Doubts: நீங்களும், உங்கள் சந்தேகங்களும்!

..............................................................................................................
Doubts: நீங்களும், உங்கள் சந்தேகங்களும்!

வகுப்பறையில் இன்றையத் தேதியில் 3,167 தொடர்பவர்கள் இருக்கிறார்கள். அதுதவிர நேரடியாகவும், கூகுள் ரீடர் மூலமாகவும் படிப்பவர்கள் சுமார் ஆயிரம் பேர்கள் இருக்கிறார்கள்

இரண்டாண்டுகளுக்கு முன்பு (அதாவது 22.12.2009 அன்று) 1,131 மாணவர்கள் இருந்தார்கள். அதற்கு. 5 மாதங்களுக்கு முன்பு, அதாவது 15.7.2009 அன்று இருந்தவர்களின் எண்ணிக்கை 300 மட்டுமே. அதற்கு ஒரு ஆண்டு முன்பு இருந்தவர்களின் எண்ணிக்கை 60 மட்டுமே!

புது முகங்களுக்கு, பழைய பாடங்களில் நிறைய சந்தேகங்கள் உள்ளன. சிலருக்கு அத்தனை பாடங்களையும் சரியாகப் படிக்காததால் சந்தேகங்கள். சிலருக்குப் படித்தும் சந்தேகங்கள். உங்கள் சந்தேகங்களைத் தீர்த்து வைக்கும் முகமாக தொடர்ந்து கேள்வி, பதில் பகுதி வகுப்பை நடத்தினேன். அதில் வந்த கேள்வி, பதில் அனைத்துமே மிகவும் பயனுள்ளதாக இருக்கும்.

இப்போது அவற்றை மீள்பதிவாகத் த்ரவுள்ளேன். அனைவருக்கும் அது - குறிப்பாக புதியவர்களுக்கு, அது பயனுள்ளதாக இருக்கும். பழைய மாணவர்களும் பாடங்களைத் திரும்பப் படிப்பதைப்போல அவற்றை மீண்டும் படியுங்கள்
-------------------------------------------------
இரண்டு இளைஞர்கள் தேவாலத்திற்குச் சென்றார்கள். இருவரில் ஒருவன் ஈடுபாட்டுடன் சென்றவன்.

அடுத்தவன், நண்பனின் வற்புறுத்தலுக்காகச் சென்றவன்.

பாதிரியார் அருமையாக உரை நிகழ்த்திக் கொண்டிருந்தார். துவங்கி 2 மணி நேரமாகியும், உற்சாகமாக உரை நிகழ்த்திக் கொண்டிருந்தார்.

வற்புறுத்தலுக்காகச் சென்றவன் புகை வண்டி ஆசாமி (அதாவது chain smoker) அவனுக்கு இருப்புக் கொள்ளவில்லை.தன் நண்பனிடம் கிசுகிசுத்தான்:

“டேய் மெல்ல எழுந்து போய், ஒரு தம் அடித்து விட்டு வருகிறேன்”

”அதெல்லாம் கூடாது. சும்மா உட்கார், எழுந்து சென்றால், பாதிரியாரின் கண்ணில் படும்.”

”அப்படியென்றால், இங்கேயே சிகரெட்டைப் பற்றவைத்து இரண்டு இழுப்பு இழுத்துவிடவா?”

”அதெல்லாம், கூடாது. கொன்று விடுவேன். பாதியார் பார்த்தால் கோபம் கொள்வார்!”

”கோபம் கொண்டால் அவர் எப்படிப் பாதிரியாராக இருக்க முடியும்? நீ எழுந்து அவரையே கேள். இல்லையென்றால் நான் எழுந்து கேட்கிறேன்”

அவனுடைய நச்சரிப்புத் தாங்காமல், கூட்டிக்கொண்டு போன நண்பன், எழுந்து நின்று கேட்டான்” Father, பிரார்த்தனையின் போது, புகை பிடிக்கலாமா?”

பாதிரியார் பதில் சொன்னார்,” இல்லை, கூடாது!”

நம்ம ஆள் சொன்னான், உனக்குக் கேட்கத் தெரியவில்லை. நான் கேட்கிறேன் பார் என்று கிசுகிசுத்தவன், எழுந்து நின்று, கணீரென்ற குரலில் கேட்டான். “Father, புகைபிடிக்கும் போது பிரார்த்தனை செய்யலாமா?”

“செய்யலாம். இறைவனைப் பிரார்த்திப்பதற்கு எதுவும் தடையில்லை!”
---------------------------------------------------------------------
”வாத்தி (யார்) எதற்காக இந்தக் கதை?

”அகடவிகட சாமர்த்தியம் எப்படி இருக்கும் என்பதற்காக இதைச் சொன்னேன்”

”அது சரி, வகுப்பறையில், எதற்காகச் சொன்னீர்கள்?

”சந்தேகத்தைக் கேட்கச் சொல்லிவிட்டாரே, வாத்தியார் என்று தங்கள் சொந்த ஜாதகத்தில் உள்ள சந்தேகங்களை, பொதுச் சந்தேகம் போல தோற்றமளிக்கும் படி கேட்பவர்களுக்காக  இதைச் சொன்னேன்”
---------------------------------------------------------------------
அடுத்துவரும்  நாட்களில் உங்கள்  சந்தேகங்கள் தீர்க்கப்படும் விதமாக முன்பு வந்த கேள்வி, பதில் பகுதி வெளியாகும். அனைவரும் ஜோதிட சம்பந்தமாக உள்ள உங்கள் சந்தேகங்களைப் போக்கிக் கொள்ளலாம்.. அரசில் குறை கேட்கும் வாரம் என்று நடத்துவார்களே. அப்படி நினைத்துக் கொள்ளுங்கள்.

முதல் சந்தேகத்தை மாணவி ஒருவர் கேட்டு இந்தத் தொடர் பதிவைத் துவக்கி வைத்துள்ளார். அவர் கேட்டுள்ள கேள்வி: “சுயவர்க்கம் என்றால் என்ன? அதை எப்படித் தெரிந்துகொள்வது?” அதற்கான விரிவான பதில் நாளையப் பதிவில்!

இந்த மீள் பதிவு எதற்காக?

எனக்கு வரும் மின்னஞ்சல்களில் ஒன்றை உங்கள் பார்வைக்காகக் கீழே கொடுத்துள்ளேன்:
---------------------------------------------------------------------
Raghupathy Kolandavelu k.raghupathy@gmail.com   
24 Mar 2012       
to me
ஐயா,

இந்த பரல் கணக்கு புரிய மாட்டேங்குது.. கணினி கண நேரத்தில் கணித்து கொடுத்துவிடும் என்றாலும், பின் வரும் பாடங்களில் சுயவர்க்க பரல் எண்ணிக்கை தேவைபடுகிறது. இளையராஜாவிற்கு அனுப்பிய மாதிரி ஜாதகத்தை என் பக்கமும் அனுப்பினால் நன்றி உடையவனாக இருப்பேன்.
With Thanks
Raghupathy K
---------------------------------------------------------------------------

அன்புடன்

வாத்தியார்

வாழ்க வளமுடன்!