மறுபிறவி உண்டா, இல்லையா?

 மறுபிறவி உண்டா, இல்லையா?

பக்தி மலர் by KMRK, Our classroom Senior Student

உண்டென்றால் முற்பிறப்பில் நாம் என்னவாக இருந்தோம்?

இந்தக் கேள்விகள் சிந்திக்கத் தெரிந்தவர்கள் அனைவருக்கும் இயல்பாகத் தோன்றுவதே! பக்திமலருக்கு இது சரியான செய்திதானா?

சரியோ சரியில்லையோ எழுதத் துணிந்துவிட்டேன்.முன் வைத்த காலைப்பின்
வைக்கும் வழக்கம் எல்லாம் இல்லை. எனவே எழுதுகிறேன்.

"பிறவிப் பெருங்கடல் நீந்துவர்..."

(திருக்குறள்)

"பிறப்பறுக்கும் பிஞ்ஞகன்தன் பெய்கழல்கள் வெல்க"

"பிறந்த பிறப்பு அறுக்கும் எங்கள் பெருமான் "

"அல்லல் பிறவி அறுப்பானே ஓ என்று"

"மீண்டு வாராவழி அருள் புரிபவன்"

(திருவாசகம்=மாணிக்கவாசக சுவாமிகள்)

ஈசன் அவன்அல்லா தில்லை எனநினைந்து
கூசி மனத்தகத்துக் கொண்டிருந்து - பேசி
மறவாது வாழ்வாரை மண்ணுலகத் தென்றும்
பிறவாமைக் காக்கும் பிரான்.

(காரைக்கால் அம்மையார்)

வேதநூல் பிராயம் நூறு மனிசர்தாம் புகுவ ரேலும்
பாதியு முறங்கிப் போகும் நின்றதில் பதினை யாண்டு
பேதைபா லகன தாகும் பிணிபசி மூப்புத் துன்பம்
ஆதலால் பிறவி வேண்டேன் அரங்கமா நகருளானே

(தொண்டரடிப்பொடி ஆழ்வார்)

இதுபோலப் பல மேற்கோள்களைக் காட்டிக் கொண்டே செல்லலாம்.

பன்னெடுங்காலமாக மறுபிறவி, முற்பிறவி பற்றிய கருத்துக்கள் நம் மரபில் உள்ளன. அவ்வாறு பெரியவர்கள் கூறியதை அப்படியே ஏற்றுக் கொள்வது எங்கள் தலைமுறையினர் வழக்கம்.

ஆனால் இத் தலைமுறையினருக்கு மேலும் சில விளக்கங்கள் அளிப்பது தேவையாகிறது.

கிரேக்கத்தில் கூட 2300 ஆண்டுகளுக்கு முன்னரே முற்பிறவிக் க‌ருத்துக்கள் உள்ளன.

ER      என்பவர் இறந்துவிடுகிறார்.அவருடைய உடலை எரிப்பதற்காக
மயானத்திற்கு எடுத்துச் செல்கிறார்கள்.(நன்றாகக் கவனியுங்கள். 2300
ஆண்டுகளுக்கு முன்னர் எரிக்கும் வழக்கம் கிரேகத்தில் இருந்துள்ளது.)

அவருடைய மார்பில் தீயை வைக்கும் சமயம் அவர் உடல் நெளிகிறது.அவர் கண் திறந்து பார்க்கிறார்.முதலில் பயந்து போனவர்கள், பின்னர் சுதாரித்து அவரை தூக்கி எழுப்புகிறார்கள்.அவர் தான் இறந்த அநுபவத்தைக் கூறுகிறார்.

இறப்புக்கான கடவுள் அவரைத் தவறாகக்கூட்டிச் சென்று விட்டதாம்.அதனால்
நரகம், சொர்க்கம் ஆகியவற்றிற்குச் செல்லும் இடைவழியில் தள்ளி நின்று
நடப்பவற்றைக் கவனிக்குமாறு அறிவுறுத்தப்பட்டார்.

நரகத்திலிருந்து வருபவர்களுக்கு ஒரு பெரிய பட்டியல்
காண்பிக்கப்பட்டது.அப்பட்டியலில் அவர்களுக்கு அடுத்த பிறவி எது வேண்டுமோ அதனை அவர் அவர்களே தேர்வு செய்யும் உரிமை அளிக்கப்பட்டது.நரகத்தில் இட‌ர் பட்டவர்கள் த‌ங்கள் மோசமான அநுபவத்தால் மிகவும் ஜாக்கிரதை உணர்வுடன் அடுத்த பிறவியைத் தேர்வு செய்தனர்.ஆனால் சொர்கத்தில் இருந்து திரும்பியவர்கள் அவசர‌ப்பட்டு சொகுசு வாழ்க்கையை தேர்ந்து எடுத்தனர். பட்டியலில் இருந்த பகட்டு வாழ்க்கையுடன் ஒரு 'செக்' வைக்கப்பட்டுள்ளதை சொர்கவாசிகள் கவனிக்காமல் தேர்ந்து எடுத்து  நரக வாழ்வுக்குத் தங்களை
ஆட்படுத்திக் கொண்டனர்.

இந்த இணைப்பைப் படியுங்கள்.    Plato's Republic

http://www.davidson.edu/academic/classics/neumann/CLA350/ErMyth.html

நமது புராணங்களில் ஜடபரதர் பற்றிய கதை மறுபிறவிக் கருத்துக்கு வலு
சேர்க்கும்.தன் கடமையெல்லாம் முடித்த பர‌த மன்னன்(இராமாயண பரதன்
அல்ல)வானப்பிரஸ்த ஆசிரமத்தை எடுத்துக் கொண்டு காட்டிற்குச் சென்று தவம் செய்தனன். அப்போது ஒரு நாள் கர்பமான மான் ஒன்று சிங்கத்தால்
துரத்தப்பட்டு,பரதர் அமர்ந்து இருந்த நீர்நிலைக்கு அருகில் வந்து அந்த
நீரைத் தாண்டிக் குதிக்கும் போது பிரசவித்துவிட்டது.தாய் மான் உயிரை
விட்டுவிட்டது. பிறந்த குட்டி மான் நீரில் விழுந்து தத்தளித்ததைப்
பார்த்த பரதர் அந்த மான் குட்டியிடம் பிரியம் வைத்து அதனைக்
காப்பற்றினார். வளர்க்கத் துவங்கினார்.பரதரின் அந்திம காலம் வந்த போதும்,
மானையே நினைத்துக்கொண்டு உயிரை விட்டார். அதனால் அவருக்கு மான் பிறவி ஏற்பட்டது.ஆனால் தன்னுடைய முற்பிறவி மானான‌ பரதனுக்கு நன்கு  தெரிந்து இருந்தது.மான் பிறவியை நன்கு கழித்து ,மீண்டும் மனிதப் பிறவியை அடைந்து ஜடபரத முனிவராக வளர்ந்து முக்தி அடைந்தார்.

புராணம் எல்லாம் புரட்டு என்பவர்களும் இதனைப் படிக்கக்கூடும் .எனவே அதனை இதோடு விட்டு விட்டு  வேறு ஆதாரங்களைத் தேடுவோம்.

குழந்தை மேதாவிகள் எவ்வாறு தோன்றுகின்றனர்?

ஏர் டெல் சூப்ப‌ர் சிங்க‌ரில் ஜூனியரில் ஸ்ரீகாந்த் என்ற வாண்டு சக்கை
போடு போட்டானே!எப்படி? ஸ்ரீகாந்த் ஆவது சினிமாப் பாடல்கள் தான்
பாடினான்.அவனுக்கு பாரம்பரிய இசையைப் பற்றிய ஞானம் எவ்வளவு என்பது
நமக்குக் காண்ப்க்கப்படவில்லை.

http://www.youtube.com/watch?v=4ZAQddoWeM0&feature=related

ஆனால் ஒரு பெண் குழந்தை,SRINIDHI,  2 வயது இருக்கலாம், கர்னாடக
சங்கீதத்தில் ராகம் கண்டு பிடிக்கிறாள். சுர வரிசை சொல்கிறாள்.பாம்பே
ஜெயஸ்ரீ போன்ற பிரபலத்தால் சோதிக்கப்பட்டு வெற்றி பெறுகிறாள்.பேச்சுக்
கூட சரியாக வராத குழந்தைக்கு வெறும் பயிற்சியால் அந்த ஞானம் வந்துவிடுமா? முற்பிறவி வாசனை என்றே சொல்லத் தோன்றுகிறது.

 http://www.youtube.com/watch?v=9Jen-1ofuU4&feature=results_main&playnext=1&list=PLA7264574DC19274C

http://www.youtube.com/watch?NR=1&v=Y9kladiGQlk

http://www.youtube.com/watch?v=nJLTkO0lwWU&feature=related

http://www.youtube.com/watch?v=P2fBjXN66JE&feature=related

http://www.youtube.com/watch?v=nByWAVeYhhI&feature=related

இதைப் பாருங்கள்.பேபி வர்ஷா புவனேஸ்வரி செய்யும் வள்ளித் திருமணம் சங்கீத உபன்யாசத்தைக் கேளுங்கள்.

பயிற்சி எடுத்துக் கொண்டாலும் அந்த முக பாவம்,பாட்டு, தாளக்கட்டு,
ந‌டிப்பு, நகைச்சுவை டைமிங் எல்லாம் கற்றதனால் மட்டும்  வருமா?  முற்பிறவியில் இந்தக் கலையில் நல்ல பயிற்சியுள்ள ஏதோ ஒரு ஆன்மா
இந்தப்பெண் உள்ளே இருக்கலாம் என்று எனக்குத் தோன்றுகிறது.

http://www.youtube.com/watch?v=c2bT2fR8y3A&feature=related

இப்போது ஐரோப்பாவிலும், அமெரிக்காவிலும்  பாரா சைகாலஜி ஆராய்ச்சி மிகவும் பிரபலம். ரஷ்யாவிலிருந்து 300 புத்தகங்கள் வெளி வந்துள்ளன.

Near death experience, Reincarnation

இவை பற்றி அதிகமான ஆராய்ச்சி நடைபெறுகிறது.இந்த ஆராய்ச்சிகளில் மிகவும் புகழ் பெற்ற ஆய்வாளர்      IAN STEVENSON.

அவரைப் பற்றி அறியவும், அவருடைய பேட்டியைப் படிக்கவும் , அவருடைய
ஆய்வுகளிலேயே மிகவும் முக்கியமான சுவர்ண‌லதா பற்றிப் படிக்கவும் இந்த
சுட்டியைப்பருங்கள்.
http://reluctant-messenger.com/reincarnation-proof.htm

மறு பிறவியைப்பற்றி நானுமே குழப்பத்தில்தான் உள்ளேன். திறந்த மனத்துடன் இந்த சுட்டிகளைப் படித்து ஆரோக்கியமான விமர்சனங்களைச் செய்ய அன்புடன் அழைக்கிறேன்.

வாழ்க வளமுடன்!

ஆக்கியோன்:கே.முத்துராமகிருஷ்ணன்(லால்குடி)
 =======================================================
வாழ்க வளமுடன்!