspect to 7th house, She got married and that ends in divorce or...

3.Janani Murugesan: 3. 2 & 5 க்குடைய குரு 3ல் நீசம், சனி ஐந்தாம் வீட்டில் அதனால் குடும்பம் குழந்தை போன்றவை இவருக்கு அமையாமல் போய் விட்டது.

4. Palani Shanmugam: குரு ஐந்தாம் பார்வையாகவும், சனி 5இல் இருந்து களத்திர ஸ்தானமான 7ஆம் இடத்தைப் பார்ப்பதாலும் தாமதமாக திருமணம் நடந்திருக்கும். 7ஆம் வீட்டு அதிபதி அந்த இடத்துக்கு 12இல் இருப்பதால் குடும்ப வாழ்க்கை மகிழ்ச்சிகரமாக இருந்திருக்காது. 6இல் களத்திர ஸ்தான அதிபதி சுக்கிரன் மறைந்து விட்டதாலும் 7க்கு எட்டாமிடத்தில் குரு நீச்சம் பெற்று விட்டதாலும் கணவருக்கு ஆயுள் குறைவு.

5.Venkatesh.T: ஏழாம் வீட்டு அதிபதி சுக்கிரன் அதற்கு 12ல். சுக்கிரனுக்கு 8ல் களத்திர காரகன் ராகுவுடன் இருப்பது கடுமையான களத்திர தோஷம். அதை தவிர 7ல் கேது இருப்பதால் ஜாதகி கணவனை இழந்தவர்.

6. Ravichandran: 3. Married and her husband died.(Widow)

7.Dr.Mohan, Brunei  Difficulty in marriage life

8.Trichy Ravi: her husband must be expired due to 7th house owner(Sukran) sitting in 12th house(Virayam) from 7th house.

9. Mahendran.D: சூரியன் + புதன் சேர்க்கை செவ்வாயின் வீட்டில் அமர்வதால் விதவையாவாள்.

10. Radha Sridhar: கேது கோடி பிடிக்க, கால சர்ப்ப தோஷம். பெரிய குறை. இரண்டாம் வீட்டதிபதி குரு நீசம். நல்ல குடும்ப வாழ்க்கை அமைவது சிரமம். ஏழாம் வீடு சூரியன் ,கேது உள்ளதால் திருமணம் ஆகாது. குழந்தை இருக்காது. ஏழாம் வீட்டதிபதி 6ல் அஷ்டமாதிபதியுடன் சேர்க்கை.

11. Hamaragana: 2மிட உள்ள குரு 3மிடத்தில் நீசமாகி போனார். ஆகவே குடும்பம் இல்லை. 5மிடம் மீனம் சனி -குரு பரிவர்த்தனை .சிறப்பாக இருந்தாலும் பிறர் குழந்தைகளை தன குழந்தைகளாக பாவிக்கும் நிலை..7மிடம் ரிஷபம் சூரியன்+கேது கூட்டணி -3ம் பார்வையாக சனி வேறு நேசம் பெற்ற குரு பார்த்தாலும் ..3 பாவிகள் செவ்வாய்,ராஹு,&சனி இவர்கள் 3 பேரின் பார்வை ஆகவே திருமணம் என்பது இந்த பெண்ணின் வாழகைய்ல் ஒரு கனவுதான் ஒரு ஆறுதலான விஷயம்.7இல் சூரியனுடன் கேது இருப்பதால் துறவி போன்று சமூக சேவை மனப்பாங்குடன் இருப்பார்
-----------------------------------------------------------
இந்த ஜாதகம் முதலிலேயே நமது வகுப்பறையில், அலசல் பாடங்கள் பகுதியில் நான் வெளியிட்டதுதான். வெளியானது நினைவில் இல்லாமல் எனது கிடங்கில் இருந்து அதை எடுத்து உங்களுக்கு நேற்று நான் கொடுத்திருந்தேன். பதிவிட்ட சில மணி நேரங்களிலேயே நமது மாணவர் திலகம் ஒருவர் (திருவாளர் சக்தி கருப்பையா, மதுரை) அதைச் சுட்டிக் காட்டினார். அது தவறுதான். இனி அதுபோன்ற தவறு நடக்காமல் பார்த்துக்கொள்கிறேன்

முன்பு வந்த பதிவிற்கான சுட்டி  (URL) clickக்கி அதையும் பாருங்கள்

தேதி: 13.8.2012
பதிவின் தலைப்பு: கொடிபிடித்துச் செல்பவரின் முக்கியத்துவம்

http://classroom2007.blogspot.in/2012/09/astrology_13.html

நேற்றையப் பாடத்தை ரிவிசன் பாடக் கணக்கில் வைத்துக் கொள்ளுங்கள்

அன்புடன்
வாத்தியார்

வாழ்க வளமுடன்!
வளர்க நலமுடன்!
================================================================