Astrology: Check in ஆகிவிட்டீர்களா?

 

Astrology: Check in ஆகிவிட்டீர்களா?

செக் இன் என்பதற்கான அர்த்தமும் முக்கியத்துவமும் அடிக்கடி விமானத்தில் பயணிப்பவர்களுக்கு நன்றாகத் தெரியும். அத்துடன் நண்பர்களை அல்லது உறவினர்களை வழியனுப்ப விமான நிலையங்களுச் செல்கின்றவர்களுக்கும் நன்றாகத்தெரியும்!

சரி, செக் இன்னைப் பற்றி அகராதி என்ன சொல்கிறது? The act or process of reporting that you have arrived at a hotel, an airport, etc. : the act or process of checking in; also : the time when people are allowed to check என்கிறது.

பேருந்துப் பயணம் என்றால், கடைசி நிமிடத்தில்கூடச் சென்று, பேருந்தில் ஏறி, பதிவு செய்யப்பட்ட நமது இருக்கையில் அமர்ந்து கொள்ளலாம்.

விமானப் பயணத்தில் அது சாத்தியமில்லை!

உங்களையும், உங்கள் பெட்டிகள் (Suit cases and other packages) என்று அனைத்தையும் குடைந்துவிட்டு, அனுமதி மறுக்கப்பெற்ற பொருட்கள் உங்களிடம் எதுவுமில்லை என்று தெரிந்த பிறகும், உங்களுடைய சாமான்களின் அளவு அனுமதிக்கப்பெற்ற எடைக்குள்தான் இருக்கின்றன என்று தெரிந்த பிறகும், உங்களுடைய பாஸ்போர்ட், விசா, முதலியவை சரியாக உள்ளனவா என்று பரிசோதித்த பிறகும்தான் உங்களுக்குச் செக்கின்’ சீட்டை வழங்குவார்கள். அதற்குப் பிறகுதான் நீங்கள் பயணத்திற்குத் தகுதியானவர் ஆவீர்கள். அந்த செக்கின் ஸ்லிப்புடன் தான் நீங்கள் உங்களுக்கான விமானத்தில் ஏறிப் பயணிக்க முடியும்.
-----------------------------------------------------------------
நான் சொல்ல வந்த செக்கின் மேட்டர் வேறு!

உங்களுக்கு 60 வயதாகிவிட்டதா? அப்படி என்றால் பதிவை மேற்கொண்டு படியுங்கள். மற்றவர்கள் எல்லாம் பதிவை விட்டு விலகுங்கள்.
-----------------------------------------------------------------
அறுபது வயதாகி விட்டதல்லாவா? எப்போது வேண்டுமென்றாலும் மிஸ்டர் எமதர்மராஜன் பாசத்தோடு (பாசக் கயிற்றோடு) உங்களைத் தேடி வரலாம். ஆகவே நீங்கள் பயணத்திற்கு தயாராக இருப்பது அவசியம்.

அவன் வந்த பிறகு, முன் ஜாமீன், வாய்தாவெல்லாம் வாங்க முடியாது. அள்ளிக் கொண்டு போய் விடுவான். திரைப்படங்களில் பார்த்திருப்பீர்களே அது போல உஙகளை அள்ளிக் கொண்டு போய் விடுவான்.

1.  சொத்துக்கள் இருந்தால், உங்களுக்குப் பிறகு வீட்டில் மண்டை உடையாமல் இருக்க உயில் எழுதிப் பதிவு செய்து வைத்து விடுவது நல்லது.

2. வங்கி லாக்கர் இருந்தால், அதற்கு நீங்கள் உங்கள் இல்லாளையோ அல்லது உங்களுக்கு நம்பிக்கை உள்ள ஒருவரையோ நாமினேட் செய்து வைத்து விடுவது நல்லது.

3. வங்கி வைப்புத்தொகைகள், வங்கி சேமிப்புக் கணக்குகள் போன்றவற்றிற்கும் அதே போல ஒருவரை நாமினேட் செய்து வைத்துவிடுவது நல்லது.

4. முக்கியமாக சொத்துப் பத்திரங்கள், லாக்கர் சாவிகள், எல்லாவற்றையும் விட முக்கியமாக ரேசன் கார்டு போன்றவற்றையும் ஒரே இடத்தில் வைத்து அதன் விபரத்தையும் ஒருவரிடம் சொல்லி வைத்து விடுவது நல்லது.

5. நீங்கள் புத்தகங்கள் படிப்பவராகவும், நிறையப் புத்தகங்களைச் சேகரித்து வைத்திருப்பவராகவும் இருந்தால், உங்களுக்குப் பிறகு அந்தப் பொக்கிஷங்கள் எல்லாம் எடைக்குப் போய் விடாமல் இருக்க, அவற்றை எல்லாம் உள்ளூரில் உள்ள நூலகத்தில் ஒப்படைக்க ஏற்பாடு செய்வது நல்லது.

சரி, போர்டிங் பாஸ் (அதாவது செக்கின் ஸ்லிப்) நமக்கு எப்போது கிடைக்கும் என்பதை அறிந்துகொள்ள நேர்வழி மற்றும் குறுக்கு வழி ஏதாவது உள்ளதா?

உள்ளது. அதை இங்கே எழுதினால் ஆபத்து! பதிவு முழுமையாகத் திருட்டுப் போகும் ஆபத்து உள்ளது.

ஆகவே Galaxy2007 வகுப்பில் எழுத உள்ளேன். அங்கே பாருங்கள்! அல்லது எனது புத்தகங்களின் முதல் இரண்டு பாகங்கள் இன்னும் இரண்டு மாத
காலத்தில் வெளிவர உள்ளன! அப்போது படித்துத் தெரிந்து கொள்ளுங்கள்!


அன்புடன்
வாத்தியார்

வாழ்க வளமுடன்!
வளர்க நலமுடன்!
=============================================================