அம்ப்பயர் இல்லாத ஆட்டம் எது?

----------------------------------------------------------------------------------------
அம்ப்பயர் இல்லாத ஆட்டம் எது?

கேள்வி - பதில்கள் (இரண்டாவது சீஸன்) பகுதி.16
உங்களின் கேள்விகள் - வாத்தியாரின் பதில்கள்
++++++++++++++++++++++++++++++++++++++===========
மின்னஞ்சல் எண்.52
செந்தில்குமார்
   
சார், பொதுவாக ஜாதகத்தில் விதி (லக்னம் )யை வைத்து பார்க்க வேண்டும். விதி சரியில்லை எனில் மதியை (சந்திரன்)வைத்து பார்க்க வேண்டும். மதி சரியில்லையெனில் கதியை (சூரியன் )வைத்து பார்க்க வேண்டும் என என் ஜோதிட நண்பர் சொல்வார். இது எந்த அளவு சாத்தியம்?

லக்கினம்தான் பிரதானம். லக்கினத்தை வைத்துத்தான் பலன்களைப் பார்க்க வேண்டும். சிலர் சந்திரனை - சந்திரன் இருக்கும் ராசியை லக்கினமாக எடுத்துக்கொண்டு பலன்களைப் பார்ப்பார்கள். திருமணம் நடக்குமா? அல்லது நடக்காதா? திருமணம் தாமதம் ஆவதற்குக் காரணம் என்ன என்பதுபோன்ற விஷயங்களுக்கு அப்படிப் பார்ப்பர்கள். சனியால் ஏற்படவுள்ள திருமண அவஸ்தைகளுக்கு, இரண்டு இடங்களையுமே பார்ப்பது நல்லது.

எல்லா பலன்களுக்கும் அப்படிப்பார்த்தால் மண்டைகாய்ந்து விடும். மண்டை காய்ந்து விடுவது என்றால் என்ன வென்று தெரியுமல்லவா?

லக்கினத்தை வைத்துப்பார்க்கும்போது எல்லாம் சரியாக இருந்தால் சந்திர லக்கினத்தை நினைக்க மாட்டார்கள்.

நீங்கள் லக்கினத்தை மட்டும் வைத்தே பலன்களைப் பாருங்கள். அது ஒருத்தியை மட்டும் மணந்து கொண்டு வாழ்வதற்குச் சமம். இரண்டையும் வைத்துப் பலன்களைப் பார்ப்பது இரண்டு பெண்களை மனந்து கொண்டு வாழ்வதற்குச் சமம். இரண்டு பெண்டாட்டிக்காரர்கள் கதைகள் தெரியுமல்லவா? தெரியாவிட்டால் கேட்டுத்  தெரிந்து கொள்ளுங்கள்.

கிரிக்கெட்டில் பந்து வீச்சுப் பகுதியில் ஒரு அம்ப்பயரும், ஸ்கொயர் லெக் பகுதியில் ஒரு லைன் அம்ப்பயரும்  என்று இரண்டு பேர்கள்
இருப்பதோடு, Third Umpire ஒருவரும் இருப்பார். ஜாதகங்களுக்கும்
அப்படி மூன்று நிலை அம்ப்பயர்கள் இருந்தால் எவ்வளவு நன்றாக இருக்கும்?

அம்ப்பயர் இல்லாத ஆட்டம் ஒன்று உண்டு என்றால், அது கிரகங்கள் நம்முடன் ஆடும் ஆட்டம்தான்!
-----------------------------------------------------------
மின்னஞ்சல் எண்.53
அழகிரி
   
ஐயா,
எனது ஜாதகத்தில் அரசாணி தோஷம் உள்ளது என்று கூறுகின்றனர் அதனால் திறமான தடை ஏற்படுகின்றது என்றும் கூறுகின்றனர் .
அரசாணி தோஷம் என்றால் என்ன? அதற்குரிய பரிகாரதையும் 
கூறவும். உங்கள் பதிலுக்காக ஆவலுடன் காத்திருக்கும்
அழகிரி

அரசாணி என்றால் எங்கள் கோவையில் அது பரங்கிக்காயைக்குறிக்கும். அரசாணிக்காய் என்பார்கள். காரைக்குடிப்பகுதியில் அரசாணைக் கால் என்றால், திருமணத்திற்கு முதல் நாள் மணவறையில், மனைக்கு எதிரில் கட்டப்பெறும் அரசு ஆணக் காலைக் குறிக்கும். அதாவது முற்காலத்தில் மன்னனிடம் இருந்து உத்தரவு வந்து அதைச் செய்வார்களாம். இப்போதும் அப்பழக்கத்தை விடாமல் தொடர்கிறார்கள்.

நீங்கள் சொல்லும் அரசாணி என்னவென்று தெரியவில்லை.
-------------------------------------------------------------------------
மின்னஞ்சல் எண்.54
அரியப்பன் சாத்தப்பன்

வணக்கம் அய்யா,
1 ,ஒரு கிரகம் தன் வீட்டை பார்பதால் அந்த வீடு பலம் பெரும். அதன் அடிப்படையில் இரண்டுக்கு உடையவன் 8ல் இருந்து பார்ப்பதால் இரண்டாம் வீடு பலம் பெருமா?

உடையவன் எங்கே இருந்து தன் வீட்டைப் பார்த்தாலும், அந்த வீடு பலம் பெறும்.

2,வக்கிர கிரகத்துக்கு 12ல் எதேனும் (லக்கின ரீதியில் சுபக்கிரகம்) இருப்பதோ அல்லது பார்வையோ இருந்தால் நல்ல பலனை தருமா? மாத .ஜோதிடத்தில் படித்த நினைப்பு இருக்கிறது இது சரியா?தவறா?

தெரியவில்லை. நீங்கள் எங்கேயோ படித்து, அரைகுறையாக மனதில் வைத்திருப்பதற்கு, இங்கே வந்து விளக்கம் கேட்பதும் தவறுதான்!

3, சர்வஅஷ்ட்டக வர்க்கத்தில் (பரல்களின் கூட்டுதொகை) 1 முதல் 4வரை இளமை, 5 முதல் 8வரை மத்திய பருவம்,9ஆம் வீடுமுதல்12ஆம் வீடு வரை வயோதிகம் காலம் என்று பலன் இருப்பதாக படித்துருக்கிறேன் இது சரியா?
நன்றியுடன்
அரிபாய் 

தவறு. மீனம் முதல் மிதுனம்வரை உள்ள பரல்களின் கூட்டுத்தொகை - இளமைக்காலம். கடகம் முதல்  துலாம்வரை உள்ள பரல்களின் கூட்டுத்தொகை - மத்திய வயது விருச்சிகம் முதல் கும்பம்வரை உள்ள பரல்களின் கூட்டுத்தொகை - வயதான காலம் என்பதுதான் சரியானதாகும்
------------------------------------------------------------------------------------------------
மின்னஞ்சல் எண்.55
ரவி மாதவன்

Anbulla Ayya
          Regarding retrograde palnets i have doubts, like in normal gochara plantes like mercury, venus, saturn, jupiter,mars gets retograde and it comes back to the normal position but in natal chart if any one of the planet shows retrograde whether it will have vakra nivarthi like gochara or else whether it will remain vakra through outs the person life time please clarify.
Regards
Ravi.M

ஒரு கிரகம் வக்கிரகதியில் இருக்கும்போது, பிறந்தவரின் ஜாதகத்தில் அது வக்கிரகதியில் இருந்ததாகக் குறிப்பிடப் பெற்றிருக்கும். It is fixed. Cannot be changed for any reason. ஜாதகத்தில் கடைசிவரை அது அப்படியே நிலைபெற்று இருக்கும்!

கிரகம் வக்கிரகதி நிவர்த்தி பெறும்வரை, தாய் வயிற்றிலேயே இருந்துவிட்டுப் பிறகு பிறக்கும் வாய்ப்பு எவருக்கும் தரப்படவில்லை. தந்திருந்தால், இந்த வக்கிரகதி, அதனால் ஏற்படும் உபத்திரவங்கள் எல்லாம் இருக்காது. நீங்களும், நானும் நிம்மதியாக இருக்கலாம்.
------------------------------------------------------------------------
மின்னஞ்சல் எண்.56
R.K.சுரேஷ்

Dear Sir,

My Questions are:
   1. Who is giving all benefits?

சுபக் கிரகங்கள் நன்மைகளை வழங்கும் எல்லா நன்மைகளையும் என்னும்போதுதான் சிக்கல். ஒரே மாத்திரையில்  எல்லா நோய்களையும் குணமாக்க முடியமா? ஒரே ரயில் எல்லா ஊர்களுக்கும் போக முடியுமா? எல்லா சக்திகளையும் எல்லா வைட்டமின்களையும் தரக்கூடிய
ஒரே உணவு உண்டா? அதுபோல எல்லா நன்மைகளையும் வழங்கக்
கூடிய தனிப்பட்ட கிரகம் எதுவும் இல்லை.

   2. Who is authorised planets to giving any kind of Govt jobs? because somebody told me mars and somebody told me sun.

சூரியன்.

   3. How the jobs are assigned? because somebody told me based on lakna, based on your statement 10th place, somebody told me based on nakchatra.

பத்தாம் வீட்டுக்காரனும், சனீஷ்வரனும் சேர்ந்து அடித்து ஆடினால் நல்ல ஸ்கோர் கிடைக்கும். அதாவது நல்ல வேலை அல்லது தொழில் அமையும்.
-----------------------------------------------------------------------------------
(தொடரும்)

அன்புடன்
வாத்தியார்

வாழ்க வளமுடன்!